လံာ်မၢ်ကူး 15:46 - Sgaw Karen Common Bible

⁴⁶ စီၤယိၤသးပှ့ၤန့ၢ်တၢ်ကံးယာ်ဝါတဘ့ၣ်, စိာ်လီၤယ့ၣ်ၡူးလၢထူၣ်စုညါ အလိၤ, ဘိၣ်ဘံထီၣ်အီၤလၢတၢ်ကံးယာ်ဝါတဘ့ၣ်န့ၣ်, ဒီးပာ်လီၤအီၤလၢပှၤသွၣ်ခိၣ်အပူၤတပူၤလၢတၢ်ခူၣ်န့ၢ်အီၤလၢလ့ ကပၤန့ၣ်လီၤ. ဝံၤဒီးအဝဲဒၣ်တလ့ၣ်လီၤလၢၢ်ဖးဒိၣ်တဖျၢၣ်ဒီး မၤတံာ်ဃာ်ဝဲတၢ်ပူၤအခိၣ်ထိးလၢလၢၢ်န့ၣ်လီၤ.

လံာ်မၢ်ကူး 15:46 Iomraidhean Croise

လံာ်ယၡါယၤ 22:16

“နဆိကမိၣ်လီၤနသးလၢနမ့ၢ်မတၤလဲၣ်. လၢနကစိးပျၤတၢ်သွၣ် ခိၣ်တပူၤလၢနဂီၢ်ဒၣ်နဲဖဲလ့ကစၢၢ်ကပၤအဂီၢ်န့ၣ်, နအိၣ်ဒီးတၢ်ခွဲး တၢ်ယာ်မနုၤလဲၣ်.

လံာ်ယၡါယၤ 53:9

အဝဲတမၤတ့ၢ်တၢ်အၢတၢ်သီနီတစုဘၣ်ဒီးတကတိၤလီတၢ် နီတဘျီဘၣ်ဒၣ်လဲာ်န့ၣ်အဝဲဘၣ်တၢ်ပာ်လီၤအီၤလၢတၢ်သွၣ်ခိၣ် တပူၤဃုာ်ဒီးပှၤအၢပှၤသီတဖၣ်လီၤ. အဝဲဘၣ်တၢ်ခူၣ်လီၤအီၤဃုာ်ဒီးပှၤထူးပှၤတီၤလီၤ.”

လံာ်မးသဲ 28:2

သတူၢ်ကလာ်, ဟီၣ်ခိၣ်ဟူးဝးဝဲဆူၣ်ဆူၣ်ကလဲာ်, အဂ့ၢ်မ့ၢ်လၢကစၢ်အကလူးတဂၤဟဲလီၤလၢမူခိၣ်, တလ့ၣ်ကွံာ်လၢၢ်လၢတၢ်သွၣ်ခိၣ်ပူၤအခိၣ်ထိးဒီးဆ့ၣ်နီၤဝဲလၢ အဖီခိၣ်အဃိလီၤ.

လံာ်မၢ်ကူး 15:45

တုၤပှၤသုးဖိတကယၤအခိၣ်ဒုးသ့ၣ်ညါအီၤလၢအသံ တ့ၢ်လံဒီး, စီၤပံၤလးပျဲစီၤယိၤသးက့ၤစိာ်ယ့ၣ်ၡူးအစိၣ်န့ၣ်လီၤ.

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်လူၤကၣ် 23:53

အန့ၣ်ဝံၤဒီး, အဝဲဒၣ်စိာ်လီၤယ့ၣ်ၡူးအစိၣ်, ဘိၣ်ဘံဃာ်အီၤလၢတၢ်ကံးယာ်အဝါတဘ့ၣ်, ဒီးပာ်လီၤအီၤလၢပှၤသွၣ်ခိၣ်အပူၤလၢအဘၣ်တၢ် ပျၤန့ၢ်အီၤလၢလၢၢ်လိၤဒီးတဘၣ်တၢ်သူဒံးအီၤနီတဘျီဘၣ်န့ၣ်လီၤ.

လံာ်ယိၤဟၣ် 11:38

လၢတၢ်သူၣ်ဘၣ်ဒိသးဘၣ်ထံးအပူၤ, ယ့ၣ်ၡူးလဲၤဆူတၢ် သွၣ်ခိၣ်, လၢအမ့ၢ်လ့အပူၤလၢအခိၣ်ထိးဘၣ်တၢ်ကျၢၢ်ဘၢ အီၤလၢလၢၢ်န့ၣ်လီၤ.

လံာ်ယိၤဟၣ် 11:41

ပှၤသ့ၣ်တဖၣ်န့ၣ်သုးကွံာ်လၢၢ်န့ၣ်လီၤ. ယ့ၣ်ၡူးကွၢ်ထီၣ်တၢ်ဒီးစံးဝဲ, “ပၢ်ဧၢ, ယစံးဘျုးနၤလၢနဒိကနၣ်ယၤအဃိလီၤ.

လံာ်ယိၤဟၣ် 20:1

လၢမုၢ်ခီၣ်ထံးနံၤဂီၤဂီၤဒီးတၢ်ခံးဒံးအဆၢကတီၢ်န့ၣ်, ပှၤမၤကဒါလၣ်မုၣ်နီၢ်မၤရံလဲၤဆူတၢ်သွၣ်ခိၣ်ဒီးထံၣ် ဘၣ်ဝဲလၢလၢၢ်လၢအအိၣ်လၢတၢ်ပူၤခိၣ်ထိးန့ၣ်, ဘၣ်တၢ်သုးကွံာ်အီၤလံန့ၣ်လီၤ.