လံာ်မၢ်ကူး 2:17 - Sgaw Karen Common Bible

¹⁷ တုၤယ့ၣ်ၡူးနၢ်ဟူတၢ်အံၤဒီးစံးဘၣ်ပှၤတဖၣ်န့ၣ်, “ပှၤလၢအအိၣ်ဆူၣ်အိၣ်ချ့န့ၣ်တလိၣ်ဘၣ်ကသံၣ်သရၣ်ဘၣ်. မ့ၢ်ပှၤဆူးပှၤဆါတခီလီၤ. ယတဟဲယဲလၢယကကိးန့ၢ်ပှၤတီပှၤလိၤ အဂီၢ်ဘၣ်. ယဟဲလၢယကကိးန့ၢ်ပှၤတၢ်ဒဲးဘးဖိလၢအဘၣ် တၢ်ဟီထီၣ်ကွံာ်အီၤတဖၣ်အဂီၢ်လီၤ.”

လံာ်မၢ်ကူး 2:17 Iomraidhean Croise

လံာ်ယၡါယၤ 1:18

ယွၤစံးဝဲဒၣ်, “ခဲကနံၣ်အံၤ, မ်ပမၤလိၤမၤဘၣ်သကိးတၢ်ဂ့ၢ် န့ၣ်တက့ၢ်. သုဘၣ်အၢဘၣ်သီဂီၤဆှုၣ်ကလာ်လၢတၢ်ဒဲးဘးအဃိ, ဘၣ်ဆၣ်ဒီးယကသ့စီသုဝါဒ်မူခိၣ်ဖီအသိးလီၤ. သုတၢ်ဘၣ်အၢတဖၣ် မ့ၢ်ဂီၤဆှုၣ်ကလာ်နာ်က့သုကဝါဒ်သိအဆူၣ်အသိးလီၤ.

လံာ်ယၡါယၤ 55:7

မ်ပှၤတတီတလိၤတဖၣ်ပာ်တ့ၢ်ကွံာ်အတၢ်အိၣ်မူအကျဲ ဒီးမ်အလဲလိာ်ကွံာ်အတၢ်ဆိကမိၣ်အကျဲတက့ၢ်. မ်အဝဲသ့ၣ်ဃၣ်အသးဆူယွၤ, ပကစၢ်ယွၤအအိၣ်တက့ၢ်. အဝဲဒၣ်လၢပှဲၤဒီးတၢ်သူၣ်ကညီၤသးကညီၤဒီး ပျၢ်တၢ်ကမၣ်အါအါကလဲာ်လီၤ.

လံာ်ယံးရမံယၤ 17:9

မတၤသ့ၣ်ညါနၢ်ပၢၢ်ပှၤကညီအသးကသ့တဂၤလဲၣ်. တၢ်အဂၤလၢအလီန့ၢ်တၢ်သ့ထဲထဲန့ၣ်တအိၣ်ဘၣ်. အၢဝဲသီဝဲကဲၣ်ဆိးလၢတၢ်ကမၤဘျါက့ၤအီၤ အဂီၢ်န့ၣ်လီၤ.

လံာ်မးသဲ 18:10

ပလီၢ်သုသးဒ်သိးသုသုတမၤတရီတပါဘၣ်ဖိသၣ်ဆံးဒ်အံၤတဖၣ်နီ တဂၤတဂ့ၤ. အဂ့ၢ်ဒ်အံၤ, ယစံးဘၣ်သု, အဝဲသ့ၣ်အမူခိၣ်ကလူးအိၣ်တထံၣ်ဃီလၢပၢ်အိၣ်လၢ မူခိၣ်အမဲာ်ညါလီၤ.

လံာ်လူၤကၣ် 15:10

ဒ်န့ၣ်အသိးယစံးဘၣ်တဲဘၣ်သု, ကစၢ်ယွၤအကလူးတဖၣ်သူၣ်ခု သးခုလၢပှၤတၢ်ဒဲးဘးဖိတဂၤလၢအပီၢ်ယၢ်လီၤက့ၤအသး အဃိန့ၣ်လီၤ.”

