လံာ်မၢ်ကူး 15:40 - Sgaw Karen Common Bible

⁴⁰ ဖဲန့ၣ်ပှၤပိာ်မုၣ်အိၣ်စ့ၢ်ကီးဝဲတနီၤလၢအဆၢထၢၣ်ကွၢ်စိတၢ် လၢအယံၤလီၤ. လၢအဝဲသ့ၣ်အကျါမ့ၢ်ဝဲပှၤမၤကဒါလၣ်မုၣ်နီၢ်မၤရံ, စီၤယၤကိာ်လၢအသးစၢ်တဂၤဒီးစီၤယိၤစ့ၣ်တဖၣ်အမိၢ်နီၢ်မၤရံ, ဒီးနီၢ်စၤလိၣ်လီၤ.

လံာ်မၢ်ကူး 15:40 Iomraidhean Croise

စံးထီၣ်ပတြၢၤ 38:11

ယတံၤသကိးတဖၣ်ဒီးပှၤအိၣ်လၢယဃၢၤတဖၣ် အိၣ်ယံၤဒီးယၤ မ့ၢ်လၢယပူၤလီၢ်တဖၣ်အဃိ, ယဟံၣ်ဖိဃီဖိသ့ၣ်တဖၣ်ဒၣ်လဲာ် အိၣ်ယံၤဒီးယၤလီၤ.

လံာ်မးသဲ 10:3

စီၤဖံလံးပူးဒီးစီၤဘၢ်သလီးမဲ, စီၤသိၤမါဒီးပှၤဃ့သွဲ ဖိစီၤမးသဲ, စီၤယၤကိာ်လၢအမ့ၢ်စီၤအၤလဖဲအဖိခွါ, ဒီးစီၤလ့းဘဲကိးဝဲအမံၤသီလၢစီၤသးဒဲ,

လံာ်မးသဲ 13:55

အဝဲဒၣ်အံၤတမ့ၢ်ပှၤစုသ့အဖိခွါဘၣ်ဧါ. အမိၢ်န့ၣ်တမ့ၢ်နီၢ်မၤရံဘၣ်ဧါ. ဒီးအဒီပုၢ်ဝဲၢ်တဖၣ်န့ၣ် တမ့ၢ်ဘၣ်စီၤယၤကိာ်, စီၤယိၤသး, ဒီးစီၤၡံမိၣ်ဒီးစီၤယူဒၤတဖၣ်န့ၣ်ဘၣ်ဧါ.

လံာ်မးသဲ 27:61

ပှၤမၤကဒါလၣ်မုၣ်နီၢ်မၤရံဒီးနီၢ်မၤရံလၢအဂၤတဂၤန့ၣ်, ဆ့ၣ်နီၤဖဲတၢ်သွၣ်ခိၣ်အပူၤအမဲာ်ညါန့ၣ်လီၤ.

လံာ်မးသဲ 28:1

ဖဲပှၤယူဒၤဖိအမုၢ်အိၣ်ဘှံးနံၤဝံၤအလီၢ်ခံ, လၢမုၢ်ခီၣ်ထံးအနံၤဂီၤခီဂီၤဂီၤန့ၣ်, ပှၤမၤကဒါလၣ်မုၣ်နီၢ်မၤရံဒီးနီၢ်မၤရံအဂၤတဂၤန့ၣ် လဲၤဝဲလၢကကွၢ်ယ့ၣ်ၡူးအတၢ်သွၣ်ခိၣ်အပူၤအဂီၢ်လီၤ.

လံာ်မၢ်ကူး 15:47

ပှၤမၤကဒါလၣ်မုၣ်နီၢ်မၤရံဒီးစီၤယိၤစ့ၣ်အမိၢ်နီၢ်မၤရံ တဖၣ်ထံၣ်ဘၣ်ဝဲဒီးကွၢ်နီၣ်ဃာ်ဝဲတၢ်လီၢ်လၢတၢ်ပာ်လီၤ ယ့ၣ်ၡူးန့ၣ်လီၤ.

