လံာ်မၢ်ကူး 15:32 - Sgaw Karen Common Bible

³² ခရံာ်လၢအမ့ၢ်အံၣ်စရ့လးအစီၤပၤတဂၤအံၤ, မ်အကဟဲက့ၤလီၤလၢထူၣ်စုညါအလိၤခဲအံၤဒ်သိး ပကထံၣ်ဘၣ်တၢ်မၤအသးဒီးနာ်အီၤကသ့အဂီၢ်န့ၣ်တက့ၢ်.” ဒီးပှၤခံဂၤလၢအဘၣ်တၢ်ပျၤထီအီၤတပူၤဃီဒီးယ့ၣ်ၡူးန့ၣ်, ကတိၤစံးအၢစံးသီစ့ၢ်ကီးအီၤလီၤ.

လံာ်မၢ်ကူး 15:32 Iomraidhean Croise

လံာ်ယၡါယၤ 44:6

ယွၤလၢအပၢဒီးဒီဒၣ်အိၣ်ပှိၤကီၢ်အံၣ်စရ့လး, ယွၤသ့တၢ်လၢာ်အိၣ်ဒီးအတၢ်ကတိၤဒ်အံၤ, “ယဲဒၣ်အံၤယမ့ၢ်တၢ်အခီၣ်ထံး, ယဲဒၣ်အံၤယမ့ၢ်တၢ်အကတၢၢ်, ကစၢ်ယွၤထဲတဂၤဧိၤ, ဒီးယဲဒၣ်အံၤအမဲာ်ညါကစၢ်အဂၤတအိၣ်ဘၣ်.

လံာ်စဖါနယၤ 3:15

ယွၤဆိကတီၢ်ကွံာ်တၢ်စံၣ်ညီၣ်လၢသုဂီၢ်, အဝဲသုးကွံာ်ကယဲၢ်သုဒုၣ်သုဒါခဲလၢာ်န့ၣ်လံ. ယွၤ, အံၣ်စရ့လးအစီၤပၤအိၣ်ဒီးသု, ဒီးခဲအံၤတၢ်ဂ့ၢ်တအိၣ်လၢၤနီတမံၤ လၢသုကဘၣ်ပျံၤတၢ်ဖုးတၢ်န့ၣ်ဘၣ်.

လံာ်စကၤရယၤ 9:9

ဝ့ၢ်စံယိၣ်အပှၤဂီၢ်မုၢ်သ့ၣ်ဧၢ, သူၣ်ဖှံသးညီဒီးသူၣ်ခုသးခုတက့ၢ်. ယရူၤၡလ့ၣ်အပှၤဂီၢ်မုၢ်သုဝဲသ့ၣ်ဧၢ, ကိးပသူထီၣ်လၢတၢ်သးခု အပူၤတက့ၢ်. ကွၢ်ကွၢ်, နစီၤပၤဟဲဆူနအိၣ်လံ. အဝဲဟဲဝဲအိၣ်ဒီးတၢ်သးခုအတၢ်မၤနၢၤ, ဒီးဒ်ပှၤလၢအမၤနၢၤတၢ်အသိးလီၤ. ဘၣ်ဆၣ်လၢတၢ်ဆီၣ်လီၤသးအပူၤ ဒိးကသ့ၣ်ယီၤတဒုလၢအမ့ၢ်, ကသ့ၣ်ယီၤသးစၢ်, ကသ့ၣ်ယီၤအဖိဒၣ်လဲာ်လီၤ.

လံာ်မးသဲ 1:17

စးထီၣ်လၢစီၤအၤဘြၤဟၣ်တုၤလီၤလၢစီၤဒၤဝံးန့ၣ် တၢ်ဟဲလီၤစၢၤအိၣ်တဆံလွံၢ်စိၤ, ဒီးစီၤဒၤဝံးတုၤလီၤလၢတၢ် စိာ်မၢကဲကုၢ်ဆူဘၤဘူၤလိၣ်အဆၢကတီၢ်န့ၣ်အိၣ်ဝဲတဆံလွံၢ်စိၤ ဒီးစးထီၣ်လၢတၢ်စိာ်မၢကဲကုၢ်တုၤလၢ ယ့ၣ်ၡူးခရံာ်အိၣ်ဖျဲၣ်ထီၣ်န့ၣ်အိၣ်တဆံလွံၢ်စိၤလီၤ.

