လံာ်မၢ်ကူး 2:26 - Sgaw Karen Common Bible

²⁶ အဝဲဒၣ်လဲၤနုာ်ဆူကစၢ်ယွၤအဟံၣ်ပူၤဒီးအီၣ်ဝဲကိၣ်လၢတၢ်လုၢ် ထီၣ်အီၤဆူကစၢ်ယွၤအအိၣ်န့ၣ်လီၤ. တၢ်မၤအသးအံၤမ့ၢ်ဖဲစီၤအ့ဘယၤသၢ်ကဲပှၤလုၢ်တၢ်အခိၣ် အဒိၣ်ကတၢၢ်အခါန့ၣ်လီၤ. မ့မ့ၢ်ဒ်ပတၢ်သိၣ်တၢ်သီအိၣ်ဝဲအသိး, ကိၣ်အံၤပှၤအီၣ်သ့ဒၣ်ထဲပှၤလုၢ်တၢ်အခိၣ်တဖၣ်ဧိၤန့ၣ်လီၤ. ဘၣ်ဆၣ်ဒီးစီၤဒၤဝံးအီၣ်ဝဲဒီးဟ့ၣ်အီၣ်ဒၣ်လဲာ်ပှၤပိာ်အခံတဖၣ်လီၤ.”

လံာ်မၢ်ကူး 2:26 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 15:24

ပှၤလုၢ်တၢ်အခိၣ်စီၤစၤဒိးအိၣ်ဝဲဖဲန့ၣ်ဒီးပှၤလ့ၤဝံဖိတဖၣ် အိၣ်စ့ၢ်ကီးဒီးအီၤ, စိာ်ဝဲယွၤအတၢ်အၢၣ်လီၤအီလီၤအတလါစီဆှံန့ၣ်လီၤ. အဝဲသ့ၣ်ပာ်လီၤအီၤဒီးတချုးဒံးဘၣ်လၢပှၤဂီၢ်မုၢ်ခဲလၢာ် ဟးထီၣ်ကွံာ်လၢဝ့ၢ်ပူၤဘၣ်န့ၣ်အဝဲသ့ၣ်တစိာ်ထီၣ်ကဒီးအီၤဘၣ်. ပှၤလုၢ်တၢ်အခိၣ်စီၤအ့ဘယၤသၢ်အိၣ်စ့ၢ်ကီးဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:29

လၢတၢ်န့ၣ်အဃိစီၤစၤဒိးဒီးစီၤအ့ဘယၤသၢ်က့ၤစိာ်ကဒါက့ၤ ယွၤအတၢ်အၢၣ်လီၤအီလီၤအတလါစီဆှံဆူဝ့ၢ်ယရူၤၡလ့ၣ်အပူၤ ဒီးအိၣ်ဆိးဖဲန့ၣ်လီၤ.

လံာ်စီၤၡမူၤအ့လးခံဘ့ၣ်တဘ့ၣ် 15:35

ပှၤလုၢ်တၢ်အခိၣ်စီၤစၤဒိးဒီးစီၤအ့ဘယၤသၢ်ကအိၣ်ဖဲန့ၣ်လီၤ. တဲဘၣ်အဝဲသ့ၣ်ကယဲၢ်တၢ်ကိးမံၤဒဲးလၢနနၢ်ဟူလၢစီၤပၤအနူၢ်ပူၤစီၤပၤန့ၣ်တက့ၢ်.

လံာ်စီၤၡမူၤအ့လးခံဘ့ၣ်တဘ့ၣ် 20:25

စီၤၡဝၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်, စီၤစၤဒိးဒီးစီၤအ့ဘယၤသၢ် မ့ၢ်ပှၤလုၢ်တၢ်အခိၣ်တဖၣ်,

လံာ်စီၤၡမူၤအ့လးခံဘ့ၣ်တဘ့ၣ် 8:17

စီၤအဃံတူာ်အဖိခွါစီၤစၤဒိးဒီးစီၤအ့ဘယၤသၢ်အဖိခွါစီၤ အဃံၤမ့လ့းမ့ၢ်ပှၤလုၢ်တၢ်အခိၣ်တဖၣ်န့ၣ်လီၤ. ဒီးစီၤစရါယၤမ့ၢ်ကွီၢ်ဘျီၣ်အပှၤကွဲးလံာ်ဒိၣ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 1:7

အဝဲကတိၤတၢ်ဒီးစီၤယိၤအာ်လၢအမ့ၢ်နီၢ်စရူၤယၤအဖိခွါ, ဒီးပှၤလုၢ်တၢ်အခိၣ်စီၤအ့ဘယၤသၢ်ဘၣ်ထွဲဒီးတၢ်ဂ့ၢ်န့ၣ်, ဒီးအဝဲသ့ၣ်ဘၣ်သူၣ်ဘၣ်သးလၢကမၤစၢၤအီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 2:22

စီၤပၤစံးဘၣ်အီၤ, “ဘၣ်မနုၤနဃ့ယၤလၢယကဟ့ၣ်နီၢ်အဘံၡးဆူ အီၤန့ၣ်လဲၣ်. နဂ့ၤဃ့ဃုာ်စ့ၢ်ကီးလၢယကဟ့ၣ်အီၤစီၤပၤအလီၢ်ပစိာ်န့ၣ်လီၤ. အဂ့ၢ်ဒ်အံၤအဝဲမ့ၢ်ယဝဲၢ်, ဒီးပှၤလုၢ်တၢ်အခိၣ်စီၤအ့ဘယၤသၢ် ဒီးစီၤယိၤအာ်အိၣ်လၢအအိၣ်တကပၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 4:4

