လံာ်မၢ်ကူး 3:18 - Sgaw Karen Common Bible

¹⁸ စီၤအၣ်ဒရ့း, စီၤဖံလံးပူး, စီၤဘၢ်သလီးမဲ, စီၤမးသဲ, စီၤသိၤမါ, စီၤအၤလဖဲအဖိခွါစီၤယၤကိာ်, စီၤသးဒဲ, ပှၤအဲၣ်အထံအကီၢ်စီၤၡံမိၣ်,

လံာ်မၢ်ကူး 3:18 Iomraidhean Croise

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 9:9

တုၤယ့ၣ်ၡူးဟးထီၣ်လၢတၢ်လီၢ်န့ၣ်ဒီး လဲၤဝဲဆူညါန့ၣ်, အဝဲထံၣ်န့ၢ်ပှၤဃ့သွဲတဂၤ လၢအမံၤမ့ၢ်ဝဲစီၤမးသဲဆ့ၣ်နီၤလၢအတၢ်မၤအလီၢ်လီၤ. ယ့ၣ်ၡူးစံးဘၣ်အီၤ, “ဟဲဒီးကဲဘၣ်ယပျဲၢ်ယဘီၣ်တက့ၢ်.” ဒီးစီၤမးသဲဂဲၤဆၢထၢၣ်ဒီးပိာ်ထီၣ်အခံလီၤ.

လံာ်မၢ်ကူး 2:14

ဖဲအလဲၤကဒီးဝဲဆူညါအခါန့ၣ်, ထံၣ်ပှၤဃ့သွဲတဂၤလၢအမ့ၢ်စီၤအၤလဖဲ အဖိခွါစီၤလ့ၤဝံဆ့ၣ်နီၤဝဲလၢအဝဲၤဒၢးပူၤန့ၣ်လီၤ. ယ့ၣ်ၡူးစံးဘၣ်အီၤ, ‘ဟဲဒီးကဲထီၣ်ဘၣ်ယပျဲၢ်ယဘီၣ်တက့ၢ်.’ အဝဲဒၣ်ဂဲၤဆၢထၢၣ်ဒီးပိာ်ထီၣ်အခံလီၤ.

လံာ်မၢ်ကူး 3:17

စီၤစ့းဘ့းဒဲအဖိခွါစီၤယၤကိာ်ဒီးအဒီပုၢ်ဝဲၢ်စီၤယိၤဟၣ် (ယ့ၣ်ၡူးဟ့ၣ်အဝဲသ့ၣ်အမံၤလၢဘအၤန့ၢ်က့း, အခီပညီ “လီသီၣ်အဖိခွါတဖၣ်,”)

လံာ်မၢ်ကူး 3:19

ဒီးစီၤယူဒၤအံၣ်စကၤရံၤအိာ်, လၢအဟ့ၣ်လီၤကွံာ်ယ့ၣ်ၡူးဆူဒုၣ်ဒါ အစုပူၤန့ၣ်လီၤ.

လံာ်မၢ်ကူး 6:3

ပှၤအံၤတမ့ၢ်ပှၤစုသ့တဂၤလၢအမ့ၢ်နီၢ်မၤရံအဖိခွါ, လၢအဒီပုၢ်ဝဲၢ်ဒီးစီၤယၤကိာ်, စီၤယိၤစ့, စီၤယူဒၤဒီးစီၤၡံမိၣ်တဖၣ်န့ၣ်ဘၣ်ဧါ. ဒီးအဒီပုၢ်ဝဲၢ်မုၣ်တဖၣ်အိၣ်ဒၣ်လၢပသိးပကျါဖဲအံၤလီၤတမ့ၢ် ဘၣ်ဧါ. ဒီးအဝဲသ့ၣ်အသးက့ၣ်ယ့ၣ်ၡူးဒီးတပာ်ကဲလၢၤအီၤဘၣ်.”

လံာ်ယိၤဟၣ် 1:40

အပျဲၢ်အဘီၣ်ခံဂၤအကျါတဂၤလၢအနၢ်ဟူစီၤယိၤဟၣ်ကတိၤ တၢ်ဒီးပိာ်ထီၣ်ယ့ၣ်ၡူးအခံမ့ၢ်ဝဲစီၤၡံမိၣ်ပ့းတရူးအဒီပုၢ်ဝဲၢ် စီၤအၣ်ဒရ့းန့ၣ်လီၤ.

လံာ်ယိၤဟၣ် 11:16

စီၤသိၤမါ (အခီပညီမ့ၢ်ပှၤသဃံာ်) စံးဘၣ်အပျဲၢ်အဘီၣ်သကိး ဒီးအီၤတဖၣ်, “မ်ပဝဲခဲလၢာ်ပလဲၤသကိးဒီးသရၣ်, ဒ်သိးပကသံဃုာ်ဒီးအီၤအဂီၢ်တက့ၢ်.”

လံာ်ယိၤဟၣ် 14:22

စီၤယူဒၤ (လၢအတမ့ၢ်စီၤယူဒၤအံၣ်စကၤရံၤအိာ်တဂၤ) စံးဝဲဒၣ်, “ကစၢ်ဧၢ, နကဒုးနဲၣ်နသးလၢပဝဲဒၣ်တဖၣ်အံၤဒီး တမ့ၢ်ဘၣ်လၢပှၤဟီၣ်ခိၣ်ဖိဘၣ်န့ၣ်, မၤအသးကသ့ဒ်လဲၣ်.”

