လံာ်မၢ်ကူး 2:24 - Sgaw Karen Common Bible

²⁴ အန့ၣ်ဒီး, ပှၤဖၤရံၤၡဲတဖၣ်စံးဘၣ်ယ့ၣ်ၡူး, “နပျဲၢ်နဘီၣ်တဖၣ်ဒဲးအီၣ်ဘုစဲၤလၢမုၢ်အိၣ်ဘှံးနံၤအံၤနတထံၣ် ဘၣ်ဧါ. တၢ်တမံၤအံၤထီဒါပဝဲပှၤယူဒၤဖိအတၢ်သိၣ်တၢ်သီဘၣ်ဃးမုၢ် အိၣ်ဘှံးနံၤန့ၣ်လီၤ.”

လံာ်မၢ်ကူး 2:24 Iomraidhean Croise

လံာ်တၢ်ဟးထီၣ်ကွံာ် 20:10

မ့မ့ၢ်နွံသီတသီန့ၣ်မ့ၢ်တၢ်အိၣ်ဘှံးအနံၤလၢတၢ်ပာ်စီဆှံ အီၤလၢယဂီၢ်န့ၣ်လီၤ. လၢမုၢ်နံၤအဝဲန့ၣ်ပှၤတဘၣ်မၤတၢ်နီတဂၤဘၣ်. သုဝဲသ့ၣ်မ့ၢ်ဂ့ၤ, သုဖိတဖၣ်မ့ၢ်ဂ့ၤ, သုကုၢ်တဖၣ်မ့ၢ်ဂ့ၤ, သုဆၣ်ဖိကီၢ်ဖိမ့ၢ်ဂ့ၤ, ပှၤတခီဘီမုၢ်ဖိတဖၣ်လၢအအိၣ်လၢသု ကီၢ်ပူၤမ့ၢ်ဂ့ၤတဘၣ်မၤတၢ်နီတဂၤဘၣ်.

လံာ်တၢ်ဟးထီၣ်ကွံာ် 31:15

သုအိၣ်ဒီးမုၢ်နံၤဃုနံၤဃုသီလၢသုကမၤသုတၢ်မၤအဂီၢ်လီၤ. မ့မ့ၢ်နွံသီတသီန့ၣ်, မ့ၢ်သပှၢ်ကတၢၢ်နံၤအိၣ်ဘှံးလၢတၢ်ပာ်စီဆှံအီၤဆူယအိၣ်လီၤ. ပှၤတဂၤလၢ်လၢ်လၢအမၤတၢ်တမံၤဂ့ၤတမံၤဂ့ၤလၢမုၢ်တနံၤန့ၣ်ကဘၣ်တၢ်မၤသံအီၤလီၤ.

လံာ်ယၡါယၤ 56:2

ယကဆိၣ်ဂ့ၤပှၤတဖၣ်လၢထီဘိ တိၢ်န့ၢ်မုၢ်အိၣ်ဘှံးနံၤဒီးတသူကမၣ်ဝဲဘၣ်န့ၣ်လီၤ. ယကဆိၣ်ဂ့ၤပှၤတဖၣ်လၢတမၤတၢ်အၢ တၢ်သီနီတမံၤဘၣ်န့ၣ်လီၤ.”

လံာ်ယၡါယၤ 56:4

ယွၤစံးဘၣ်ပှၤဒ်န့ၣ်အသိးတဂၤ, “နမ့ၢ်ယူးယီၣ်ယၤခီဖျိနတိၢ်န့ၢ်မုၢ်အိၣ်ဘှံးနံၤ, နမ့ၢ်မၤတၢ်လၢအမၤသးမုာ်ယၤ ဒီးဟံးဃာ်ယတၢ်အၢၣ်လီၤအီလီၤ လၢတၢ်သူၣ်တီသးရၤအပူၤဒီး,

