လံာ်မၢ်ကူး 2:2 - Sgaw Karen Common Bible

² ပှၤသ့ၣ်တဖၣ်ဟဲပာ်ဖှိၣ်ထီၣ်အသးအါမးတုၤဒၣ်လဲာ်ဖဲတြဲၤခီၣ် ထံးန့ၣ်တၢ်လီၢ်တအိၣ်လၢၤဘၣ်န့ၣ်လီၤ. ဒီးယ့ၣ်ၡူးစံၣ်တဲၤတဲလီၤယွၤကလုၢ်ကထါလၢအဝဲသ့ၣ်ကနၢ်ဟူဝဲ အဂီၢ်န့ၣ်လီၤ.

လံာ်မၢ်ကူး 2:2 Iomraidhean Croise

စံးထီၣ်ပတြၢၤ 40:9

ယွၤဧၢ, လၢနပှၤဂီၢ်မုၢ်အတၢ်အိၣ်ဖှိၣ်ရိဖှိၣ်ဖးဒိၣ်အ ပူၤ, ယတဲဖျါတ့ၢ်ယဲတၢ်ကစီၣ်အမုာ်လၢ နမၤပူၤဖျဲးပှၤလီၤ. နသ့ၣ်ညါနဲလၢယတဆိကတီၢ် တဲတၢ်အံၤနီတဘျီဘၣ်.

လံာ်မးသဲ 5:2

အပျဲၢ်အဘီၣ်တဖၣ်ဟဲအိၣ်ဖှိၣ်လၢအဃၢၤဒီးအဝဲစးထီၣ်အတၢ်သိၣ် လီၤသီလီၤဒီးစံးဝဲ,

လံာ်မၢ်ကူး 1:14

စီၤယိၤဟၣ်ဘၣ်တၢ်ဒၢနုာ်အီၤလၢဃိာ်ပူၤဝံၤအလီၢ်ခံ, ယ့ၣ်ၡူးဟဲဝဲဆူကီၢ်ကၤလံၤလါဒီးစံၣ်တဲၤတဲလီၤကစၢ်ယွၤ အတၢ်သးခုအကစီၣ်,

လံာ်မၢ်ကူး 1:33

ပှၤဝ့ၢ်ဖိအါဒံအါဂၤဟဲပာ်ဖှိၣ်ထီၣ်အသးလၢဟံၣ်မဲာ်ညါ အတြဲၤအခိၣ်အဃၢၤန့ၣ်လီၤ.

လံာ်မၢ်ကူး 1:37

တုၤအထံၣ်အီၤတစုဒီးအဝဲသ့ၣ်စံးဘၣ်အီၤ, “ပှၤကိးဂၤဒဲးဃုထံၣ်နၤလီၤ.”

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်မၢ်ကူး 2:1

စှၤနံၤစှၤသီပူၤကွံာ်ဝံၤအလီၢ်ခံဒီး, ယ့ၣ်ၡူးက့ၤကဒါက့ၤဝဲဆူဝ့ၢ် ကပ့းရနီၣ်ဒီးတၢ်ကစီၣ်ဟူထီၣ်သါလီၤလၢအဝဲဒၣ်အိၣ်လၢဟံၣ်ပူၤလီၤ.

လံာ်မၢ်ကူး 2:13

ယ့ၣ်ၡူးဟးထီၣ်ဒီးလဲၤကဒီးဝဲဆူပီၣ်လဲၣ်ကၤလံၤလါအနံၤဒီး ပှၤဂီၢ်မုၢ်တဖၣ်ဟဲဆူအအိၣ်ဒီးအဝဲဒၣ်သိၣ်က့ၤသီက့ၤအဝဲသ့ၣ်လီၤ.

လံာ်မၢ်ကူး 6:34

တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

လံာ်လူၤကၣ် 12:1

ဖဲပှၤဂီၢ်မုၢ်လၢအကထိတဖၣ်ပာ်ဖှိၣ်ထီၣ်အသးပှဲၤကတံာ်မး တုၤဒၣ်လဲာ်ယီၢ်လိာ်ဘၣ်အသးတဂၤဒီးတဂၤအဆၢကတီၢ်န့ၣ်, ယ့ၣ်ၡူးစံးဘၣ်ဆိအပျဲၢ်အဘီၣ်တဖၣ်, “ပလီၢ်သုသးလၢပှၤဖၤရံၤၡဲတဖၣ်အကိၣ်မံၣ်လၢ အမ့ၢ်အဝဲသ့ၣ်အတၢ်ပာ်မၤအသးန့ၣ်တက့ၢ်.

လံာ်လူၤကၣ် 5:17

ဘၣ်တနံၤဖဲယ့ၣ်ၡူးသိၣ်လီၤသီလီၤတၢ်အဆၢကတီၢ်န့ၣ်, ပှၤဖၤရံၤၡဲတဖၣ်ဒီးပှၤသိၣ်လိတၢ်သိၣ်တၢ်သီတဖၣ်ဆ့ၣ်နီၤအိၣ်ဖဲ န့ၣ်လီၤ. အဝဲသ့ၣ်ဟဲလၢကယဲၢ်ဝ့ၢ်အိၣ်ဖဲကီၢ်ကၤလံၤလါ ဒီးကီၢ်ယူဒၤဒီးလၢဝ့ၢ်ယရူၤၡလ့ၣ်လီၤ. ကစၢ်အစိကမီၤအိၣ်ဝဲဒီး ယ့ၣ်ၡူးလၢအကမၤဘျါပှၤဆူးပှၤဆါတဖၣ်အဂီၢ်လီၤ.