လံာ်မၢ်ကူး 16:1

တုၤပှၤယူဒၤဖိအမုၢ်အိၣ်ဘှံးနံၤပူၤကွံာ်ဒီး, ပှၤမၤကဒါလၣ်မုၣ်နီၢ်မၤရံ, စီၤယၤကိာ်အမိၢ်နီၢ်မၤရံ, ဒီးနီၢ်စၤလိၣ်တဖၣ်ပှ့ၤန့ၢ်သိနၢမူလၢအကလဲၤဖှူဝဲယ့ၣ်ၡူး အဂီၢ်န့ၣ်လီၤ.

လံာ်မၢ်ကူး 16:9

ယ့ၣ်ၡူးဂဲၤဆၢထၢၣ်က့ၤလၢတၢ်သံလၢမုၢ်ခီၣ်ထံးနံၤလၢ ဂီၤဂီၤဝံၤအလီၢ်ခံ, အဝဲဒၣ်လီၣ်ဖျါထီၣ်အသးအဆိကတၢၢ်လၢပှၤမၤကဒါလၣ်မုၣ်နီၢ်မၤရံ, ပိာ်မုၣ်လၢအဝဲဟီထီၣ်ကွံာ်တၢ်နါနွံဒုလၢအလိၤန့ၣ်လီၤ. ပိာ်မုၣ်တဖၣ်လဲၤဆူစီၤပ့းတရူးဒီးအတံၤသကိးတဖၣ်အအိၣ် ဒီးစံးဘၣ်တဲဘၣ်အဝဲသ့ၣ်လၢတၢ်လၢအဝဲသ့ၣ်ဘၣ်တၢ်စံးဘၣ်တဲဘၣ် တ့ၢ်အီၤခဲလၢာ်လၢအဖုၣ်လီၤ.

လံာ်လူၤကၣ် 19:3

အဝဲဒၣ်ဂုာ်ကျဲးစၢးဒ်သိးအကထံၣ်ဘၣ်လၢယ့ၣ်ၡူးမ့ၢ်မတၤတဂၤလဲၣ် န့ၣ်လီၤ. ဘၣ်ဆၣ်အဝဲမ့ၢ်ပှၤလၢအနီၢ်ဖုၣ်တဂၤဒီးပှၤဂီၢ်မုၢ်အိၣ်အါအဃိ, ထံၣ်ယ့ၣ်ၡူးတသ့ဘၣ်.

လံာ်လူၤကၣ် 23:49

ပှၤကိးဂၤဒဲးလၢအသ့ၣ်ညါယ့ၣ်ၡူးဃုာ်ဒီးပိာ်မုၣ်တဖၣ်လၢ အဟဲပိာ်ယ့ၣ်ၡူးအခံလၢကီၢ်ကၤလံၤလါန့ၣ်, အိၣ်ဆၢထၢၣ်လၢအယံၤဒ်သိးအကထံၣ်ဘၣ်တၢ်မၤ အသးတဖၣ်အံၤန့ၣ်လီၤ.

1 ကရံၣ်သူး 9:5

မ့ၢ်ယတအိၣ်ဒီးတၢ်အခွဲးအယာ်လၢယကကွၢ်လိပှၤတၢ်မၢဖိ အဂၤတဖၣ်, ဒီးကစၢ်အဒီပုၢ်ဝဲၢ်တဖၣ်ဒီးစီၤပ့းတရူး, ခီဖျိယဟးကိးဒီးယမါပှၤခရံာ်ဖိတဂၤလၢယတၢ်လဲၤတၢ်က့ၤတဖၣ် အပူၤန့ၣ်ဘၣ်ဧါ.

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

ယၤကိာ် 1:1

စီၤယၤကိာ်, ကစၢ်ယွၤဒီးကစၢ်ယ့ၣ်ၡူးခရံာ်အခ့အပှၤ, ကတိၤဒိၣ်ဒီးဆၢဂ့ၤဆၢဝါဘၣ်ပှၤတဆံခံဒူၣ်လၢအအိၣ် လၢတၢ်လီၤပြံလီၤပြါအပူၤန့ၣ်လီၤ.