လံာ်မၢ်ကူး 2:21 - Sgaw Karen Common Bible

²¹ ပှၤလၢအကဟံးန့ၢ်တၢ်ကံးယာ်အသီတဘ့ၣ်ဒီးဆးကျးထီၣ် က့ၤအီၤလၢဆ့ကၤလီၢ်လံၤဖီခိၣ်န့ၣ်တအိၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, တၢ်ကံးယာ်အသီတက့အံၤကသံးအသးဒီးထုးယာ်ကွံာ်တၢ်လီၢ်လံၤ ဒီးတၢ်ယာ်တပူၤန့ၣ်ကလဲၢ်န့ၢ်ဒံးအလီၢ်တက့ၢ်လီၤ.

လံာ်မၢ်ကူး 2:21 Iomraidhean Croise

လံာ်ယၡါယၤ 57:16

ယဟ့ၣ်တ့ၢ်ယပှၤဂီၢ်မုၢ်လၢတၢ်မူ, ဒီးယတပာ်တၢ်ကမၣ် လၢအဝဲသ့ၣ်အလိၤဒီးသူၣ်ဒိၣ်သးဖျိးအဝဲသ့ၣ်လီၤစိၤလီၤ ထီလၢၤဘၣ်.

လံာ်မးသဲ 9:16

ပှၤတဆးကျးဘၣ်ဆ့ကၤလီၢ်လံၤလၢတၢ်ကံးယာ်အသီတက့နီတဂၤဘၣ်. အဂ့ၢ်ဒ်အံၤ, တၢ်ကံးယာ်အသီတက့န့ၣ်ကသံးအသးဒီးမၤလဲၢ်ထီၣ်တၢ် ယာ်ပြဲးအလီၢ်န့ၣ်လီၤ.

လံာ်မၢ်ကူး 2:20

ဘၣ်ဆၣ်ဒီးမုၢ်ကအိၣ်ဝဲတနံၤလၢတလးမူးပိာ်ခွါန့ၣ်ကဘၣ် တၢ်ဟံးထီၣ်ကွံာ်အီၤလၢအဝဲသ့ၣ်အအိၣ်, ဒီးတုၤနုၤတစုအဝဲသ့ၣ်ကဒုၣ်တၢ်အီၣ်တၢ်အီန့ၣ်လီၤ.

လံာ်မၢ်ကူး 2:22

စပံးထံအသီစ့ၢ်ကီး, ပှၤတဒၢနုာ်အီၤလၢထံဒၢတၢ်ဖံးလီၢ်လံၤတဖၣ်အပူၤနီတဂၤဘၣ်. မ့ၢ်ဒၢနုာ်ဝဲဒီး, စပံးထံန့ၣ်ကမၤပိၢ်ဖးကွံာ်ထံဒၢတၢ်ဖံးတဖၣ်လီၤ. အန့ၣ်ဒီး, စပံးထံဒီးထံဒၢတၢ်ဖံးတဖၣ်ကဟးဂီၤကွံာ်ခံမံၤလၢာ်လီၤ. မ့မ့ၢ်တခီ, စပံးထံအသီန့ၣ်ပှၤဘၣ်ဒၢနုာ်အီၤလၢထံဒၢတၢ်ဖံးအသီတဖၣ် အပူၤလီၤ.”

လံာ်လူၤကၣ် 5:36

ယ့ၣ်ၡူးစံးဘၣ်တဲဘၣ်စ့ၢ်ကီးအဝဲသ့ၣ်လၢတၢ်ကတိၤဒိ တထံၣ်အံၤလီၤ. “ပှၤတဖှီယာ်ကွံာ်တၢ်ကံးယာ်အက့တက့လၢ ဆ့ကၤအသီတဘ့ၣ်အလိၤဒ်သိးအကဆးကျးဆ့ကၤအလီၢ်လံၤ တဘ့ၣ်အဂီၢ်န့ၣ်နီတဂၤဘၣ်. မ့ၢ်မၤဝဲဒ်န့ၣ်ဒီး, အဝဲကမၤယာ်ဘၣ်ဆ့ကၤအသီ, ဒီးတၢ်ကံးယာ်အက့လၢအသီတက့န့ၣ်, တဘၣ်လိာ်အသးဒီးတၢ်အလီၢ်လံၤန့ၣ်ဘၣ်လီၤ.

1 ကရံၣ်သူး 10:13

ကယဲၢ်တၢ်မၤကွၢ်လၢသုလဲၤခီဖျိဘၣ်တ့ၢ်လံဝဲတဖၣ်န့ၣ် မ့ၢ်ဒၣ်တၢ်တကလုာ်ဃီလၢအတုၤအိၣ်ညီနုၢ်ပှၤဟီၣ်ခိၣ်ဖိ တဖၣ်န့ၣ်လီၤ. ဘၣ်ဆၣ်ဒီးကစၢ်ယွၤတီလၢအတၢ်အၢၣ်လီၤ, ဒီးအဝဲတပျဲသုဘၣ်တၢ်လ့ပစီသုအါန့ၢ်သုအိၣ်ဒီးတၢ်ဂံၢ် တၢ်ဘါလၢသုကဆၢထၢၣ်ကျၢၤကျၢၤအဂီၢ်ဘၣ်လီၤ. ဖဲအဆၢကတီၢ်လၢသုဘၣ်တၢ်လ့ပစီသုန့ၣ်အဝဲ ကဟ့ၣ်သုတၢ်ဂံၢ်တၢ်ဘါလၢသုကကွၢ်ဆၢၣ်မဲာ်အီၤဒီးဆၢထၢၣ် ကျၢၤကျၢၤအဂီၢ်ဒီးဒုးထူၣ်ဖျဲးထီၣ်ကွံာ်သုလၢကျဲဒ်န့ၣ်အပူၤလီၤ.