လံာ်မၢ်ကူး 15:47 - Sgaw Karen Common Bible

⁴⁷ ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 15:47 Iomraidhean Croise

လံာ်မးသဲ 27:56

ပှၤမၤကဒါလၣ်မုၣ်နီၢ်မၤရံ, နီၢ်မၤရံလၢအမ့ၢ်စီၤယၤကိာ်ဒီးစီၤယိၤသး အမိၢ်ဒီးစီၤစ့းဘ့းဒဲအမါအိၣ်လၢပှၤပိာ်မုၣ်သ့ၣ်တဖၣ်န့ၣ်အကျါ လီၤ.

လံာ်မးသဲ 27:61

ပှၤမၤကဒါလၣ်မုၣ်နီၢ်မၤရံဒီးနီၢ်မၤရံလၢအဂၤတဂၤန့ၣ်, ဆ့ၣ်နီၤဖဲတၢ်သွၣ်ခိၣ်အပူၤအမဲာ်ညါန့ၣ်လီၤ.

လံာ်မးသဲ 28:1

ဖဲပှၤယူဒၤဖိအမုၢ်အိၣ်ဘှံးနံၤဝံၤအလီၢ်ခံ, လၢမုၢ်ခီၣ်ထံးအနံၤဂီၤခီဂီၤဂီၤန့ၣ်, ပှၤမၤကဒါလၣ်မုၣ်နီၢ်မၤရံဒီးနီၢ်မၤရံအဂၤတဂၤန့ၣ် လဲၤဝဲလၢကကွၢ်ယ့ၣ်ၡူးအတၢ်သွၣ်ခိၣ်အပူၤအဂီၢ်လီၤ.

လံာ်မၢ်ကူး 15:40

ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

လံာ်မၢ်ကူး 15:46

စီၤယိၤသးပှ့ၤန့ၢ်တၢ်ကံးယာ်ဝါတဘ့ၣ်, စိာ်လီၤယ့ၣ်ၡူးလၢထူၣ်စုညါ အလိၤ, ဘိၣ်ဘံထီၣ်အီၤလၢတၢ်ကံးယာ်ဝါတဘ့ၣ်န့ၣ်, ဒီးပာ်လီၤအီၤလၢပှၤသွၣ်ခိၣ်အပူၤတပူၤလၢတၢ်ခူၣ်န့ၢ်အီၤလၢလ့ ကပၤန့ၣ်လီၤ. ဝံၤဒီးအဝဲဒၣ်တလ့ၣ်လီၤလၢၢ်ဖးဒိၣ်တဖျၢၣ်ဒီး မၤတံာ်ဃာ်ဝဲတၢ်ပူၤအခိၣ်ထိးလၢလၢၢ်န့ၣ်လီၤ.

လံာ်မၢ်ကူး 16:1

တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်လူၤကၣ် 23:55

ပိာ်မုၣ်လၢအဟဲပိာ်ယ့ၣ်ၡူးအခံလၢကီၢ်ကၤလံၤလါတဖၣ်လဲၤ ဃုာ်ဒီးစီၤယိၤသးဒီးထံၣ်ဘၣ်ပှၤသွၣ်ခိၣ်အပူၤ, ဒီးယ့ၣ်ၡူးအစိၣ်ဘၣ်တၢ်ပာ်လီၤအီၤလၢအပူၤဒ်လဲၣ်န့ၣ်လီၤ.