လံာ်မၢ်ကူး 15:45 - Sgaw Karen Common Bible

⁴⁵ တုၤပှၤသုးဖိတကယၤအခိၣ်ဒုးသ့ၣ်ညါအီၤလၢအသံ တ့ၢ်လံဒီး, စီၤပံၤလးပျဲစီၤယိၤသးက့ၤစိာ်ယ့ၣ်ၡူးအစိၣ်န့ၣ်လီၤ.

လံာ်မၢ်ကူး 15:45 Iomraidhean Croise

လံာ်မးသဲ 27:58

အဝဲလဲၤဆူစီၤပံၤလးအအိၣ်, ဒီးဃ့န့ၢ်ယ့ၣ်ၡူးအစိၣ်လီၤ. စီၤပံၤလးဟ့ၣ်လီၤအကလုၢ်လၢယ့ၣ်ၡူးအစိၣ်ကဘၣ်တၢ်ဟ့ၣ်လီၤ အီၤဆူစီၤယိၤသးအအိၣ်လီၤ.

လံာ်မၢ်ကူး 15:39

ပှၤသုးဖိတကယၤအခိၣ်တဂၤလၢအဆၢထၢၣ်ကွၢ်တၢ်ဖဲထူၣ်စုညါ အမဲာ်ညါန့ၣ်, ထံၣ်ဘၣ်ယ့ၣ်ၡူးအသးသမူဟးထီၣ်ကွံာ်ဒ်န့ၣ်သတးဒီးစံးဝဲ, “သပှၢ်ကတၢၢ်ပှၤတဂၤအံၤမ့ၢ်မးကစၢ်ယွၤအဖိခွါန့ၣ်လီၤ.”

လံာ်မၢ်ကူး 15:44

တၢ်လီၤကမၢကမၣ်ဘၣ်စီၤပံၤလးအသးဖဲအနၢ်ဟူဘၣ်ဝဲလၢ ယ့ၣ်ၡူးသံတ့ၢ်လံအဂ့ၢ်ဒီး အဝဲဒၣ်ကိးဃီၤပှၤသုးဖိ တကယၤအခိၣ်ဆူအအိၣ်ဒီးသံကွၢ်ဝဲမ့ၢ်ယ့ၣ်ၡူးသံတ့ၢ် ယံာ်လံဧါန့ၣ်လီၤ.

လံာ်မၢ်ကူး 15:46

စီၤယိၤသးပှ့ၤန့ၢ်တၢ်ကံးယာ်ဝါတဘ့ၣ်, စိာ်လီၤယ့ၣ်ၡူးလၢထူၣ်စုညါ အလိၤ, ဘိၣ်ဘံထီၣ်အီၤလၢတၢ်ကံးယာ်ဝါတဘ့ၣ်န့ၣ်, ဒီးပာ်လီၤအီၤလၢပှၤသွၣ်ခိၣ်အပူၤတပူၤလၢတၢ်ခူၣ်န့ၢ်အီၤလၢလ့ ကပၤန့ၣ်လီၤ. ဝံၤဒီးအဝဲဒၣ်တလ့ၣ်လီၤလၢၢ်ဖးဒိၣ်တဖျၢၣ်ဒီး မၤတံာ်ဃာ်ဝဲတၢ်ပူၤအခိၣ်ထိးလၢလၢၢ်န့ၣ်လီၤ.

လံာ်ယိၤဟၣ် 19:38

တၢ်တဖၣ်အံၤအလီၢ်ခံ, စီၤယိၤသးလၢဝ့ၢ်အရံၤမၤသဲဃ့စီၤပံၤလးလၢ ကက့ၤစိာ်ယ့ၣ်ၡူးအစိၣ်အဂီၢ်န့ၣ်လီၤ. (စီၤယိၤသးအံၤမ့ၢ်ပှၤပိာ်ယ့ၣ်ၡူးအခံလၢတၢ်ခူသူၣ်အပူၤတဂၤ, မ့ၢ်လၢအဝဲပျံၤပှၤယူဒၤဖိအခိၣ်အနၢ်တဖၣ်အဃိန့ၣ်လီၤ.) စီၤပံၤလးဟ့ၣ်အီၤအခွဲးအဃိ, အဝဲဟံးန့ၢ်ယ့ၣ်ၡူးအစိၣ်ဒီး က့ၤစိာ်ဝဲန့ၣ်လီၤ.