လံာ်မၢ်ကူး 15:20 - Sgaw Karen Common Bible

²⁰ တုၤအဝဲသ့ၣ်မၤတရီတပါဒီးနံၤဘၣ်ဖၣ်လဲအီၤဝံၤန့ၣ်, ဘ့ၣ်လီၤကွံာ်ဝဲအဆ့ကၤလုးတကုာ်တဘ့ၣ်ဒီးဒုးသိးထီၣ်က့ၤအီၤ လၢအဆ့ကၤဒၣ်ဝဲလီၤ. အန့ၣ်ဝံၤအလီၢ်ခံ, အဝဲသ့ၣ်မိၤထီၣ်ကွံာ်အီၤလၢကပျၤထီအီၤလၢထူၣ်စုညါလိၤ အဂီၢ်လီၤ.

လံာ်မၢ်ကူး 15:20 Iomraidhean Croise

လံာ်မးသဲ 27:31

တုၤအဝဲသ့ၣ်ဒုၣ်ဒွဲၣ်ဒီးနံၤဘၣ်ဖၣ်လဲယ့ၣ်ၡူးဝံၤန့ၣ်, အဝဲသ့ၣ်ဘ့ၣ်လီၤကွံာ်ဆ့ကၤဖးထီဒီးဒုးသိးထီၣ်က့ၤအီၤလၢ အကူအသိးဒၣ်ဝဲဝံၤ, မိၤထီၣ်အီၤဆူတၢ်ချၢဒ်သိး အကပျၤထီကွံာ်အီၤလၢထူၣ်စုညါအလိၤအဂီၢ်လီၤ.

လံာ်မၢ်ကူး 15:19

အဝဲသ့ၣ်ဒိအခိၣ်လၢတပိၢ်ဘိ, ထူးပှဲာ်အလိၤ, ဒီးချံးခီၣ်တီၤလီၤလၢအမဲာ်ညါဒ်အယူးယီၣ်ဘၣ်အီၤ အသိးန့ၣ်လီၤ.

လံာ်မၢ်ကူး 15:21

ပှၤသုးဖိတဖၣ်မၢဆူၣ်ပှၤဟဲဘၣ်အတီၤတဂၤလၢအမ့ၢ်ပှၤကူၤရ့ၤ န့ဖိစီၤၡံမိၣ်လၢအဟဲလၢခိတခီ, လၢအကစိာ်ထီၣ်ဒီးယိးန့ၢ်ထူၣ်စုညါလၢယ့ၣ်ၡူးအဂီၢ်လီၤ. (စီၤၡံမိၣ်မ့ၢ်ဝဲစီၤအလ့းစၣ်ဒြူးဒီးစီၤရူဖၢးတဖၣ်အပၢ်လီၤ.)

လံာ်ယိၤဟၣ် 19:16

အန့ၣ်တစု, စီၤပံၤလးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ လၢတၢ်ကပျၤထီအီၤလၢထူၣ်စုညါအလိၤအဂီၢ်န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟံးန့ၢ်ယ့ၣ်ၡူးန့ၣ်လီၤ.