လံာ်ယၡါယၤ 56:6

ဒီးယွၤစံးဘၣ်ပှၤတခီဘီမုၢ်ဖိတဖၣ်န့ၣ်လၢအကဲထီၣ်ပှၤဘၣ်ဃး ဒီးအပှၤဂီၢ်မုၢ်, ပှၤလၢအအဲၣ်အီၤဒီးမၤအတၢ်မၤ, ပှၤလၢအတိၢ်န့ၢ်မုၢ်အိၣ်ဘှံးနံၤဒီးဟံးဃာ်အတၢ်အၢၣ်လီၤ အီလီၤလၢတၢ်သူၣ်တီသးရၤအပူၤ,

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်မးသဲ 12:2

တုၤပှၤဖၤရံၤၡဲတဖၣ်ထံၣ်တၢ်အံၤဒီးအဝဲသ့ၣ်စံးဘၣ်ယ့ၣ်ၡူး, “ကွၢ်တက့ၢ်. နပျဲၢ်နဘီၣ်တဖၣ်မၤတၢ်အံၤလၢမုၢ်အိၣ်ဘှံးနံၤန့ၣ်မ့ၢ်တၢ်လၢ အထီဒါပတၢ်သိၣ်တၢ်သီလီၤ.”

လံာ်မၢ်ကူး 2:16

တုၤပှၤသ့လံာ်တၢ်သိၣ်တၢ်သီတနီၤလၢအမ့ၢ်ပှၤဖၤရံၤၡဲတဖၣ် ထံၣ်ဘၣ်ယ့ၣ်ၡူးအီၣ်သကိးတၢ်ဒီးပှၤဘၣ်တၢ်ဟီထီၣ်ကွံာ်အီၤဒီး ပှၤဃ့သွဲတဖၣ်အံၤဒီး, အဝဲသ့ၣ်သံကွၢ်အပျဲၢ်အဘီၣ်တဖၣ်ဒီးစံး, “ဘၣ်မနုၤလၢအဝဲဒၣ်အီၣ်ဃုာ်အီဃုာ်သကိးတၢ်ဒီးပှၤဒ်သိး အံၤတဖၣ်န့ၣ်လဲၣ်.”

လံာ်မၢ်ကူး 2:25

ယ့ၣ်ၡူးစံးဆၢအဝဲသ့ၣ်, “ဘၣ်တဘျီဖဲစီၤဒၤဝံးတၢ်သၣ်ဝံၤအသးဒီးမ့ၢ်အမၤတၢ်ဒ်လဲၣ် န့ၣ်, သုတဖးဘၣ်အဂ့ၢ်ဘၣ်ဧါ. အဘျီအဝဲန့ၣ်အိၣ်ဃုာ်ဒီးပှၤပိာ်အခံတဖၣ်လၢတၢ်သၣ်ဝံၤ အသးန့ၣ်လီၤ.

လံာ်မၢ်ကူး 2:7

“ပှၤတဂၤအံၤကတိၤတၢ်ဒ်န့ၣ်ကသ့ဒ်လဲၣ်. မ့ၢ်တၢ်ကတိၤတရီတပါယွၤလီၤ. မ့တမ့ၢ်ဘၣ်ထဲကစၢ်ယွၤတဂၤဧိၤဒီးပှၤဂၤပျၢ်တၢ်ကမၣ်တသ့နီတဂၤဘၣ်.”

ဧ့ၤဘြံၤ 12:3

ဒ်သိးတၢ်သုတဘှံးသုသးတဂ့ၤဒီးသုသုတလီၤဘှါ တဂ့ၤန့ၣ်, ကွၢ်ထံအဝဲဒၣ်အတၢ်တူၢ်တၢ်အိၣ်ဒီးတၢ်ဝံသးစူၤ ဘၣ်ပှၤမၤတၢ်ဒဲးဘးဖိအတၢ်မၤတံာ်တာ်ထီဒါအီၤတဖၣ် န့ၣ်တက့ၢ်.