လံာ်မၢ်ကူး 3:10 - Sgaw Karen Common Bible

¹⁰ အဝဲဒၣ်မၤဘျါက့ၤတ့ၢ်လံပှၤဆူးပှၤဆါအါဒံအါဂၤသတးဒီး, ကယဲၢ်ပှၤအိၣ်ဒီးတၢ်ဆူးတၢ်ဆါတမံၤလၢ်လၢ်တဖၣ်န့ၣ်ဟဲဆီၣ် သနံးလိာ်အသးဆူအအိၣ်ဒ်သိးကထိးဘၣ်အီၤအဂီၢ်န့ၣ်လီၤ.

လံာ်မၢ်ကူး 3:10 Iomraidhean Croise

လံာ်တၢ်ကဲထီၣ်အခီၣ်ထံး 12:17

ဘၣ်ဆၣ်မ့ၢ်လၢစီၤပၤဟံးန့ၢ်နီၢ်စၤရဲအဃိယွၤဒုးအိၣ်ထီၣ်တၢ် ဆူးတၢ်ဆါလီၤပျံၤလီၤဖုးလၢစီၤပၤဒီးအပှၤဂီၢ်မုၢ်လၢအနီ ပူၤတဖၣ်န့ၣ်လီၤ.

လံာ်တၢ်ဂံၢ် 11:33

ဖဲအဝဲသ့ၣ်အိၣ်ဒံးဒီးတၢ်ဖံးတၢ်ညၣ်လၢကအီၣ်ဝဲအါအါဂီၢ်ဂီၢ် အဖၢမုၢ်ဒၣ်လဲာ်န့ၣ်ယွၤအသးဒိၣ်ထီၣ်ပှၤဂီၢ်မုၢ်ဒီးဒုးလီၤဘၣ်တၢ် သံသတြိာ်လၢအဝဲသ့ၣ်အကျါန့ၣ်လီၤ.

လံာ်မးသဲ 12:15

တုၤယ့ၣ်ၡူးနၢ်ဟူဝဲတၢ်ကူၣ်ထီၣ်ဖးလီၤထီဒါအီၤအံၤဒီး အဝဲဟးထီၣ်ကွံာ်လၢတၢ်လီၢ်န့ၣ်, ဒီးပှၤအါဒံအါဂၤပိာ်ထီၣ် အခံလီၤ. အဝဲမၤဘျါက့ၤပှၤဆူးပှၤဆါခဲလၢာ်,

လံာ်မးသဲ 14:14

ဖဲယ့ၣ်ၡူးစံၣ်လီၤလၢချံအလိၤဒီးထံၣ်ပှၤဂီၢ်မုၢ်ဖးဒိၣ်န့ၣ်, အသူၣ်ကညီၤသးကညီၤဘၣ်အဝဲသ့ၣ်ဒီး, မၤဘျါက့ၤအဝဲသ့ၣ်အပှၤဆူးပှၤဆါတဖၣ်လီၤ.

လံာ်မးသဲ 14:36

ဒီးဃ့ကညးအီၤဒ်သိးအကထိးဘၣ်အစှၤကတၢၢ်ထဲအဆ့ဖးထီ အနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မးသဲ 4:23

ယ့ၣ်ၡူးဟးဝ့ၤဝီၤသကုၤကီၢ်ကၤလံၤလါ, သိၣ်လီၤသီလီၤတၢ်လၢဘူၣ်ဘျီၣ် လၢအမ့ၢ်တၢ်ဘါလီၢ်တဖၣ်အပူၤ, စံၣ်တဲၤတဲလီၤတၢ်သးခုကစီၣ်ဘၣ်ဃးယွၤအဘီအမုၢ် ဒီးမၤဘျါက့ၤပှၤဘၣ်ဆူးဘၣ်ဆါလၢကယဲၢ်မ့ၢ်တၢ်ဆူးတၢ် ဆါခဲလၢာ်လီၤ.

လံာ်မၢ်ကူး 5:34

ယ့ၣ်ၡူးစံးဘၣ်အီၤ, “ဖိမုၣ်ဧၢ, နတၢ်နာ်န့ၣ်မၤဘျါက့ၤနၤလံ. က့ၤမုာ်မုာ်တက့ၢ်. နတၢ်ဆါဘျါလံ.”

လံာ်မၢ်ကူး 6:56

ဒီးဖဲယ့ၣ်ၡူးလဲၤတုၤဝဲတပူၤလၢ်လၢ်လၢသဝီပူၤမ့ၢ်ဂ့ၤ, ဝ့ၢ်ပူၤမ့ၢ်ဂ့ၤ, ခိဖဲဟံၣ်အိၣ်စှၤဖျၢၣ်မ့ၢ်ဂ့ၤ, ပှၤသ့ၣ်တဖၣ်န့ၣ်ဟဲစိာ်ဒီးပာ်လီၤပှၤဆါတဖၣ်လၢဖၠါပူၤဒီး ဃ့သကွံၢ်ကညးအီၤလၢအကပျဲအဝဲသ့ၣ်ထိးဘၣ်ထဲ အဆ့ကၤအနွံဧိၤန့ၣ်လီၤ. ဒီးကယဲၢ်ပှၤလၢအထိးဘၣ်ဝဲတဖၣ်ဘျါက့ၤဝဲခဲလၢာ်လီၤ.