လံာ်ယိၤဟၣ် 21:2

စီၤၡံမိၣ်ပ့းတရူး, စီၤသိၤမါ (လၢတၢ်ကိးအီၤလၢပှၤသဃံာ်), စီၤနၤသန့လး (ပှၤဝ့ၢ်ကၤနါဖိလၢကီၢ်ကၤလံၤလါ), စီၤစ့းဘ့းဒဲ အဖိခွါခံဂၤ, ဒီးယ့ၣ်ၡူးအပျဲၢ်အဘီၣ်အဂၤခံဂၤ, ဒီးအဝဲသ့ၣ်ခဲလၢာ်န့ၣ်အိၣ်ဝဲတပူၤဃီလီၤ.

မၤတၢ် 1:13

တုၤအက့ၤတုၤလၢဝ့ၢ်ယရူၤရှလ့ၣ်န့ၣ်ဒီး, အဝဲသ့ၣ်လဲၤထီၣ်ဝဲဆူဒၢးတဖျၢၣ်အပူၤလၢဟံၣ်ထးခီတဆီ, ဒၢးတဖျၢၣ်ဃီလၢအဝဲသ့ၣ်အိၣ်ဆိးဝဲတစိၢ်တလီၢ်လၢအပူၤ န့ၣ်လီၤ. ပှၤအိၣ်ဖဲန့ၣ်တဖၣ်မ့ၢ်ဝဲစီၤပ့းတရူး, စီၤယိၤဟၣ်, စီၤယၤကိာ်, စီၤအၣ်ဒရ့း, စီၤဖံလံးပူး, စီၤသိၤမါ, စီၤဘၢ်သလီးမဲ, စီၤမးသဲ, စီၤအၤလဖဲအဖိခွါစီၤယၤကိာ်, ပှၤအဲၣ်အထံအကီၢ်စီၤၡံမိၣ်, ဒီးစီၤယၤကိာ်အဖိခွါ စီၤယူဒၤတဖၣ်လီၤ.

မၤတၢ် 15:13

ဖဲအဝဲသ့ၣ်ကတိၤတၢ်ဝံၤန့ၣ်, စီၤယၤကိာ်ကတိၤထီၣ်တၢ်ဒီးစံးဝဲ, “ဒီပုၢ်ဝဲၢ်သ့ၣ်ဧၢ, ကနၣ်တၢ်လၢယစံးဘၣ်သုန့ၣ်တက့ၢ်.

မၤတၢ် 21:18

မုၢ်ဆ့ၣ်ထီၣ်တနံၤန့ၣ်, စီၤပီလူးလဲၤဒီးပှၤဒ်သိးအကအိၣ်သကိး စီၤယၤကိာ်, ဒီးတၢ်အိၣ်ဖှိၣ်အပှၤသူၣ်က့သးပှၢ်တဖၣ်အိၣ်ဝဲဖဲန့ၣ် ကိးဂၤဒဲးလီၤ.

1 ကရံၣ်သူး 15:7

အန့ၣ်ဝံၤအလီၢ်ခံအဝဲဒၣ်လီၣ်ဖျါထီၣ်အသးလၢစီၤယၤကိာ်, ဒီးလၢခံန့ၣ်လၢပှၤတၢ်မၢဖိခဲလၢာ်လီၤ.

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

ကလၤတံ 2:9

စီၤယၤကိာ်, စီၤပ့းတရူးဒီးစီၤယိၤဟၣ်, လၢအမ့ၢ်ပှၤခိၣ်ပှၤနၢ်တဖၣ်ထံၣ်သ့ၣ်ညါဝဲလၢကစၢ်ယွၤ ဟ့ၣ်တ့ၢ်ယၤတၢ်မၤလီၤဆီအဝဲအံၤန့ၣ်လီၤ. လၢတၢ်န့ၣ် အဃိအဝဲသ့ၣ်ဟံးစုကွၢ်မဲာ်စီၤဘၢ်နါဘၤဒီးယၤဒ်အမ့ၢ် တၢ်ပနီၣ်လၢပဝဲသ့ၣ်ခဲလၢာ်ပမ့ၢ်ပှၤမၤသကိးတၢ်တဖၣ် န့ၣ်လီၤ. ပအၢၣ်လီၤသကိးလၢစီၤဘၢ်နါဘၤဒီးယၤ ပကမၤတၢ်လၢပှၤကလုာ်ဂၤတဖၣ်အကျါဒီးအဝဲသ့ၣ်တခီလၢ ပှၤယူဒၤဖိတဖၣ်အကျါလီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.

ယူဒၤ 1:1

လၢယ့ၣ်ၡူးခရံာ်အခ့အပှၤ, ဒီးစီၤယၤကိာ်အဒီပုၢ်ဝဲၢ် စီၤယူဒၤ, ဆူပှၤလၢကစၢ်ယွၤကိးထီၣ်အီၤလၢအအိၣ်မူဝဲလၢ ပၢ်ကစၢ်ယွၤအတၢ်အဲၣ်တၢ်ကွံဒီးယ့ၣ်ၡူးခရံာ်အတၢ်ကဟုကယာ်အပူၤတဖၣ်အအိၣ်,