လံာ်မၢ်ကူး 2:9 - Sgaw Karen Common Bible

⁹ ယကစံးဘၣ်ပှၤသံတခီပၤတဂၤအံၤကညီဖဲလဲၣ်တမံၤလဲၣ်. ‘နတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလံ’ န့ၣ်ဧါ. မ့တမ့ၢ်ဘၣ်ဒီး ‘ဂဲၤဆၢထၢၣ်စိာ်ထီၣ်နလီၢ်မံဒါဒီးဟးတက့ၢ်’ န့ၣ်ဧါ.

လံာ်မၢ်ကူး 2:9 Iomraidhean Croise

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မးသဲ 9:2

ပှၤဟဲစိာ်ပှၤသံတခီပၤလၢအအိၣ်မံလီၤလၢအလီၢ်မံခိၣ်တဂၤ ဆူအအိၣ်ဒီးဖဲယ့ၣ်ၡူးထံၣ်အဝဲသ့ၣ်အတၢ်နာ်အိၣ်ထဲလဲၣ်န့ၣ်, အဝဲတဲဘၣ်ပှၤသံတခီပၤန့ၣ်, “ဖိဧၢ, သးဟးဂီၤတဂ့ၤ. နတၢ်ဒဲးဘးတဖၣ်ဘၣ်တၢ်ပျၢ်လံအီၤလံ.”

လံာ်မးသဲ 9:5

မ့ၢ်ကညီဒိၣ်လၢယကစံး, ‘နတၢ်ဒဲးဘးတဖၣ်ဘၣ်တၢ်ပျၢ်အီၤလံ’ မ့တမ့ၢ်ဘၣ်ဒီး, ‘ဂဲၤဆၢထၢၣ်ဒီးဟးတက့ၢ်’ န့ၣ်လဲၣ်.

လံာ်မၢ်ကူး 2:10

ဘၣ်ဆၣ်ဒီး, ဒ်သိးသုကသ့ၣ်ညါလၢပှၤကညီဖိခွါတဂၤအံၤအိၣ်ဒီး အစိကမီၤလၢဟီၣ်ခိၣ်ချၢလၢကပျၢ်ကွံာ်ပှၤအတၢ်ဒဲးဘးတဖၣ်န့ၣ်ဒီး, ယကဒုးနဲၣ်ဖျါထီၣ်အီၤလီၤ.” အန့ၣ်ဒီးအဝဲဒၣ်စံးဘၣ်ပှၤသံတခီပၤတဂၤန့ၣ်,

လံာ်မၢ်ကူး 2:8

တဘျီဃီယ့ၣ်ၡူးသ့ၣ်ညါတၢ်လၢအဝဲသ့ၣ်ဆိကမိၣ်ဝဲလၢအသး ကံၢ်ပူၤဒီးစံးဘၣ်အဝဲသ့ၣ်, “ဘၣ်မနုၤသုဘၣ်အိၣ်ဒီးတၢ်ဆိကမိၣ်ဒ်သိးအံၤတဖၣ်လၢသုသး ကံၢ်ပူၤန့ၣ်လဲၣ်.

လံာ်လူၤကၣ် 7:48

အန့ၣ်ဝံၤဒီးယ့ၣ်ၡူးစံးဘၣ်ပိာ်မုၣ်တဂၤန့ၣ်, “နတၢ်ဒဲးဘးတဖၣ်ဘၣ်တၢ်ပျၢ်ကွံာ်အီၤလံ.”