လံာ်မၢ်ကူး 15:6 - Sgaw Karen Common Bible

⁶ တဘျီလၢ်လၢ်ဖဲဘူၣ်လဲၤကပာ်ဘၣ်ဝဲအကတီၢ်န့ၣ်, စီၤပံၤလးညီနုၢ်ပျၢ်ပူၤဖျဲးကွံာ်ဝဲပှၤဃိာ်ဖိတဂၤဂၤလၢ ပှၤဃ့ဝဲန့ၣ်လီၤ.

လံာ်မၢ်ကူး 15:6 Iomraidhean Croise

လံာ်မးသဲ 26:2

“ဒ်သုသ့ၣ်ညါအသိး, လၢခံသီဝံၤအလီၢ်ခံန့ၣ်ဘူၣ်လဲၤကပာ်ကဘၣ်ဝဲ, ဒီးပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဒ်သိးအကဘၣ် တၢ်ပျၤထီကွံာ်အီၤအဂီၢ်လီၤ.”

လံာ်မးသဲ 26:5

ဘၣ်ဆၣ်အဝဲသ့ၣ်စံး, “ပတဘၣ်မၤတၢ်အံၤဖဲဘူၣ်အကတီၢ်အံၤဘၣ်, ပှၤဂီၢ်မုၢ်ကတၢထီၣ်တၢလီၤဘၣ်ဖုးလီၤ.”

လံာ်မၢ်ကူး 15:7

အကတီၢ်ဖဲန့ၣ်လၢဃိာ်ပူၤ, ပှၤလၢအပူထီၣ်တၢ်ဒီးမၤသံဘၣ်ပှၤ ကညီလၢတၢ်တၢထီၣ်တၢလီၤအပူၤတဖၣ်အကျါ, ပှၤအိၣ်ဝဲတဂၤလၢအမံၤမ့ၢ်စီၤဘၤရးဘါန့ၣ်လီၤ.

လံာ်ယိၤဟၣ် 18:16

ဖဲန့ၣ်အခါ, စီၤပ့းတရူးအိၣ်လၢတၢ်ချၢလၢကျဲစၢၤအဃၢၤ န့ၣ်လီၤ. အန့ၣ်ဝံၤဒီး, အပျဲၢ်အဘီၣ်လၢပှၤလုၢ်တၢ်အခိၣ်အဒိၣ် ကတၢၢ်သ့ၣ်ညါအီၤဂ့ၤဒိၣ်မးတဂၤန့ၣ်, က့ၤဟးထီၣ်က့ၤဝဲ, ကတိၤတၢ်ဒီးပိာ်မုၣ်လၢအပၢၤကျဲစၢၤတဂၤဝံၤဒီး, ဟဲက့ၤကိးနုာ်စီၤပ့းတရူးဆူကရၢၢ်ပူၤန့ၣ်လီၤ.

လံာ်ယိၤဟၣ် 19:16

အန့ၣ်တစု, စီၤပံၤလးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ လၢတၢ်ကပျၤထီအီၤလၢထူၣ်စုညါအလိၤအဂီၢ်န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟံးန့ၢ်ယ့ၣ်ၡူးန့ၣ်လီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 25:9

စီၤဖ့စတူးအဲၣ်ဒိးမၤအိၣ်အမဲာ်သၣ်လၢပှၤယူဒၤဖိ တဖၣ်သတးဒီး, အဝဲသံကွၢ်စီၤပီလူး, “မ့ၢ်နကသးဆူၣ်လဲၤဆူဝ့ၢ်ယရူၤၡလ့ၣ်ဒ်သိးနကဘၣ်တၢ် သမံသမိးနၤလၢယမဲာ်ညါဖဲန့ၣ်ကစီဒီဧါ.”