လံာ်မၢ်ကူး 8:22

ယ့ၣ်ၡူးဒီးအပျဲၢ်အဘီၣ်တဖၣ်လဲၤတုၤဝဲလၢသဝီဘ့ၤသစဲဒၤ ဒီးပှၤတနီၤဟဲစိာ်ပှၤမဲာ်ဘျီၣ်တဂၤဆူယ့ၣ်ၡူးအအိၣ်ဒီးဃ့ ကညးအီၤလၢအကထိးဘၣ်ပှၤတဂၤအံၤလၢအစုန့ၣ်လီၤ.

လံာ်လူၤကၣ် 5:3

ယ့ၣ်ၡူးလဲၤနုာ်လီၤဆူချံတဘ့ၣ်အပူၤလၢအမ့ၢ်စီၤပ့းတရူးအတၢ်, ဒီးမၢအီၤလၢအကသုးယံၤထီၣ်အချံလၢထံကၢၢ်ခိၣ်တစဲးဖိလီၤ. အန့ၣ်ဝံၤဒီးယ့ၣ်ၡူးဆ့ၣ်နီၤလၢချံပူၤဒီးသိၣ်လီၤသီလီၤပှၤဂီၢ်မုၢ် တဖၣ်လီၤ.

လံာ်လူၤကၣ် 6:19

ပှၤကိးဒံကိးဂၤဒဲးဂုာ်ကျဲးစၢးထိးဘၣ်အီၤ, မ့ၢ်လၢတၢ်စိတၢ်ကမီၤဟဲထီၣ်လၢအဝဲဒၣ်အလိၤ, ဒီးမၤဘျါက့ၤအဝဲသ့ၣ်ကိးဂၤဒဲးအဃိန့ၣ်လီၤ.

လံာ်လူၤကၣ် 7:2

ပှၤရိမ့ၤသုးဖိတကယၤအခိၣ်ဖဲဝ့ၢ်အဝဲန့ၣ်အပူၤတဂၤအိၣ် ဒီးတၢ်ခ့တၢ်ပှၤလၢအအဲၣ်ဝဲဒိၣ်မးတဂၤလီၤ. တၢ်ခ့တၢ်ပှၤပိာ်ခွါတဂၤန့ၣ်, အိၣ်တဆူၣ်နးမးတုၤဒၣ်လဲာ်ဘူးတ့ၢ်လၢအကသံလီၤ.

လံာ်လူၤကၣ် 7:21

တကတီၢ်ဃီဖဲန့ၣ်, ယ့ၣ်ၡူးမၤဘျါက့ၤပှၤအါဒံအါဂၤလၢအအိၣ်ဒီး တၢ်ဆူးတၢ်ဆါတဖၣ်, ပှၤလၢအတူၢ်ဘၣ်တၢ်နးတၢ်ဖှီၣ်တဖၣ်, ပှၤလၢတၢ်နါအိၣ်လၢအလိၤတဖၣ်ဒီးဒုးထံၣ်ထီၣ်က့ၤပှၤမဲာ်ဘျီၣ်အါဂၤလီၤ.

မၤတၢ် 5:15

မ့ၢ်လၢပှၤတၢ်မၢဖိတဖၣ်မၤတ့ၢ်တၢ်အံၤတဖၣ်အဃိ, ပှၤဟဲစိာ်ထီၣ်ပှၤဆူးပှၤဆါတဖၣ်ဆူကျဲမုၢ်ခိၣ်ဒီးပာ်လီၤ အဝဲသ့ၣ်လၢလီၢ်မံခးဒီးချီၣ်တဖၣ်အဖီခိၣ်, ဒ်သိးဒီးဖဲစီၤပ့းတရူးလဲၤတုၤဘၣ်ဖဲအကပၤထံးအခါ, အစှၤကတၢၢ်အကဒုကလီၤဘၣ်လၢအဝဲသ့ၣ်တနီၤအလိၤန့ၣ်လီၤ.

ဧ့ၤဘြံၤ 12:6

အဂ့ၢ်ဒ်အံၤ, ကစၢ်န့ၣ်သိၣ်ဃီၣ်ကယဲၢ်ပှၤလၢ အအဲၣ်ဝဲကိးဂၤဒဲး ဒီးဖျ့ကယဲၢ်ပှၤလၢအပာ်ဝဲဒ်အဖိအသိးန့ၣ်လီၤ.”