လံာ်မၢ်ကူး 2:19 - Sgaw Karen Common Bible

¹⁹ ဒီးယ့ၣ်ၡူးစံးဆၢအဝဲသ့ၣ်, “ပှၤလၢအဘၣ်တၢ်ကွဲအီၤဆူတၢ်ဖျီ အမူးတဖၣ်, ဖဲတလးမူးပိာ်ခွါအိၣ်ဒံးလၢအဝဲသ့ၣ်အကျါအခါ ဒုၣ်တၢ်အီၣ်တၢ်အီဘၣ်ကသ့ဧါ. တလးမူးပိာ်ခွါတဂၤမ့ၢ်အိၣ်ဒံးလၢအဝဲသ့ၣ်အကျါဒီး, အဝဲသ့ၣ်ဒုၣ်တၢ်အီၣ်တၢ်အီတသ့ဘၣ်.

လံာ်မၢ်ကူး 2:19 Iomraidhean Croise

လံာ်တၢ်ကဲထီၣ်အခီၣ်ထံး 29:22

ဒီးစီၤလၤဘၣ်မၤတၢ်ဖျီအမူးဒီးကွဲပှၤကိးဂၤဒဲးန့ၣ်လီၤ.

စံးထီၣ်ပတြၢၤ 45:14

အဝဲဘၣ်တၢ်လဲၤကိးအီၤဆူ စီၤပၤအအိၣ်, ကူသိးဝဲဒီး အဆ့ကၤအိၣ်ဒီး အလွဲၢ်ဃံလၤတဖၣ် ဒီးမုၣ်လိၣ်ဘိလၢအထီၣ်ဆှၢအီၤသ့ၣ်တဖၣ် ပိာ်ထီၣ်အခံန့ၣ်လီၤ. ဒီးအဝဲသ့ၣ်စ့ၢ်ကီးဘၣ်တၢ်လဲၤကိးအီၤဆူစီၤပၤ အအိၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 6:8

မ်စီၤပၤအိၣ်ဒီးအနီၢ်ပၤမုၣ်အဂၤဃုဆံ, အသံၣ်မါဃိးဆံ, ဒီးမုၣ်လိၤဘိလၢပဂံၢ်တသ့ဘၣ်န့ၣ်တက့ၢ်.

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

လံာ်မၢ်ကူး 2:18

ဘၣ်တနံၤ, ဖဲစီၤယိၤဟၣ်အပျဲၢ်အဘီၣ်တဖၣ်ဒီးပှၤပိာ်ဖၤရံၤၡဲအခံ တဖၣ်ဒုၣ်တၢ်အီၣ်တၢ်အီအကတီၢ်န့ၣ်, ပှၤအိၣ်ဝဲတနီၤလၢအဟဲဆူယ့ၣ်ၡူးအအိၣ်ဒီးသံကွၢ်အီၤ, “ဘၣ်မနုၤစီၤယိၤဟၣ်အပျဲၢ်အဘီၣ်တဖၣ်ဒီး ပှၤပိာ်ဖၤရံၤၡဲအခံတဖၣ်ဒုၣ်တၢ်အီၣ်တၢ်အီ, မ့မ့ၢ်နပျဲၢ်နဘီၣ်တဖၣ်တဒုၣ်တၢ်အီၣ်တၢ်အီန့ၣ်လဲၣ်.”

လံာ်မၢ်ကူး 2:20

ဘၣ်ဆၣ်ဒီးမုၢ်ကအိၣ်ဝဲတနံၤလၢတလးမူးပိာ်ခွါန့ၣ်ကဘၣ် တၢ်ဟံးထီၣ်ကွံာ်အီၤလၢအဝဲသ့ၣ်အအိၣ်, ဒီးတုၤနုၤတစုအဝဲသ့ၣ်ကဒုၣ်တၢ်အီၣ်တၢ်အီန့ၣ်လီၤ.