လံာ်မးသဲ 27:42

“အဝဲမၤပူၤဖျဲးပှၤအဂၤတဖၣ်သ့, မ့မ့ၢ်အနီၢ်ကစၢ်ဒၣ်ဝဲန့ၣ်မၤပူၤဖျဲးလီၤက့ၤအသးတသ့ဘၣ်. ပှၤအံၤမ့ၢ်ပှၤအံၣ်စရ့လးဖိအစီၤပၤတမ့ၢ်ဘၣ်ဧါ. အဝဲမ့ၢ်ဟဲက့ၤလီၤလၢ ထူၣ်စုညါအလိၤအခဲအံၤဒီးပကနာ်အီၤလီၤ.

လံာ်မးသဲ 27:44

တမျာ်လၢအဘၣ်တၢ်ပျၤထီဃုာ်ဒီးအီၤခံဂၤစ့ၢ်ကီး, ဒုၣ်ဒွဲၣ်အီၤဒ်န့ၣ်အသိးလီၤ.

လံာ်မၢ်ကူး 15:26

ဒီးလံာ်ပာ်တၢ်ကမၣ်လၢအလိၤန့ၣ်ဘၣ်တၢ်ကွဲးဖျါထီၣ်အီၤလၢတၢ် ကတိၤလၢအစံးဝဲ, “ပှၤယူဒၤဖိအစီၤပၤ” န့ၣ်လီၤ.

လံာ်မၢ်ကူး 15:27

အဝဲသ့ၣ်ပျၤထီစ့ၢ်ကီးတမျာ်ခံဂၤတပူၤဃီဒီးယ့ၣ်ၡူး, တဂၤလၢအစုထွဲဒီးတဂၤလၢအစုစ့ၣ်လီၤ.

လံာ်ယိၤဟၣ် 1:49

စီၤနၤသန့လးစံးဆၢတၢ်ဒီးစံးဝဲ, “သရၣ်ဧၢ, နဲဒၣ်အံၤနမ့ၢ်ကစၢ်ယွၤ အဖိခွါ, နမ့ၢ်အံၣ်စရ့လးအစီၤပၤန့ၣ်လီၤ.”

လံာ်ယိၤဟၣ် 12:13

လၢတၢ်န့ၣ်အဃိ, အဝဲသ့ၣ်ဟံးန့ၢ်လိၣ်ဒၢအဒ့တဖၣ်ဒီးလဲၤထီၣ် သဂၢၢ်အီၤဒီးကိးပသူထီၣ်ဝဲ, “အုၣ်က့ၤခီၣ်က့ၤပှၤတက့ၢ်. မ်ကစၢ်ယွၤဆိၣ်ဂ့ၤပှၤလၢအဟဲလၢကစၢ်အမံၤတဂၤတက့ၢ်. မ်ကစၢ်ယွၤဆိၣ်ဂ့ၤအံၣ်စရ့လးအစီၤပၤတက့ၢ်.”

ရိမ့ၤ 3:3

အဝဲသ့ၣ်အကျါတနီၤအကလုၢ်မ့ၢ်တတီဘၣ်ဒီးတၢ်ကမၤအသးဒ်လဲၣ်. မ့ၢ်အတၢ်ကလုၢ်တတီအံၤကမၤဟးဂီၤကွံာ်ကစၢ်ယွၤအတၢ် ကလုၢ်တီန့ၣ်ဧါ.

၂ တံၤမသ့း 2:18

အဝဲသ့ၣ်ဟးသဒၣ်ကွံာ်တၢ်မ့ၢ်တၢ်တီအကျဲဒီးမၤကဒံကဒါကွံာ် ပှၤတနီၤအတၢ်စူၢ်တၢ်နာ်, ခီဖျိအစံးဝဲလၢတၢ်ဂဲၤဆၢထၢၣ်သမူထီၣ်က့ၤန့ၣ်မၤတ့ၢ်လံ အသးအဃိန့ၣ်လီၤ.