လံာ်မၢ်ကူး 16:9 - Sgaw Karen Common Bible

⁹ ယ့ၣ်ၡူးဂဲၤဆၢထၢၣ်က့ၤလၢတၢ်သံလၢမုၢ်ခီၣ်ထံးနံၤလၢ ဂီၤဂီၤဝံၤအလီၢ်ခံ, အဝဲဒၣ်လီၣ်ဖျါထီၣ်အသးအဆိကတၢၢ်လၢပှၤမၤကဒါလၣ်မုၣ်နီၢ်မၤရံ, ပိာ်မုၣ်လၢအဝဲဟီထီၣ်ကွံာ်တၢ်နါနွံဒုလၢအလိၤန့ၣ်လီၤ. ပိာ်မုၣ်တဖၣ်လဲၤဆူစီၤပ့းတရူးဒီးအတံၤသကိးတဖၣ်အအိၣ် ဒီးစံးဘၣ်တဲဘၣ်အဝဲသ့ၣ်လၢတၢ်လၢအဝဲသ့ၣ်ဘၣ်တၢ်စံးဘၣ်တဲဘၣ် တ့ၢ်အီၤခဲလၢာ်လၢအဖုၣ်လီၤ.

လံာ်မၢ်ကူး 16:9 Iomraidhean Croise

လံာ်စီၤပၤခံဘ့ၣ်တဘ့ၣ် 5:4

တုၤစီၤနဧၤမၣ်နၢ်ဟူဘၣ်တၢ်အံၤန့ၣ်, အဝဲလဲၤဃီၤဆူစီၤပၤအ အိၣ်, ဒီးတဲဘၣ်အီၤတၢ်လၢဖိသၣ်ပိာ်မုၣ်စံးတ့ၢ်ဝဲန့ၣ်လီၤ.

လံာ်မးသဲ 27:56

ပှၤမၤကဒါလၣ်မုၣ်နီၢ်မၤရံ, နီၢ်မၤရံလၢအမ့ၢ်စီၤယၤကိာ်ဒီးစီၤယိၤသး အမိၢ်ဒီးစီၤစ့းဘ့းဒဲအမါအိၣ်လၢပှၤပိာ်မုၣ်သ့ၣ်တဖၣ်န့ၣ်အကျါ လီၤ.

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 16:8

အန့ၣ်ဒီးအဝဲသ့ၣ်ဟးထီၣ်ဆူတၢ်ချၢဒီးဃ့ၢ်ထီၣ်ကွံာ်ဝဲလၢပှၤ သွၣ်ခိၣ်အပူၤန့ၣ်, မ့ၢ်လၢအဝဲသ့ၣ်ကနိးကစုာ်ထီၣ်ဒီးအသူၣ်လီၤ ကတုၤအသးလီၤကတုၤအဃိလီၤ. အဝဲသ့ၣ်တစံးကတိၤတၢ်ဒီး ပှၤနီတဂၤနီတဘီဘၣ်, မ့ၢ်လၢအဝဲသ့ၣ်ပျံၤတၢ်ဖုးတၢ်အဃိလီၤ. [

လံာ်လူၤကၣ် 24:10

ပိာ်မုၣ်တဖၣ်န့ၣ်မ့ၢ်ဝဲပှၤမၤကဒါလၣ်မုၣ်နီၢ်မၤရံ, နီၢ်ယိၤအၣ်နၣ်, ဒီးစီၤယၤကိာ်အမိၢ်နီၢ်မၤရံန့ၣ်လီၤ. အဝဲသ့ၣ်ဒီးပိာ်မုၣ်အဂၤလၢအအိၣ်ဒီးအဝဲသ့ၣ်တဖၣ်န့ၣ်, စံးဘၣ်တဲဘၣ်ပှၤတၢ်မၢဖိတဖၣ်လၢတၢ်ဂ့ၢ်သ့ၣ်တဖၣ်အံၤလီၤ.

လံာ်လူၤကၣ် 8:2

ဒီးပိာ်မုၣ်တနီၤလၢယ့ၣ်ၡူးမၤဘျါတ့ၢ်အီၤလၢတၢ်ဝံတၢ်နါဒီး တၢ်ဆူးတၢ်ဆါတဖၣ်, နီၢ်မၤရံ (လၢအဘၣ်တၢ်ကိးစ့ၢ်ကီးအီၤလၢပှၤမၤကဒါလၣ်ဖိ) လၢတၢ်နါနွံဒုဘၣ်တၢ်ဟီထီၣ်ကွံာ်လၢအပူၤ,

လံာ်ယိၤဟၣ် 20:12

ဒီးထံၣ်ဘၣ်ဝဲကလူးခံဂၤကူကၤတၢ်အဝါ, ဆ့ၣ်နီၤဝဲဖဲယ့ၣ်ၡူးအစိၣ်အိၣ်တ့ၢ်ဝဲအလီၢ်, လၢအခိၣ်ထးတဂၤဒီးလၢအခီၣ်ထံးတဂၤန့ၣ်လီၤ.

မၤတၢ် 20:7

လၢမုၢ်နွံနံၤအကျါမုၢ်ခီၣ်ထံးနံၤဟါခီန့ၣ်, ပပာ်ဖှိၣ်ထီၣ်သကိးပသးလၢတၢ်စိၢ်ဘျဲးကိၣ် အဂီၢ်လီၤ. စီၤပီလူးကတိၤတၢ်ဒီးပှၤဂီၢ်မုၢ်တဖၣ်ပၢၢ်တုၤလၢဖးဖီမုၢ် တစုအဂ့ၢ်မ့ၢ်လၢအကဘၣ်ဟးထီၣ်ဝဲလၢခံတနံၤအဃိလီၤ.

1 ကရံၣ်သူး 16:2

ကိးမုၢ်အိၣ်ဘှံးနံၤဒဲးန့ၣ်, သုဝဲတဂၤဘၣ်တဂၤ, ကဘၣ်ပာ်လီၤဆီတိၢ် တနီၤ, ဒ်အကြၢးအဘၣ်ဒီးတၢ်လၢအဒိးန့ၢ်ဘၣ်တ့ၢ်ဝဲခီဖျိ အတၢ်ဖံးတၢ်မၤအသိး, ဒီးပာ်ဖှိၣ်ပာ်စၢၤဒ်သိးဖဲယဟဲန့ၣ်, အလီၢ်သုတအိၣ်လၢယကထၢဖှိၣ်တိၢ်တဂ့ၤအဂီၢ်န့ၣ်လီၤ.

လံာ်လီၣ်ဖျါ 1:10

ဖဲကစၢ်အမုၢ်တနံၤန့ၣ်, ယွၤအသးစီဆှံပၢၤဃာ်ယၤဒီးယနၢ်ဟူတၢ်အကလုၢ်ဖးဒိၣ် လၢအသီၣ်လီၤဂာ်လၢကွဲၤအကလုၢ်, သီၣ်ထီၣ်ဝဲဒၣ်လၢ ယလီၢ်ခံန့ၣ်လီၤ.