လံာ်မၢ်ကူး 16:1 - Sgaw Karen Common Bible

¹ တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်မၢ်ကူး 16:1 Iomraidhean Croise

လံာ်တၢ်ကဲထီၣ်အခီၣ်ထံး 50:2

ဝံၤဒီးစီၤယိၤသးဟ့ၣ်လီၤအကလုၢ်ဒ်သိးပှၤကဖှူအပၢ်အစိၣ်လၢ ကသံၣ်ဒ်သိးအစိၣ်သုတဟးဂီၤတဂ့ၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:14

ဒီးဘၣ်တၢ်ခူၣ်လီၤကွံာ်အီၤလၢတၢ်သွၣ်ခိၣ်လၢၢ်အပူၤလၢစိးပျၤ ဝဲလၢအဂီၢ်ဒၣ်ဝဲလၢစီၤဒၤဝံးအဝ့ၢ်ပူၤန့ၣ်လီၤ. အဝဲသ့ၣ်သူဝဲတၢ်နၢမူတဖၣ်ဒီးသိနၢမူတဖၣ်လၢကကတဲာ်ကတီၤ အစိၣ်လၢတၢ်ကခူၣ်လီၤကွံာ်အီၤအဂီၢ်, ဒီးအဝဲသ့ၣ်မၤထီၣ်တၢ်ဆူးကဲၤမ့ၣ်အူဖးဒိၣ်တခါဒ်သိးကသူၣ် အုးသးအုးလၢအဝဲအတၢ်သံအဃိန့ၣ်လီၤ.

လံာ်မၢ်ကူး 14:3

ယ့ၣ်ၡူးအိၣ်ဝဲဒၣ်လၢသဝီဘ့ၤသနံလၢပှၤဘၣ်တၢ်ဆါအၢ စီၤၡံမိၣ်အဟံၣ်ပူၤလီၤ. ဖဲအဝဲဆ့ၣ်နီၤအီၣ်တၢ်အခါ, ပိာ်မုၣ်တဂၤဟဲနုာ်စိာ်ဃုာ်ဒီးသိကိလၢၢ်ဝါတကိပှဲၤဒီးနၢ် ဒူးသိနၢမူနီၢ်နီၢ်လၢအပှ့ၤဒိၣ်နီၢ်မးန့ၣ်လီၤ. ပိာ်မုၣ်န့ၣ်မၤကၢ်အသိကိအကိာ်ဒီးလူလီၤဝဲသိနၢ မူန့ၣ်လၢယ့ၣ်ၡူးအခိၣ်လိၤလီၤ.

လံာ်မၢ်ကူး 14:8

ပိာ်မုၣ်အံၤတၢ်လၢအမၤဝဲသ့န့ၣ်မၤတ့ၢ်ဝဲလံ. ဟဲဒီးဖှူဆိပာ်လံ ယလိၤဒ်အမ့ၢ်တၢ်ကတဲာ်ကတီၤယနီၢ်ခိလၢတၢ်ခူၣ်လီၤအီၤ အဂီၢ်န့ၣ်လီၤ.

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

လံာ်မၢ်ကူး 15:42

တုၤမုၢ်ဟါလီၤတ့ၢ်ဒီး, ဒ်မုၢ်နံၤမ့ၢ်မုၢ်ကတဲာ်ကတီၤအနံၤလၢတၢ် ကအီၣ်ဘူၣ်အဂီၢ် (အခီပညီမ့ၢ်မုၢ်နံၤတချုးပှၤယူဒၤဖိအမုၢ် အိၣ်ဘှံးနံၤဘၣ်ဒံးဘၣ်တသီ) အသိး,

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 16:2

လၢမုၢ်ခီၣ်ထံးနံၤဂီၤဂီၤကလဲာ်ဖဲမုၢ်ဟဲထီၣ်အကတီၢ်န့ၣ်, အဝဲသ့ၣ်တဖၣ်လဲၤဝဲဆူတၢ်သွၣ်ခိၣ်အပူၤအိၣ်ဝဲအလီၢ်န့ၣ်လီၤ.

