လံာ်မၢ်ကူး 2:1 - Sgaw Karen Common Bible

¹ စှၤနံၤစှၤသီပူၤကွံာ်ဝံၤအလီၢ်ခံဒီး, ယ့ၣ်ၡူးက့ၤကဒါက့ၤဝဲဆူဝ့ၢ် ကပ့းရနီၣ်ဒီးတၢ်ကစီၣ်ဟူထီၣ်သါလီၤလၢအဝဲဒၣ်အိၣ်လၢဟံၣ်ပူၤလီၤ.

လံာ်မၢ်ကူး 2:1 Iomraidhean Croise

လံာ်မးသဲ 4:13

အဝဲတအိၣ်ဝဲဖဲဝ့ၢ်နစၤရ့းဘၣ်. မ့မ့ၢ်လဲၤအိၣ်ဝဲဆိးဝဲလၢဝ့ၢ်ကပ့းရနီၣ် လၢအသူၣ်လီၤအသးလၢပီၣ်လဲၣ်ကၤလံၤလါအနံၤလၢကီၢ်ဆၣ်စဘူလိၣ် ဒီးနးသၤလံအဃၢၤ,

လံာ်မးသဲ 9:1

ယ့ၣ်ၡူးလဲၤနုာ်ဝဲဆူချံပူၤဝံၤ ခီဂာ်က့ၤဝဲဆူထံဝၢ်ဘး ခီဆူအဝ့ၢ်ဒၣ်ဝဲန့ၣ်လီၤ.

လံာ်မၢ်ကူး 1:45

ဘၣ်ဆၣ်ဒီးပှၤအံၤဟးထီၣ်ဒီးရၤလီၤတၢ်ဂ့ၢ်အံၤသကုၤဆးဒး ဒီးတဲတၢ်အါဒိၣ်မးတုၤဒၣ်လဲာ်ယ့ၣ်ၡူးလဲၤနုာ်ဖျိဖျိဖျါဖျါ ဆူဝ့ၢ်ပူၤတသ့လၢၤဘၣ်. မ့မ့ၢ်ဘၣ်အိၣ်ဝဲလၢတၢ်လီၢ်လၢပှၤ တအိၣ်နီတဂၤ, ဒီးပှၤလၢတၢ်လီၢ်ကိးပူၤဒဲးဟဲဆူအအိၣ်လီၤ.

လံာ်မၢ်ကူး 2:2

ပှၤသ့ၣ်တဖၣ်ဟဲပာ်ဖှိၣ်ထီၣ်အသးအါမးတုၤဒၣ်လဲာ်ဖဲတြဲၤခီၣ် ထံးန့ၣ်တၢ်လီၢ်တအိၣ်လၢၤဘၣ်န့ၣ်လီၤ. ဒီးယ့ၣ်ၡူးစံၣ်တဲၤတဲလီၤယွၤကလုၢ်ကထါလၢအဝဲသ့ၣ်ကနၢ်ဟူဝဲ အဂီၢ်န့ၣ်လီၤ.

လံာ်မၢ်ကူး 3:20

အန့ၣ်ဝံၤဒီး ယ့ၣ်ၡူးက့ၤဝဲဆူဟံၣ်လၢအလဲၤအိၣ်တ့ၢ်ဝဲန့ၣ်လီၤ. ပှၤဂီၢ်မုၢ်ဟဲပာ်ဖှိၣ်ထီၣ်ကဒီးအသးတုၤဒၣ်လဲာ် ယ့ၣ်ၡူးဒီးအပျဲၢ်အဘီၣ်တဖၣ်ကအီၣ်တၢ်အဂီၢ် တၢ်ဆၢကတီၢ်တအိၣ်လၢၤဘၣ်န့ၣ်လီၤ.

လံာ်မၢ်ကူး 7:17

တုၤမ့ၢ်အဟးထီၣ်ကွံာ်လၢပှၤဂီၢ်မုၢ်အအိၣ်ဒီးက့ၤနုာ်ဝဲဆူဟံၣ်ပူၤန့ၣ်, အပျဲၢ်အဘီၣ်တဖၣ်သံကွၢ်အီၤတၢ်ကတိၤဒိအခီပညီန့ၣ်လီၤ.