လံာ်လူၤကၣ် 8:1

တၢ်မၤအသးဝံၤအလီၢ်ခံတစိၢ်တလီၢ်န့ၣ်, ယ့ၣ်ၡူးလဲၤတၢ်ဒီးခီဂာ်ဝ့ၢ်တဖၣ်ဒီးသဝီတဖၣ်, ဒီးစံၣ်တဲၤတဲလီၤတၢ်သးခုအကစီၣ်ဘၣ်ဃးကစၢ်ယွၤ အဘီအမုၢ်လီၤ. ပှၤတၢ်မၢဖိတဆံခံဂၤလဲၤဃုာ်ဒီးအီၤ,

လံာ်လူၤကၣ် 8:11

တၢ်ကတိၤဒိတထံၣ်အံၤအခီပညီမ့ၢ်ဝဲဒ်အံၤ, တၢ်ချံမ့ၢ်ဝဲကစၢ်ယွၤအကလုၢ်ကထါလီၤ.

မၤတၢ် 11:19

ပှၤစူၢ်က့ၤနာ်က့ၤတၢ်တနီၤလီၤမုၢ်ပြံပြါဝဲဒၣ်, မ့ၢ်လၢတၢ်မၤအၢမၤနးအိၣ်ထီၣ်ဖဲစီၤစတ့းဖၣ်ဘၣ်တၢ်မၤသံအီၤ အဆၢကတီၢ်အဃိန့ၣ်လီၤ. အဝဲသ့ၣ်တနီၤလဲၤဝဲတုၤလၢတၢ်ပၢၤခိၣ်ဖံၤနံက့ၤဒီးကီးကူပြူးဒီး ဝ့ၢ်အၣ်တံၤအီာ်ဒီးစံးဘၣ်တဲဘၣ်တၢ်ကစီၣ်ထဲလၢပှၤယူဒၤ ဖိတကလုာ်ဧိၤလီၤ.

မၤတၢ် 14:25

အဝဲသ့ၣ်စံၣ်တဲၤတဲလီၤတၢ်သးခုအကစီၣ်ဖဲဝ့ၢ်ပ့ၢ်က့ၤဝံၤအလီၢ်ခံ လဲၤဝဲဆူဝ့ၢ်အးတါလံၤလီၤ.

မၤတၢ် 16:6

မ့ၢ်လၢသးစီဆှံတပျဲအဝဲသ့ၣ်စံၣ်တဲၤတဲလီၤတၢ်ကစီၣ်ဖဲ ကီၢ်အၤစံဘၣ်အဃိ, အဝဲသ့ၣ်လဲၤခီဂာ်ကီၢ်ဖြူၤကံဒီး ကီၢ်ကလၤတံန့ၣ်လီၤ.

မၤတၢ် 8:25

တုၤအဝဲသ့ၣ်အုၣ်အသးဒီးတဲဖျါယွၤအတၢ်ကစီၣ်ဝံၤအလီၢ်ခံန့ၣ် စီၤပ့းတရူးဒီးစီၤယိၤဟၣ်က့ၤကဒါက့ၤဆူဝ့ၢ်ယရူၤၡလ့ၣ်လီၤ. ဖဲအက့ၤဝဲလၢကျဲန့ၣ်, အဝဲသ့ၣ်စံၣ်တဲၤတဲလီၤတၢ်သးခုအကစီၣ် အံၤလၢသဝီတဘျုးဖျၢၣ်အိၣ်လၢကီၢ်ၡၤမရံအပူၤန့ၣ်လီၤ.

ရိမ့ၤ 10:8

တၢ်လၢအစံးဝဲတခီမ့ၢ်တၢ်အံၤ, “ကစၢ်ယွၤအတၢ်ကစီၣ်အိၣ်ဘူး ဒီးနၤ, အိၣ်လၢနထးခိၣ်လိၤဒီးလၢနသးကံၢ်ပူၤ” ဒ်ပစံးတၢ်အသိး, တၢ်စူၢ်တၢ်နာ်အတၢ်ကစီၣ်လၢပစံၣ်တဲၤတဲလီၤအီၤန့ၣ်လီၤ (သိၣ်သီ ၃၀:၁၂-၁၄).

၂ တံၤမသ့း 4:2

လၢနကစံၣ်တဲၤတဲလီၤတၢ်သးခုကစီၣ်ဒီးဂုာ်လိာ်တဲဖျါထီၣ်အီၤ (တၢ်ဆၢကတီၢ်ဘၣ်မ့ၢ်ဂ့ၤ, တဘၣ်မ့ၢ်ဂ့ၤ) ဒီးဒုးနာ်ပှၤ, သိၣ်ဃီၣ်ဒီးဟ့ၣ်ဂံၢ်ဟ့ၣ်ဘါပှၤ, အိၣ်ဒီးတၢ်သးစူၤဖဲနသိၣ်လိတၢ်အခါန့ၣ်လီၤ.