လံာ်မၢ်ကူး 16:8

အန့ၣ်ဒီးအဝဲသ့ၣ်ဟးထီၣ်ဆူတၢ်ချၢဒီးဃ့ၢ်ထီၣ်ကွံာ်ဝဲလၢပှၤ သွၣ်ခိၣ်အပူၤန့ၣ်, မ့ၢ်လၢအဝဲသ့ၣ်ကနိးကစုာ်ထီၣ်ဒီးအသူၣ်လီၤ ကတုၤအသးလီၤကတုၤအဃိလီၤ. အဝဲသ့ၣ်တစံးကတိၤတၢ်ဒီး ပှၤနီတဂၤနီတဘီဘၣ်, မ့ၢ်လၢအဝဲသ့ၣ်ပျံၤတၢ်ဖုးတၢ်အဃိလီၤ. [

လံာ်လူၤကၣ် 23:54

မ့ၢ်ဝဲဒၣ်မုၢ်ယဲၢ်နံၤ, ဒီးမုၢ်အိၣ်ဘှံးနံၤကတုၤဃီၤဘူးထီၣ်ဝဲလံန့ၣ်လီၤ.

လံာ်လူၤကၣ် 23:56

အန့ၣ်ဝံၤအလီၢ်ခံ, အဝဲသ့ၣ်က့ၤက့ၤဆူဟံၣ်ဒီးအိၣ်ကတဲာ်ကတီၤပာ်တၢ်နၢမူဒီးမူရၣ် လၢအကဖှူအစိၣ်အဂီၢ်န့ၣ်လီၤ. ဖဲမုၢ်အိၣ်ဘှံးနံၤန့ၣ်, အဝဲသ့ၣ်အိၣ်ဘှံးဝဲဒ်တၢ်သိၣ်တၢ်သီအိၣ်ဝဲအသိးန့ၣ်လီၤ.

လံာ်လူၤကၣ် 24:1

ဖဲမုၢ်ခီၣ်ထံးအနံၤ, ဂီၤခီဂီၤဂီၤအဆၢကတီၢ်န့ၣ်, ပိာ်မုၣ်တဖၣ်လဲၤဆူပှၤသွၣ်ခိၣ်အပူၤ, စိာ်ဃုာ်ဒီးတၢ်နၢမူလၢ အဝဲသ့ၣ်အိၣ်ကတဲာ်ကတီၤပာ်ဝဲတဖၣ်န့ၣ်လီၤ.

လံာ်ယိၤဟၣ် 19:25

ပှၤလၢအအိၣ်ဆၢထၢၣ်ဘူးဒီးယ့ၣ်ၡူးအထူၣ်စုညါန့ၣ်, မ့ၢ်ဝဲယ့ၣ်ၡူးအမိၢ်, အမိၢ်အဒီပုၢ်ဝဲၢ်မုၣ်, စီၤကျ့းအီၤပၤအမါနီၢ်မၤရံ, ဒီးပှၤမၤကဒါလၣ်မုၣ်နီၢ်မၤရံန့ၣ်လီၤ.

လံာ်ယိၤဟၣ် 19:31

အန့ၣ်ဝံၤဒီး, ပှၤယူဒၤဖိအခိၣ်အနၢ်တဖၣ်ဃ့စီၤပံၤလး အခွဲးလၢကပျဲအဝဲသ့ၣ်တီၢ်ကၢ်ကွံာ်ပှၤလၢတၢ်မၤသံအီၤလၢ ထူၣ်စုညါအလိၤတဖၣ်အခီၣ်, ဒီးကစိာ်လီၤကွံာ်အစိၣ်လၢထူၣ်စုညါတဖၣ်အလိၤအဂီၢ် န့ၣ်လီၤ. အဝဲသ့ၣ်ဃ့တၢ်အံၤမ့ၢ်လၢမုၢ်နံၤတခီမ့ၢ်မုၢ်ယဲၢ် နံၤ, ဒီးအဝဲသ့ၣ်တသးအိၣ်လၢပှၤအစိၣ်တဖၣ်အံၤ ကအိၣ်စဲထီအသးလၢထူၣ်စုညါအလိၤတုၤလၢပှၤ ယူဒၤဖိအမုၢ်အိၣ်ဘှံးနံၤန့ၣ်ဘၣ်. အဂ့ၢ်ဒ်အံၤ, အဝဲသ့ၣ်အမုၢ်အိၣ်ဘှံးနံၤလၢအကဟဲအံၤမ့ၢ်နံၤလၢ အစီဆှံလီၤဆီဝဲအဃိန့ၣ်လီၤ.