လံာ်မၢ်ကူး 2:7 - Sgaw Karen Common Bible

⁷ “ပှၤတဂၤအံၤကတိၤတၢ်ဒ်န့ၣ်ကသ့ဒ်လဲၣ်. မ့ၢ်တၢ်ကတိၤတရီတပါယွၤလီၤ. မ့တမ့ၢ်ဘၣ်ထဲကစၢ်ယွၤတဂၤဧိၤဒီးပှၤဂၤပျၢ်တၢ်ကမၣ်တသ့နီတဂၤဘၣ်.”

လံာ်မၢ်ကူး 2:7 Iomraidhean Croise

လံာ်စီၤယိၤဘး 14:4

လၢပှၤကညီလၢအတကဆှီဘၣ်အပူၤန့ၣ်, တၢ်လၢအကဆှီဝဲ ဟဲထီၣ်တသ့နီတစုဘၣ်.

စံးထီၣ်ပတြၢၤ 130:4

ဘၣ်ဆၣ်တၢ်ပျၢ်တၢ်ကမၣ်အိၣ်ဒီးနၤဒ်သိး ပှၤကပျံၤနၤန့ၣ်လီၤ.

လံာ်ယၡါယၤ 43:25

အန့ၣ်ဒၣ်လဲာ်, ယမ့ၢ်ကစၢ်ယွၤလၢအပျၢ်နတၢ်ဒဲးဘးတဖၣ် ဒီးယမၤတၢ်အံၤမ့ၢ်လၢယမ့ၢ်ပှၤလၢယမ့ၢ်အဃိလီၤ. ယတစၢဃာ်နတၢ်ဒဲးဘးတဖၣ်ထီဒါနၤဘၣ်.

လံာ်ဒၤနံးယ့လး 9:9

နပှဲၤဒီးတၢ်သးကညီၤဒီးနပျၢ်ပတၢ်ကမၣ်ဖဲပပူထီၣ်ထီဒါတ့ၢ်နၤ အခါဒၣ်လဲာ်န့ၣ်လီၤ.

လံာ်မံကၤ 7:18

ယွၤဧၢ, ကစၢ်လၢအဒ်သိးဒီးနၤတအိၣ်ဘၣ်နီတဂၤဘၣ်. နပျၢ်ကွံာ်နပှၤဂီၢ်မုၢ်လၢအအိၣ်မူတ့ၢ်တဖၣ်အတၢ်ဒဲးဘးတဖၣ်လီၤ. နသးတဒိၣ်တထံၣ်ဃီဘၣ်. မ့မ့ၢ်နသးမုာ်လၢတၢ်ဒုးနဲၣ်ပှၤနတၢ်အဲၣ်တပယူာ်ဃီန့ၣ်လီၤ.

လံာ်မးသဲ 26:65

ထဲန့ၣ်တဘျီ, ပှၤလုၢ်တၢ်အခိၣ်အဒိၣ်ကတၢၢ်တဂၤ ဖှီယာ် အကူအသိးဒၣ်ဝဲဒီးစံး, “ကတိၤတရီတပါလံယွၤလံ. ပမၤန့ၢ်တၢ်အုၣ်အသးအဂၤတဖၣ်အလီၢ်တအိၣ်လၢၤဘၣ်. ခဲအံၤဒၣ်လဲာ်သုနၢ်ဟူလံအတၢ်ကတိၤတရီတပါယွၤလံ.

လံာ်မးသဲ 9:3

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတနီၤစံးလိာ်အသး, “ပှၤအံၤကတိၤကမၣ်ယွၤလီၤ.”

လံာ်မၢ်ကူး 14:64

သုနၢ်ဟူဘၣ်တ့ၢ်အတၢ်ကတိၤတရီတပါယွၤန့ၣ်လံ. သုကစံၣ်ညီၣ်ဒ်လဲၣ်.” အန့ၣ်ဒီးအဝဲသ့ၣ်ကိးဂၤဒဲးစံးဝဲလၢအတၢ်ကမၣ်အိၣ် ဒီးကြၢးလၢအဘၣ်တၢ်မၤသံအီၤလီၤ.

လံာ်မၢ်ကူး 2:6

အကတီၢ်ဖဲန့ၣ်ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဆ့ၣ်နီၤ ကနၣ်တၢ်ဒီးဆိကမိၣ်ထီၣ်ဝဲလၢအသးကံၢ်ပူၤ,

လံာ်မၢ်ကူး 2:8

တဘျီဃီယ့ၣ်ၡူးသ့ၣ်ညါတၢ်လၢအဝဲသ့ၣ်ဆိကမိၣ်ဝဲလၢအသး ကံၢ်ပူၤဒီးစံးဘၣ်အဝဲသ့ၣ်, “ဘၣ်မနုၤသုဘၣ်အိၣ်ဒီးတၢ်ဆိကမိၣ်ဒ်သိးအံၤတဖၣ်လၢသုသး ကံၢ်ပူၤန့ၣ်လဲၣ်.

လံာ်လူၤကၣ် 5:21

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်ဒီးပှၤဖၤရံၤၡဲ တဖၣ်စံးလိာ်အသးတဂၤဒီးတဂၤဒီးစံးဝဲ, “ပှၤလၢအကတိၤကမၣ်ကစၢ်ယွၤလၢကျဲဒ်အံၤအသိးတဂၤ အံၤမ့ၢ်မတၤတဂၤလဲၣ်. ပှၤကညီပျၢ်တၢ်ဒဲးဘးတသ့နီတဂၤဘၣ်, သ့ထဲကစၢ်ယွၤတဂၤဧိၤလီၤ.”

လံာ်လူၤကၣ် 7:49

ပှၤလၢအဆ့ၣ်နီၤသန့ၤဃုာ်လၢတၢ်အီၣ်အစီၢ်နီၤခိၣ်တဖၣ်စံးလိာ်အသး သကိးသကိး, “ပှၤလၢအပျၢ်ကွံာ်ဒၣ်လဲာ်တၢ်ဒဲးဘးတဂၤအံၤ, မ့ၢ်မတၤတဂၤလဲၣ်.”

လံာ်ယိၤဟၣ် 10:33

ပှၤယူဒၤဖိတဖၣ်စံးဆၢအီၤ, “တမ့ၢ်လၢတၢ်မၤအဂ့ၤတမံၤမံၤ အဃိ, ပသးအိၣ်ကွံာ်သံနၤလၢလၢၢ်န့ၣ်ဘၣ်. မ့ၢ်လၢနကတိၤဒုၣ်ဒွဲၣ်စံးအၢယွၤအဃိလီၤ. နမ့ၢ်ဒၣ်ပှၤကညီ တဂၤလီၤ. ဘၣ်ဆၣ်နစံးလီၤနသးလၢနမ့ၢ်ကစၢ်ယွၤလီၤ.”

လံာ်ယိၤဟၣ် 10:36

မ့ၢ်သုကစံးလၢယၤ, ပှၤလၢပၢ်ဃုထၢဒီးမၢလီၤဆူဟီၣ်ခိၣ်တဂၤ အံၤကတိၤဒုၣ်ဒွဲၣ်စံးအၢယွၤ, မ့ၢ်လၢယစံး, ‘ယဲဒၣ်အံၤယမ့ၢ် ကစၢ်ယွၤအဖိခွါ’ အဃိန့ၣ်ဧါ.