လံာ်လူၤကၣ် 15:29

အဝဲဒၣ်စံးဆၢအပၢ်, ‘ကွၢ်လၢအံၤ, လၢအနံၣ်အလါတဖၣ်အံၤအပူၤ, ယမၤတ့ၢ်တၢ်လၢနဂီၢ်ဒ်ကုၢ်တဂၤအသိး ဒီးယတလုၣ်သ့ၣ်ခါပတာ်နကလုၢ်နီတစုဘၣ်. နဟ့ၣ်တ့ၢ်လံယၤတၢ်မနုၤ တမံၤလဲၣ်. လၢယကမၤတၢ်အီၣ်သကိးအီသကိးအမူး ဒီးယတံၤသကိးတဖၣ်အဂီၢ်မဲာ်တဲးလဲးတဒုဒၣ်လဲာ်နတဟ့ၣ်ယၤဘၣ်.

လံာ်လူၤကၣ် 15:7

ဒ်န့ၣ်အသိး, ယစံးဘၣ်တဲဘၣ်သု, လၢမူခိၣ်န့ၣ်, တၢ်သးခုကအိၣ်ဝဲလၢပှၤတၢ်ဒဲးဘးဖိတဂၤ လၢအပီၢ်ယၢ်လီၤက့ၤအသးအဃိအါန့ၢ်ပှၤတီပှၤလိၤခွံဆံခွံဂၤ လၢအပီၢ်ယၢ်လီၤက့ၤအသးအလီၢ်တအိၣ်ဘၣ်တဖၣ်အဃိ တက့ၢ်လီၤ.

လံာ်လူၤကၣ် 16:15

ယ့ၣ်ၡူးစံးဘၣ်အဝဲသ့ၣ်, “သုမ့ၢ်ပှၤတဖၣ်လၢအမၤဖျါအသးဒ် အတီဝဲလိၤဝဲ, လၢပှၤကညီအမဲာ်ညါ, ဘၣ်ဆၣ်ဒီးကစၢ်ယွၤသ့ၣ်ညါသုသူၣ်သုသးလီၤ. အဂ့ၢ်ဒ်အံၤ, တၢ်လၢပှၤကညီဆိကမိၣ်လၢ အအိၣ်ဒီးအလုၢ်အပှ့ၤဖးဒိၣ်န့ၣ်, လၢကစၢ်ယွၤအမဲာ်ညါ မ့ၢ်တၢ်လၢအလီၤသးဘၣ်အၢန့ၣ်လီၤ.

လံာ်လူၤကၣ် 19:10

အဂ့ၢ်ဒ်အံၤ, ပှၤကညီဖိခွါဟဲဒ်သိးအကဃုန့ၢ်ဒီးအုၣ်က့ၤခီၣ်က့ၤ ပှၤလီၤမၢ်တဖၣ်လီၤ.”

လံာ်ယိၤဟၣ် 9:34

အဝဲသ့ၣ်စံးဆၢတၢ်ဒီးစံးဝဲ, “နအိၣ်ဖျဲၣ်ထီၣ်ဒီး တၢ်ကွၢ်ဒိၣ်ထီၣ်နၤလၢတၢ်ဒဲးဘးယိာ်အပူၤဒီးနဂုာ် ကျဲးစၢးသိၣ်လိသီလိပှၤန့ၣ်ဧါ.” အန့ၣ်ဒီး, အဝဲသ့ၣ်ဟီထီၣ်ကွံာ်အီၤလၢဘူၣ်ဘျီၣ်ပူၤန့ၣ်လီၤ.

လံာ်ယိၤဟၣ် 9:40

ပှၤဖၤရံၤၡဲတနီၤလၢအအိၣ်ဒီးအီၤဖဲန့ၣ်, နၢ်ဟူအဝဲစံးတၢ်ဒ်အံၤဒီး သံကွၢ်အီၤ, “နအဲၣ်ဒိးစံးလၢပဝဲဒၣ်တဖၣ်အံၤပမဲာ်ဘျီၣ်စ့ၢ်ကီး န့ၣ်ဧါ.”

မၤတၢ် 20:21

ယဟ့ၣ်ပလီၢ်ပှၤယူဒၤဖိဒီးပှၤကလုာ်ဂၤခံဖုလၢာ်သပှၢ်ပှၢ်ဒ်သိးအဝဲသ့ၣ် ကညိကွံာ်အတၢ်ဒဲးဘးဒီးဃၣ်က့ၤအသးဆူကစၢ်ယွၤအအိၣ်, ဒီးစူၢ်က့ၤနာ်က့ၤပကစၢ်ယ့ၣ်ၡူးန့ၣ်လီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.