လံာ်မၢ်ကူး 14:70 - Sgaw Karen Common Bible

⁷⁰ ဘၣ်ဆၣ်ဒီးစီၤပ့းတရူးသမၢကဒီးဝဲလီၤ. လၢခံတစဲးဖိကဒီးန့ၣ် ပှၤအိၣ်ဆၢထၢၣ်ဖဲတၢ်ကပၤတဖၣ်စံးဘၣ် စီၤပ့းတရူး, “နမ့ၢ်ပှၤတဂၤလၢပှၤတဖၣ်န့ၣ်အကျါအနီၢ်ကီၢ်လီၤ. ဘၣ်မနုၤလဲၣ်န့ၣ်, နမ့ၢ်နဲပှၤကီၢ်ကၤလံၤလါဖိလီၤ.”

လံာ်မၢ်ကူး 14:70 Iomraidhean Croise

လံာ်မၢ်ကူး 14:68

ဘၣ်ဆၣ်ဒီးအဝဲဒၣ်သမၢတၢ်ဒီးစံးဝဲ, “တၢ်လၢနစံးန့ၣ်ယတသ့ၣ်ညါဒီးယတနၢ်ပၢၢ်ဘၣ်.” ဒီးစီၤပ့းတရူးဟးထီၣ်ကွံာ်လၢတၢ်လီၢ်လီၤပျီတကဝီၤန့ၣ် အပူၤဒီးလဲၤနုာ်ဝဲလၢကျဲတဘိလၢပှၤကဟးထီၣ်ဆူတၢ်ချၢ အဂီၢ်လီၤ. အကတီၢ်ဖဲန့ၣ်ဆီဖါတဘ့ၣ်အိၣ်အိထီၣ်ဝဲဒၣ်လီၤ.

လံာ်မၢ်ကူး 14:69

တၢ်ခ့တၢ်ပှၤပိာ်မုၣ်န့ၣ်ထံၣ်အီၤဖဲန့ၣ်ဒီးကတိၤထီၣ်ကဒီးတၢ် ဒီးစံးဘၣ်ပှၤဆၢထၢၣ်ဖဲတၢ်ကပၤတဖၣ်, “ပှၤအံၤမ့ၢ်ပှၤတဂၤလၢပှၤတဖၣ်န့ၣ်အကျါလီၤ.”

လံာ်မၢ်ကူး 14:71

အန့ၣ်ဒီးစီၤပ့းတရူးဆိၣ်အၢလီၤအသးဒီးဆိၣ်လီၤစ့ၢ်ကီးအ သးဒီးစံးဝဲ, “ပှၤတဂၤလၢသုယၢၤထီၣ်အဂ့ၢ်ခဲအံၤန့ၣ်ယတသ့ၣ်ညါအီၤ လ့ၤတက့ၤဘၣ်.”

မၤတၢ် 2:7

အဝဲသ့ၣ်တဖၣ်တၢ်လီၤကမၢကမၣ်ဒီးတၢ်လီၤလးဘၣ်အီၤဒိၣ်ဒိၣ် ကလဲာ်ဒီးစံး, “ပှၤတဖၣ်အံၤလၢအကတိၤတၢ်န့ၣ်, မ့ၢ်ဒၣ်ပှၤကီၢ်ကၤလံၤလါဖိလီၤ, တမ့ၢ်ဘၣ်ဧါ.

လံာ်ပှၤစံၣ်ညီၣ်ကွီၢ် 12:6

အဝဲသ့ၣ်စံးဘၣ်အီၤလၢကတဲ, “ၡံးဘိၤလ့း” န့ၣ်လီၤ. ဘၣ်ဆၣ်အဝဲစံး, “စံးဘိၤလ့း” မ့ၢ်လၢအဝဲသ့ၣ်ကိးတၢ် ကတိၤန့ၣ်တကျါဘၣ်. တုၤနုၤတစု, အဝဲသ့ၣ်ဖီၣ်အီၤဒီးမၤသံ ကွံာ်အီၤဖဲတၢ်ခီဂာ်ထံကျိယၢ်ဒ့ၣ်အလီၢ်တတီၤန့ၣ်လီၤ. အကတီၢ်ဖဲန့ၣ်ပှၤအ့ဖရဲၣ်ဖိတဖၣ်ဘၣ်တၢ်မၤသံကွံာ်အီၤအဂၤလွံၢ် ကလးခံကထိန့ၣ်လီၤ.