လံာ်မၢ်ကူး 15:18 - Sgaw Karen Common Bible

¹⁸ အန့ၣ်ဝံၤအဝဲသ့ၣ်ကတိၤဒိၣ်အီၤဒ်အယူးယီၣ်ဘၣ်အီၤအသိးဒီး စံး, “ပှၤယူဒၤဖိအစီၤပၤဧၢ, ပဟ့ၣ်နၤတၢ်ယူးယီၣ်လီၤ.”

လံာ်မၢ်ကူး 15:18 Iomraidhean Croise

လံာ်တၢ်ကဲထီၣ်အခီၣ်ထံး 37:10

အဝဲတဲဘၣ်စ့ၢ်ကီးအပၢ်လၢအတၢ်မံမီၢ်န့ၣ်ဒီးအပၢ်သိၣ်ဃီၣ်အီၤ န့ၣ်လီၤ. “နမံမီၢ်တၢ်မနုၤတကလုာ်လဲၣ်. မ့ၢ်နဆိကမိၣ်လၢနမိၢ်, နဒီပုၢ်ဝဲၢ်ခွါတဖၣ်ဒီးယၤ, ပကဟဲဒီးသကူးလီၤပသးလၢနမဲာ်ညါန့ၣ်ဧါ.”

လံာ်တၢ်ကဲထီၣ်အခီၣ်ထံး 37:20

ဟဲခဲအံၤ, မ်ပမၤသံအီၤဒီးတ့ၢ်လီၤအီၤဆူထံပူၤလၢထံလီၤ သံးကွံာ်တဖၣ်အကျါတပူၤန့ၣ်တက့ၢ်. ပစံးသ့လၢဆၣ်ဖိကီၢ်ဖိ အအၢတဒုမၤသံကွံာ်အီၤလံ. အန့ၣ်ဒီးအတၢ်မံမီၢ်တဖၣ်ကကဲ ထီၣ်ဒ်လဲၣ်န့ၣ်ပကထံၣ်ဘၣ်လီၤ.”

လံာ်မးသဲ 27:29

တုၤနုၤတစုအဝဲသ့ၣ်မၤန့ၢ်အီၤလၢတၤဆှုၣ်အခိၣ်သလုးတဖျၢၣ်, ဒီးဒုးကၢၢ်ထီၣ်အီၤဝံၤ, ဟ့ၣ်ဒုးစိာ်အီၤတပိၢ်တဘိလၢအစုထွဲတခီန့ၣ်လီၤ. ဒီးအဝဲသ့ၣ်ချံးခီၣ်တီၤလီၤလၢ ယ့ၣ်ၡူးအမဲာ်ညါ, ဒီးဒုၣ်ဒွဲၣ်နံၤဘၣ်ဖၣ်လဲအီၤဒီးစံး, “ပဟ့ၣ်နၤတၢ်ယူးယီၣ် လီၤယူဒၤအစီၤပၤဧၢ.”

လံာ်မၢ်ကူး 15:17

အဝဲသ့ၣ်ဒုးကၤထီၣ်ယ့ၣ်ၡူးလၢဆ့ကၤလုးတကုာ်တဘ့ၣ်, ဝံၤမၤန့ၢ်ခိၣ်သလုးတၤဆှုၣ်တဖျၢၣ်ဒီးဒုးကုာ်ထီၣ်ဝဲလၢအခိၣ် လိၤလီၤ.

လံာ်မၢ်ကူး 15:19

အဝဲသ့ၣ်ဒိအခိၣ်လၢတပိၢ်ဘိ, ထူးပှဲာ်အလိၤ, ဒီးချံးခီၣ်တီၤလီၤလၢအမဲာ်ညါဒ်အယူးယီၣ်ဘၣ်အီၤ အသိးန့ၣ်လီၤ.

လံာ်မၢ်ကူး 15:2

စီၤပံၤလးသံကွၢ်ယ့ၣ်ၡူး, “နမ့ၢ်ပှၤယူဒၤဖိအစီၤပၤဧါ.” အဝဲဒၣ်စံးဆၢက့ၤအီၤ, “နစံးတ့ၢ်လံနဲလံ.”

လံာ်ယိၤဟၣ် 19:3

ဒီးဟဲဆူအအိၣ်ဒီးစံးဝဲ, “ပှၤယူဒၤဖိတဖၣ်အစီၤပၤဧၢ, မ်နအိၣ်ကၢအိၣ်ခိးတက့ၢ်” ဒီးအဝဲသ့ၣ်ဒဲအမဲာ်လီၤ.