လံာ်မၢ်ကူး 15:15 - Sgaw Karen Common Bible

¹⁵ စီၤပံၤလးသးအိၣ်လူၤဘၣ်ပှၤဂီၢ်မုၢ်အသးအဃိ, ပျၢ်ပူၤဖျဲးကွံာ်ဝဲစီၤဘၤရးဘါလၢအဝဲသ့ၣ်အဂီၢ်လီၤ. အန့ၣ်ဝံၤမၢပှၤဖျ့ယ့ၣ်ၡူးဆါဆါကလဲာ်, ဒီးဟ့ၣ်လီၤကွံာ်အီၤဆူပှၤသုးဖိတဖၣ်အစုပူၤလၢတၢ်ကပျၤ ထီအီၤလၢထူၣ်စုညါအလိၤအဂီၢ်န့ၣ်လီၤ.

လံာ်မၢ်ကူး 15:15 Iomraidhean Croise

စံးထီၣ်ပတြၢၤ 129:3

အဝဲသ့ၣ်ဂဲၤတၢ်လၢ ယချၢဃံဒီး အပူၤလီၢ်တဖၣ် ယိာ်ဝဲဒ်သိးပှၤထဲၣ်တၢ်လၢ စံာ်ပျီပူၤန့ၣ်လီၤ.

စံးထီၣ်ပတြၢၤ 57:11

ကစၢ်ယွၤဧၢ, မ်နဘၣ်တၢ်ပာ်ထီၣ်ထီနၤလၢမူခိၣ် ဒီးနလၤကပီၤလၢဟီၣ်ခိၣ်ဒီဘ့ၣ်ညါန့ၣ်တက့ၢ်.

တၢ်ကတိၤဒိ. 29:25

နသးမ့ၢ်စၢၢ်ဆၢဒၣ်ထဲလၢပှၤဂုၤပှၤဂၤတဖၣ်အတၢ်ဆိကမိၣ်လၢ နဖီခိၣ်န့ၣ်, မ့ၢ်တၢ်လီၤပျံၤဒိၣ်မးလီၤ. ဘၣ်ဆၣ်နမ့ၢ်နာ်ယွၤဒီးနကအိၣ်ခၢၣ် သနၢၣ်လီၤ.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်မးသဲ 20:19

ဒီးကဟ့ၣ်လီၤအီၤဆူပှၤကလုာ်ဂၤတဖၣ်အစုပူၤ, ဒ်သိးကဘၣ်တၢ်ဒုၣ်ဒွဲၣ်အီၤ, တၢ်တီၢ်အီၤ, ဒီးပျၤထီအီၤလၢထူၣ်စုညါအလိၤ, ဒီးသၢသီတသီန့ၣ်ကဘၣ်တၢ်မၤမူထီၣ်က့ၤအီၤလၢယွၤလီၤ.”

လံာ်မးသဲ 27:26

တုၤနုၤတစု, စီၤပံၤလးပျၢ်ပူၤဖျဲးန့ၢ်အဝဲသ့ၣ်လၢစီၤဘၤရးဘါဒီးမၢပှၤဖျ့ ယ့ၣ်ၡူးဝံၤအလီၢ်ခံ, ဟ့ၣ်လီၤကွံာ်အီၤဒ်သိးအကဘၣ်တၢ်ပျၤထီအီၤလၢထူၣ်စုညါအလိၤ အဂီၢ်န့ၣ်လီၤ.

လံာ်မၢ်ကူး 10:34

အန့ၣ်ဒီးပှၤကလုာ်ဂၤတဖၣ်ကကတိၤတရီတပါအီၤ, ကထူးပှဲာ်အီၤ, ကတီၢ်အီၤ, ဒီးကမၤသံကွံာ်အီၤ, ဘၣ်ဆၣ်ဒီးသၢသီတသီန့ၣ်ကဂဲၤဆၢထၢၣ်သမူထီၣ်က့ၤလီၤ.”

လံာ်မၢ်ကူး 15:14

စီၤပံၤလးသံကွၢ်အဝဲသ့ၣ်, “ဘၣ်မနုၤလဲၣ်, အဝဲမၤတ့ၢ်တၢ်အၢမနုၤတမံၤန့ၣ်လဲၣ်.” ဘၣ်ဆၣ်အဝဲသ့ၣ်ကိးပသူထီၣ်နးန့ၢ်အလီၢ်တက့ၢ်, “ပျၤထီအီၤလၢထူၣ်စုညါအလိၤတက့ၢ်.”