ပှၤသုးမုၢ်အသုးခိၣ်ကျၢၢ်မ့ၢ်ဝဲစီၤယဟိၤယဒါအဖိခွါစီၤဘနါ ယၤ, ပှၤလုၢ်တၢ်အခိၣ်တဖၣ်န့ၣ်မ့ၢ်ဝဲစီၤစၤဒိးဒီးစီၤအ့ဘယၤသၢ် န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 24:6

စီၤအလၤဧစၢ်ဒီးစီၤအံသမၢ်အစၢၤအသွဲၣ်တဖၣ်ဖီၣ်တၢ်ဖးတဖၣ်တဂၤ တဘျီ, တဂၤတဘျီန့ၣ်လီၤ. အန့ၣ်ဝံၤဒီး, အဝဲသ့ၣ်ဘၣ်တၢ်ကွဲးနီၣ်ကွဲးဃါအမံၤလၢစီၤနၤ သန့လးအဖိခွါစီၤၡမါယၤ, ပှၤလ့ၤဝံဖိအပှၤကွဲးလံာ်ဒိၣ်တဂၤန့ၣ်လီၤ. စီၤပၤ, ပဒိၣ်ပပှၢ်တဖၣ်, ပှၤလုၢ်တၢ်အခိၣ်စီၤစၤဒိး, စီၤအ့ဘယၤသၢ်, အဖိခွါစီၤအဃံၤမ့လ့းဒီးပှၤလုၢ်တၢ်အခိၣ် အဟံၣ်ဖိဃီဖိအခိၣ်တဖၣ်, ဒီးပှၤလ့ၤဝံ အဟံၣ်ဖိဃီဖိတဖၣ်, ခဲလၢာ်မ့ၢ်ပှၤအုၣ်အသးတဖၣ်န့ၣ်လီၤ.

လံာ်မးသဲ 12:4

အဝဲလဲၤနုာ်ဆူကစၢ်ယွၤအဟံၣ်ပူၤဒီးအဝဲသ့ၣ်အီၣ်ကိၣ်လၢ အဘၣ်တၢ်လုၢ်ထီၣ်အီၤဆူကစၢ်ယွၤတဖၣ်, လၢစီၤဒၤဝံးမ့ၢ်ဂ့ၤ, ပှၤလၢအအိၣ်ဒီးအီၤတဖၣ်မ့ၢ်ဂ့ၤ, တၢ်သိၣ်တၢ်သီတဟ့ၣ်အခွဲး လၢကအီၣ်ဝဲဘၣ်. တၢ်ဟ့ၣ်အခွဲးထဲပှၤလုၢ်တၢ်အခိၣ်တဖၣ်ကအီၣ်ဝဲ န့ၣ်လီၤ.

လံာ်မၢ်ကူး 2:25

ယ့ၣ်ၡူးစံးဆၢအဝဲသ့ၣ်, “ဘၣ်တဘျီဖဲစီၤဒၤဝံးတၢ်သၣ်ဝံၤအသးဒီးမ့ၢ်အမၤတၢ်ဒ်လဲၣ် န့ၣ်, သုတဖးဘၣ်အဂ့ၢ်ဘၣ်ဧါ. အဘျီအဝဲန့ၣ်အိၣ်ဃုာ်ဒီးပှၤပိာ်အခံတဖၣ်လၢတၢ်သၣ်ဝံၤ အသးန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 21:1

စီၤဒၤဝံးလဲၤဆူပှၤလုၢ်တၢ်အခိၣ်စီၤအဃံၤမ့လ့းအအိၣ်လၢဝ့ၢ်နိၤအးအပူၤလီၤ. စီၤအဃံၤမ့လးဟဲထီၣ်လၢတၢ်ကနိးကစုာ်အပူၤဒ်သိးအကထံၣ်လိာ် အီၤဒီးသံကွၢ်အီၤ, “ဘၣ်မနုၤလၢနဟဲဆူအံၤထဲနၤတဂၤဧိၤန့ၣ်လဲၣ်.”

လံာ်စီၤၡမူၤအ့လးအခီၣ်ထံးတဘ့ၣ် 23:6

ဖဲစီၤအဃံၤမ့လ့းအဖိခွါစီၤအ့ဘယၤသၣ်ပူၤဖျဲးဒီးလဲၤမၤဃုာ်တၢ်ဒီး စီၤဒၤဝံးလၢဝ့ၢ်ကံလၤန့ၣ်အဝဲလဲၤစိာ်အ့ဖိး ဃုာ်ဒီးအီၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 23:9

ဖဲစီၤဒၤဝံးနၢ်ဟူဝဲလၢစီၤစီလူးကူၣ်ထီၣ်ကျဲၤလီၤတၢ်လၢ ကဟဲဒုးအီၤဒီး, အဝဲစံးဘၣ်ပှၤလုၢ်တၢ်အခိၣ်စီၤအ့ဘယၤသၣ်, “ဟဲစိာ်အ့ဖိးဆူအံၤတက့ၢ်.”