လံာ်မၢ်ကူး 2:22 - Sgaw Karen Common Bible

²² စပံးထံအသီစ့ၢ်ကီး, ပှၤတဒၢနုာ်အီၤလၢထံဒၢတၢ်ဖံးလီၢ်လံၤတဖၣ်အပူၤနီတဂၤဘၣ်. မ့ၢ်ဒၢနုာ်ဝဲဒီး, စပံးထံန့ၣ်ကမၤပိၢ်ဖးကွံာ်ထံဒၢတၢ်ဖံးတဖၣ်လီၤ. အန့ၣ်ဒီး, စပံးထံဒီးထံဒၢတၢ်ဖံးတဖၣ်ကဟးဂီၤကွံာ်ခံမံၤလၢာ်လီၤ. မ့မ့ၢ်တခီ, စပံးထံအသီန့ၣ်ပှၤဘၣ်ဒၢနုာ်အီၤလၢထံဒၢတၢ်ဖံးအသီတဖၣ် အပူၤလီၤ.”

လံာ်မၢ်ကူး 2:22 Iomraidhean Croise

လံာ်စီၤယိၤဘး 32:19

ယမ့ၢ်တန့ၢ်ဘၣ်တၢ်ခွဲးတၢ်ယာ်လၢယကကတိၤဘၣ်တၢ်န့ၣ်ဒီး ယကပိၢ်ဖးကွံာ်ဝဲဒ်ထၢၣ်တၢ်ဖံးတဖျၢၣ်လၢအပှဲၤဝဲဒီးစပံးထံအ သီအသိးန့ၣ်လီၤ.

စံးထီၣ်ပတြၢၤ 119:80

မ်ယသးလၢထီၣ်ပှဲၤထီၣ်လၢ တၢ်ဒိကနၣ်နတၢ်မၤလိာ်အပူၤဒ်သိး ယသုတဘၣ်တၢ်မဲာ်ဆှးတဂ့ၤအဂီၢ်န့ၣ်တက့ၢ်.

စံးထီၣ်ပတြၢၤ 119:83

အဂ့ၢ်ဒ်အံၤ, ယမၤယသးဒ်ထံဒၢတၢ်ဖံးလၢ မ့ၣ်အူခုၣ်အပူၤအသိးန့ၣ်လီၤ. နာ်သက့ယတသးပ့ၤနီၣ် နတၢ်မၤလိာ်တဖၣ်န့ၣ်ဘၣ်.

လံာ်မးသဲ 9:17

ပှၤတဒၢနုာ်စ့ၢ်ကီးစပံးထံအသီလၢထံဒၢတၢ်ဖံးအလီၢ်လံၤအပူၤနီ တဂၤဘၣ်. အဂ့ၢ်ဒ်အံၤ, စပံးထံဒၢကပိၢ်ဖးဒီးစပံးထံကလီၤဂၢ်ကွံာ်ဒီး ထံဒၢတၢ်ဖံးစ့ၢ်ကီးကဟးဂီၤကွံာ်ဝဲလီၤ. မ့မ့ၢ်စပံးထံအသီန့ၣ်ပှၤဒၢနုာ်အီၤ လၢထံဒၢတၢ်ဖံးအသီအပူၤသတးဒီး, စပံးထံဒီးထံဒၢတၢ်ဖံးန့ၣ်တဟးဂီၤကွံာ်နီတခါဘၣ်န့ၣ်လီၤ.”

လံာ်မၢ်ကူး 2:21

ပှၤလၢအကဟံးန့ၢ်တၢ်ကံးယာ်အသီတဘ့ၣ်ဒီးဆးကျးထီၣ် က့ၤအီၤလၢဆ့ကၤလီၢ်လံၤဖီခိၣ်န့ၣ်တအိၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, တၢ်ကံးယာ်အသီတက့အံၤကသံးအသးဒီးထုးယာ်ကွံာ်တၢ်လီၢ်လံၤ ဒီးတၢ်ယာ်တပူၤန့ၣ်ကလဲၢ်န့ၢ်ဒံးအလီၢ်တက့ၢ်လီၤ.

လံာ်မၢ်ကူး 2:23

ဘၣ်ဖဲပှၤယူဒၤဖိအမုၢ်အိၣ်ဘှံးနံၤတနံၤန့ၣ်, ယ့ၣ်ၡူးလဲၤခီဖျိစံာ်ပျီတဘ့ၣ်ဃုာ်ဒီးအပျဲၢ်အဘီၣ်တဖၣ်လီၤ. ဖဲအလဲၤတၢ်အဖၢမုၢ်ဒီး, အပျဲၢ်အဘီၣ်တဖၣ်ဒဲးအီၣ်ဘုစဲၤတဖၣ်လီၤ.

လံာ်စီၤယိၤၡူ 9:13

ဖဲပမၤပှဲၤစပံးထံဒၢတၢ်ဖံးတဖၣ်အံၤအခါ, မ့ၢ်တၢ်အသီလီၤ. ဘၣ်ဆၣ်ကွၢ်တက့ၢ်. ယာ်လၢာ်လံ. ပကူပကၤဒီးပခီၣ်ဖံးတ ဖၣ်စ့ၢ်ကီးလီၢ်လံၤဒီးယာ်ကွံာ်လၢပတၢ်ဟဲယံၤဝဲအဃိလီၤ.”

လံာ်စီၤယိၤၡူ 9:4

ဒီးအဝဲသ့ၣ်ပာ်လီၤအသးလၢကလီန့ၢ်အီၤလီၤ. အဝဲသ့ၣ်လဲၤစိာ်တၢ်အီၣ်တနီၤ, ဒီးတီၣ်ထီၣ်ထၢၣ်လီၢ်လံၤဒီး စပံးထံအဒၢလီၢ်လံၤတဖၣ်လၢအကသ့ၣ်ယီၤတဖၣ်အလိၤဒီးလဲၤတၢ်လီၤ.