လံာ်မၢ်ကူး 16:10 - Sgaw Karen Common Bible

¹⁰ အဝဲဒၣ်လဲၤဒီးစံးဘၣ်တဲဘၣ်တၢ်လၢအမၤတ့ၢ်အသးအံၤလၢ ပှၤတဖၣ်လၢအလဲၤဃုာ်တၢ်ဒီးယ့ၣ်ၡူးန့ၣ်လီၤ. အကတီၢ်ဖဲန့ၣ်ဘၣ်ဖဲအဝဲသ့ၣ်အသူၣ်ကၢ်သးလီၤဒီးဟီၣ်တၢ်ယၢၤတၢ်, တၢ်အံၤဝံၤအလီၢ်ခံယ့ၣ်ၡူးအနီၢ်ကစၢ်ဒၣ်ဝဲဆှၢလီၤတၢ်ကစီၣ်လၢ အစီဆှံဒီးမူဝဲထီဘိဘၣ်ဃးတၢ်အုၣ်က့ၤခီၣ်က့ၤအထူအယိာ်ခီ ဖျိအပျဲၢ်အဘီၣ်တဖၣ်စးထီၣ်လၢမုၢ်ထီၣ် ပၢၢ်တုၤလၢမုၢ်နုာ်န့ၣ်လီၤ.]

လံာ်မၢ်ကူး 16:10 Iomraidhean Croise

လံာ်မးသဲ 19:22

တုၤပှၤဖိၣ်သၣ်ခွါနၢ်ဟူတၢ်ကတိၤအံၤဒီး, ဟးထီၣ်ကွံာ်ဝဲလၢတၢ်သးအုးအပူၤလီၤ. အဂ့ၢ်ဒ်အံၤ, အဝဲအိၣ်ဒီးတၢ်ထူးတၢ်တီၤအါအါကလဲာ်လီၤ.

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 9:15

ယ့ၣ်ၡူးစံးဆၢဝဲ, “ဖဲတလးမူးပိာ်ခွါအိၣ်ဒံးဒီးအဝဲသ့ၣ် အဖၢမုၢ်ဒီးမ့ၢ်ပှၤသမှံၤလၢအဟဲဆူတၢ်တ့တၢ်ဖျီတဖၣ် သူၣ်အုးသးအုးကသ့ဧါ. ဘၣ်ဆၣ်ဒီးမုၢ်နံၤတဖၣ်ကဟဲဝဲဖဲတလးမူးပိာ်ခွါကဘၣ်တၢ်ထုးဖးကွံာ်အီၤ လၢအဝဲသ့ၣ်အအိၣ်လီၤ. တုၤနုၤတစုအဝဲသ့ၣ်ကဒုၣ်တၢ်အီၣ်လီၤ.

လံာ်မၢ်ကူး 14:72

တကီၢ်ခါဖဲန့ၣ်ဆီဖါကီၢ်အိၣ်အိထီၣ်ခံဘျီတဘျီ, ဒီးစီၤပ့းတရူးသ့ၣ်နီၣ်ထီၣ်က့ၤဝဲလၢယ့ၣ်ၡူးစံးဘၣ်တ့ၢ် အီၤ, “တချုးဆီဖါကီၢ်အိၣ်အိဒံးဘၣ်ခံဘျီန့ၣ်, နကသမၢယၤသၢဘျီန့ၣ်လီၤ.” ဒီးအသးဘၣ်ဒိဘၣ်ထံးဒီးဟီၣ်ဝဲလၢာ်သးလီၤ.

လံာ်လူၤကၣ် 24:17

ယ့ၣ်ၡူးစံးဘၣ်အဝဲသ့ၣ်, “ဖဲသုလဲၤတၢ်အဖၢမုၢ်န့ၣ်, သုကတိၤသကိးတၢ်ဂ့ၢ်မနုၤတမံၤလဲၣ်.” အဝဲသ့ၣ်အိၣ်ဆၢထၢၣ်ဂၢၢ်တပၢၢ်, ဒီးအမဲာ်လီၤသပှၢ်ဝဲလီၤ.

လံာ်ယိၤဟၣ် 16:6

ခဲအံၤမ့ၢ်လၢယစံးဘၣ်တဲဘၣ်လံသုတၢ်သ့ၣ်တဖၣ်အံၤအဃိ, သုသးပူၤပှဲၤဒီးတၢ်သူၣ်အုးသးအုးန့ၣ်လီၤ.

လံာ်ယိၤဟၣ် 20:18

အန့ၣ်ဒီး, ပှၤမၤကဒါလၣ်မုၣ်နီၢ်မၤရံလဲၤဒီးစံးဘၣ်တဲဘၣ် အပျဲၢ်အဘီၣ်တဖၣ်လၢအဝဲထံၣ်ဘၣ်ကစၢ်ဒီးတၢ်လၢ ကစၢ်စံးဘၣ်တဲဘၣ်တ့ၢ်အီၤတဖၣ်န့ၣ်လီၤ.