လံာ်မၢ်ကူး 7:24

အန့ၣ်ဝံၤယ့ၣ်ၡူးဟးထီၣ်ဖဲန့ၣ်ဒီးလဲၤဝဲဆူတၢ်လီၢ်ကဝီၤအိၣ်ဘူး ဒီးဝ့ၢ်ထါယၢၣ်ဒီးစံဒိၣ်လီၤ. လဲၤနုာ်ဝဲဆူဟံၣ်တဖျၢၣ်အပူၤ, ဒီးတအဲၣ်ဒိးလၢပှၤကသ့ၣ်ညါ န့ၢ်အီၤလၢအဝဲအိၣ်ဖဲန့ၣ်ဘၣ်. ဘၣ်ဆၣ်ဒီးအိၣ်ဝဲလၢတၢ်ခူသူၣ်ပူၤတန့ၢ်ဘၣ်.

လံာ်မၢ်ကူး 9:28

တုၤယ့ၣ်ၡူးလဲၤနုာ်ဆူဟံၣ်ပူၤဖဲပှၤတအိၣ်နီတဂၤဘၣ်အခါ န့ၣ်, အပျဲၢ်အဘီၣ်တဖၣ်သံကွၢ်အီၤကစုဒု, “ဘၣ်မနုၤပဝဲဒၣ်တဖၣ်ပဟီထီၣ်ကွံာ်တၢ်နါတသ့ဘၣ်န့ၣ်လဲၣ်.”

လံာ်လူၤကၣ် 4:23

အဝဲဒၣ်စံးဘၣ်အဝဲသ့ၣ်, “ယနာ်သပှၢ်ကတၢၢ်လၢ သုကတဲယၤလၢတၢ်ကတိၤဒိတထံၣ်အံၤလီၤ. ‘ကသံၣ်သရၣ်ဧၢ, မၤဘျါလီၤက့ၤနသးဒၣ်နဲတက့ၢ်.’ သုကစံးဘၣ်စ့ၢ်ကီးယၤ, ‘တၢ်တမံၤဃီလၢပဘၣ်တၢ်စံးဘၣ်တဲဘၣ်ပှၤလၢအမၤ အသးဖဲကပ့းရနီၣ်တဖၣ်န့ၣ်, မၤအီၤဖဲအံၤလၢနလီၢ်အိၣ်လီၢ်ဆိး နဝ့ၢ်ဒၣ်နဲအပူၤတက့ၢ်’ န့ၣ်လီၤ.”

လံာ်လူၤကၣ် 5:18

ပှၤတနီၤဟဲစိာ်ပှၤသံတခီပၤတဂၤလၢလီၢ်မံအလိၤ, ဒီးဂုာ်ကျဲးစၢးလဲၤစိာ်နုာ်အီၤဆူဟံၣ်ပူၤဒ်သိးအကပာ် မံလီၤအီၤလၢယ့ၣ်ၡူးအမဲာ်ညါန့ၣ်လီၤ.

လံာ်ယိၤဟၣ် 4:47

အဝဲဒၣ်နၢ်ဟူလၢယ့ၣ်ၡူးဟဲလၢကီၢ်ယူဒၤဆူကီၢ်ကၤလံၤလါ သတးဒီး, လဲၤဝဲဆူအအိၣ်ဒီးဃ့ကညးအီၤဒ်သိးအကလဲၤ ဆူဝ့ၢ်ကပ့းရနီၣ်ဒီးမၤဘျါက့ၤအဖိခွါလၢဘူးအကသံတ့ၢ် တဂၤန့ၣ်လီၤ.

မၤတၢ် 2:6

တုၤအဝဲသ့ၣ်နၢ်ဟူတၢ်သီၣ်အံၤန့ၣ်ဒီး, ဟဲပာ်ဖှိၣ်ထီၣ်အသးဂီၢ်မုၢ်ဂီၢ်ပၤလီၤ. အဝဲသ့ၣ်ခဲလၢာ်ကမၢကမၣ်ဝဲ, အဂ့ၢ်မ့ၢ်လၢပှၤတဂၤဘၣ်တဂၤ နၢ်ဟူဝဲပှၤစူၢ်က့ၤနာ်က့ၤတၢ်တဖၣ် စံးကတိၤတၢ်လၢအဝဲသ့ၣ်အကျိာ်ဒၣ်ဝဲအဃိန့ၣ်လီၤ.