လံာ်လူၤကၣ် 18:33

အဝဲသ့ၣ်ကတီၢ်အီၤဖျ့အီၤဒီးမၤသံအီၤ, ဘၣ်ဆၣ်ဒီး ဖဲသၢသီတသီန့ၣ်, အဝဲဒၣ်ကဂဲၤဆၢထၢၣ်သမူထီၣ်က့ၤလီၤ.”

လံာ်လူၤကၣ် 23:16

လၢတၢ်န့ၣ်အဃိ, ယကပျဲပှၤတီၢ်အီၤဖျ့အီၤ, ဝံၤဒီးပျဲလီၤကွံာ်အီၤလီၤ.

လံာ်ယိၤဟၣ် 19:1

မၤသးဒ်န့ၣ်ဒီး, စီၤပံၤလးဟ့ၣ်လီၤကွံာ်ယ့ၣ်ၡူးလၢ တၢ်ကတီၢ်အီၤဖျ့အီၤအဂီၢ်န့ၣ်လီၤ.

လံာ်ယိၤဟၣ် 19:16

အန့ၣ်တစု, စီၤပံၤလးဟ့ၣ်လီၤယ့ၣ်ၡူးဆူအဝဲသ့ၣ်အစုပူၤ လၢတၢ်ကပျၤထီအီၤလၢထူၣ်စုညါအလိၤအဂီၢ်န့ၣ်လီၤ. မၤသးဒ်န့ၣ်ဒီး, အဝဲသ့ၣ်ဟံးန့ၢ်ယ့ၣ်ၡူးန့ၣ်လီၤ.

မၤတၢ် 24:27

ခံနံၣ်ဝံၤအလီၢ်ခံန့ၣ်, စီၤပီၤကံၤဖ့စတူးကဲထီၣ်က့ၤပဒိၣ်ဖးဒိၣ် လၢစီၤဖ့လံးအလီၢ်, ဒီးမ့ၢ်လၢစီၤဖ့လံးအဲၣ်ဒိးမၤအိၣ်အမဲာ် သၣ်လၢပှၤယူဒၤဖိတဖၣ်အဃိပာ်ဃာ်ဒံးစီၤပီလူးလၢဃိာ်ပူၤလီၤ.

မၤတၢ် 25:9

စီၤဖ့စတူးအဲၣ်ဒိးမၤအိၣ်အမဲာ်သၣ်လၢပှၤယူဒၤဖိ တဖၣ်သတးဒီး, အဝဲသံကွၢ်စီၤပီလူး, “မ့ၢ်နကသးဆူၣ်လဲၤဆူဝ့ၢ်ယရူၤၡလ့ၣ်ဒ်သိးနကဘၣ်တၢ် သမံသမိးနၤလၢယမဲာ်ညါဖဲန့ၣ်ကစီဒီဧါ.”

ကလၤတံ 1:19

ယတထံၣ်ပှၤတၢ်မၢဖိအဂၤနီတဂၤဘၣ်. ယထံၣ်ထဲ စီၤယၤကိာ်, လၢအမ့ၢ်ပကစၢ်ယ့ၣ်ၡူးခရံာ်အဒီပုၢ်ဝဲၢ်န့ၣ်လီၤ.

၁ ပ့းတရူး 2:24

ခရံာ်အကစၢ်ဒၣ်ဝဲစိာ်ထီၣ်ပတၢ်ဒဲးဘးတဖၣ်လၢအနီၢ်ခိ အပူၤဆူထူၣ်စုညါအလိၤ, ဒ်သိးပကသံကွံာ်လၢတၢ်ဒဲးဘးဒီးမူလၢတၢ်တီတၢ်လိၤ အဂီၢ်န့ၣ်လီၤ. ဒီးသုဘျါက့ၤလၢအဝဲဒၣ်ဘၣ်တီၢ်အပူၤလီၢ် တဖၣ်အဃိလီၤ (ၡါ ၅၃:၅).