လံာ်မၢ်ကူး 15:39 - Sgaw Karen Common Bible

³⁹ ပှၤသုးဖိတကယၤအခိၣ်တဂၤလၢအဆၢထၢၣ်ကွၢ်တၢ်ဖဲထူၣ်စုညါ အမဲာ်ညါန့ၣ်, ထံၣ်ဘၣ်ယ့ၣ်ၡူးအသးသမူဟးထီၣ်ကွံာ်ဒ်န့ၣ်သတးဒီးစံးဝဲ, “သပှၢ်ကတၢၢ်ပှၤတဂၤအံၤမ့ၢ်မးကစၢ်ယွၤအဖိခွါန့ၣ်လီၤ.”

လံာ်မၢ်ကူး 15:39 Iomraidhean Croise

လံာ်မးသဲ 27:43

အဝဲနာ်န့ၢ်ကစၢ်ယွၤဒီးစံးလီၤအသးလၢအမ့ၢ်ကစၢ်ယွၤအဖိခွါလီၤ. ဂ့ၤလံ. မ့မ့ၢ်ဒ်န့ၣ်ဒီးမ်ပကွၢ်သကိးတက့ၢ်. မ့ၢ်ယွၤကအဲၣ်ဒိး မၤပူၤဖျဲးအီၤခဲအံၤန့ၣ်ဧါ.”

လံာ်မးသဲ 27:54

တုၤသုးခိၣ်တဂၤဃုာ်ဒီးအသုးဖိလၢအအိၣ်ခိးကွၢ်ယ့ၣ်ၡူးတဖၣ်, ထံၣ်ဟီၣ်ခိၣ်ဟူးဒီးတၢ်ခဲလၢာ်လၢအမၤအသးတဖၣ်န့ၣ်, အဝဲသ့ၣ်အသူၣ်ပျံၤအသးဖုးဒီးစံး, “ပှၤအဝဲအံၤ မ့ၢ်နီၢ်နီၢ်ကစၢ်ယွၤအဖိခွါလီၤ.”

မၤတၢ် 10:1

ဖဲဝ့ၢ်ကဲၤစါရံၤန့ၣ်, ပှၤအိၣ်ဝဲဒၣ်တဂၤလၢအမံၤမ့ၢ်စီၤကန့လံး, ပှၤရိမ့ၤသုးဖိတကယၤအခိၣ်, ဘၣ်ဃးဒီးသုးမုၢ်တဖုလၢပှၤကိးအီၤလၢ “အံၤတလံအသုးမုၢ်” န့ၣ်လီၤ.

မၤတၢ် 27:43

ဘၣ်ဆၣ်ပှၤသုးဖိတကယၤအခိၣ်သးအိၣ်မၤပူၤဖျဲးစီၤပီ လူးသတးဒီး, အဝဲဒၣ်တြီပှၤသုးဖိတဖၣ် ဒ်သိးအသုတမၤ သံပှၤဃိာ်ဖိတဖၣ်တဂ့ၤလီၤ. လၢတၢ်န့ၣ်အလီၢ်အဝဲဟ့ၣ်လီၤ အကလုၢ်ဒ်သိးပှၤလၢအပီၢ်ထံသ့ကိးဂၤဒဲးကစံၣ်လီၤဆိဆူထံ ကျါဒီးပီၢ်ထံဆူခိန့ၣ်လီၤ.