လံာ်မၢ်ကူး 14:72 - Sgaw Karen Common Bible

⁷² တကီၢ်ခါဖဲန့ၣ်ဆီဖါကီၢ်အိၣ်အိထီၣ်ခံဘျီတဘျီ, ဒီးစီၤပ့းတရူးသ့ၣ်နီၣ်ထီၣ်က့ၤဝဲလၢယ့ၣ်ၡူးစံးဘၣ်တ့ၢ် အီၤ, “တချုးဆီဖါကီၢ်အိၣ်အိဒံးဘၣ်ခံဘျီန့ၣ်, နကသမၢယၤသၢဘျီန့ၣ်လီၤ.” ဒီးအသးဘၣ်ဒိဘၣ်ထံးဒီးဟီၣ်ဝဲလၢာ်သးလီၤ.

လံာ်မၢ်ကူး 14:72 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 24:10

ဘၣ်ဆၣ်ဒီးဖဲစီၤဒၤဝံး မၤတၢ်ဂံၢ်ဒီးတၢ်ကွဲးနီၣ်ကွဲးဃါအံၤဝံၤအလီၢ်ခံန့ၣ်, အဝဲအသးလၢအသ့ၣ်ညါဒၣ်တၢ်, စးထီၣ်ဘၣ်ဒိဘၣ်ထံးဝဲ, ဒီးအဝဲစံးဘၣ်ယွၤ, “ယမၤတ့ၢ်တၢ်ဒဲးဘးလီၤပျံၤလီၤဖုးတမံၤလၢယမၤတၢ်အံၤအဃိန့ၣ်လီၤ. ဝံသးစူၤပျၢ်ယတၢ်ကမၣ်တက့ၢ်. ယမၤယသးဒ်ပှၤအမၢးတဂၤအသိးန့ၣ်လီၤ.”

လံာ်ယဃ့းစက့လး 16:63

ယကပျၢ်တၢ်ကမၣ်တၢ်တဖၣ်လၢနမၤတ့ၢ်အီၤခဲလၢာ်, ဘၣ်ဆၣ်ဒီးနကသ့ၣ်နီၣ်တၢ်တဖၣ်န့ၣ်, ဒီးနကမဲာ်ဆှးကဲၣ်ဆိးလၢနကအဲးထီၣ်နထးခိၣ်အဂီၢ်န့ၣ်လီၤ.” ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယဃ့းစက့လး 36:31

သုကသ့ၣ်နီၣ်ထီၣ်က့ၤသုတၢ်မၤအအၢအသီဒီးတၢ်ကမၣ်တဖၣ်လၢ သုမၤဘၣ်တ့ၢ်အီၤဒီးသုကသးဘၣ်အၢလီၤက့ၤသုသးလၢသု တၢ်ဒဲးဘးတဖၣ်ဒီးသုတၢ်အၢတၢ်သီတဖၣ်အဃိန့ၣ်လီၤ.

လံာ်ယဃ့းစက့လး 7:16

ပှၤတနီၤနီၤကဃ့ၢ်ပူၤဖျဲးဆူကစၢၢ်ကလိတဖၣ်, ဒ်ထိၣ်လွံၢ်တဖၣ်ဘၣ်တၢ်မၤပျံၤမၤဖုးထီၣ်ကွံာ်အီၤလၢတၢ်တြီၤ တဖၣ်အပူၤအသိးန့ၣ်လီၤ. အဝဲသ့ၣ်ခဲလၢာ်ကဟီၣ်ကယၢၤဝဲလၢအတၢ်ဒဲးဘးတဖၣ်အဃိန့ၣ်လီၤ.

လံာ်မးသဲ 26:34

ယ့ၣ်ၡူးစံးဘၣ်စီၤပ့းတရူး, “ယစံးဘၣ်တဲဘၣ်နၤ, တနၤအံၤတချုးလၢဆီဖါကီၢ်အိၣ်အိထီၣ်န့ၣ်, နကသမၢဒီးစံးလၢနတသ့ၣ်ညါယၤဘၣ်န့ၣ်သၢဘျီလီၤ.”

လံာ်မၢ်ကူး 14:30

ယ့ၣ်ၡူးစံးဘၣ်စီၤပ့းတရူး, “ယစံးဘၣ်နၤသပှၢ်ကတၢၢ်, တနၤအံၤတချုးဆီဖါကီၢ်အိၣ်အိဒံးဘၣ်ခံဘျီန့ၣ်, နဲဒၣ်နကသမၢယၤသၢဘျီလၢနတသ့ၣ်ညါယၤဘၣ်န့ၣ်လီၤ.”

လံာ်မၢ်ကူး 14:68

ဘၣ်ဆၣ်ဒီးအဝဲဒၣ်သမၢတၢ်ဒီးစံးဝဲ, “တၢ်လၢနစံးန့ၣ်ယတသ့ၣ်ညါဒီးယတနၢ်ပၢၢ်ဘၣ်.” ဒီးစီၤပ့းတရူးဟးထီၣ်ကွံာ်လၢတၢ်လီၢ်လီၤပျီတကဝီၤန့ၣ် အပူၤဒီးလဲၤနုာ်ဝဲလၢကျဲတဘိလၢပှၤကဟးထီၣ်ဆူတၢ်ချၢ အဂီၢ်လီၤ. အကတီၢ်ဖဲန့ၣ်ဆီဖါတဘ့ၣ်အိၣ်အိထီၣ်ဝဲဒၣ်လီၤ.

လံာ်မၢ်ကူး 14:71

အန့ၣ်ဒီးစီၤပ့းတရူးဆိၣ်အၢလီၤအသးဒီးဆိၣ်လီၤစ့ၢ်ကီးအ သးဒီးစံးဝဲ, “ပှၤတဂၤလၢသုယၢၤထီၣ်အဂ့ၢ်ခဲအံၤန့ၣ်ယတသ့ၣ်ညါအီၤ လ့ၤတက့ၤဘၣ်.”

လံာ်လူၤကၣ် 22:60

ဘၣ်ဆၣ်ဒီးစီၤပ့းတရူးစံးဆၢဝဲ, “ပှၤတဂၤဧၢ, နတဲတၢ်မနုၤလဲၣ်န့ၣ်ယတသ့ၣ်ညါဘၣ်.” တဘျီဃီဖဲအဝဲဒၣ်ကတိၤဒံးတၢ်အဖၢမုၢ်န့ၣ်, ဆီဖါကီၢ်တဘ့ၣ်အိၣ်အိထီၣ်ဝဲန့ၣ်လီၤ.

လံာ်လူၤကၣ် 22:62

စီၤပ့းတရူးဟးထီၣ်, ဒီးဟီၣ်ဝဲဒၣ်နးနးကလဲာ်လီၤ.

၂ ကရံၣ်သူး 7:10

အဂ့ၢ်ဒ်အံၤ, တၢ်သးအုးလၢအဘၣ်တၢ်သူအီၤလၢကစၢ် ယွၤန့ၣ်, ဒုးအိၣ်ထီၣ်တၢ်လဲလိာ်သးလၢအဆှၢပှၤဆူတၢ်အုၣ်က့ၤ ခီၣ်က့ၤဒီးလၢအဝဲန့ၣ်အပူၤ တၢ်သးအုးလၢအဃိတအိၣ်နီ တမံၤဘၣ်. မ့မ့ၢ်တၢ်သးအုးလၢအဘၣ်ထွဲဒၣ်ဒီးပှၤဟီၣ်ခိၣ်ဖိ ဧိၤန့ၣ်, ဒုးအိၣ်ထီၣ်တၢ်သံတၢ်ပှၢ်လီၤ.