လံာ်မၢ်ကူး 14:7 - Sgaw Karen Common Bible

⁷ ပှၤဖှီၣ်ဖိတဖၣ်အိၣ်လၢသုသိးသုကျါထီဘိ, ဒီးတဘျီလၢ်လၢ်ဖဲသုအဲၣ်ဒိးမၤစၢၤအဝဲသ့ၣ်န့ၣ်, သုမၤစၢၤသ့လီၤ. မ့မ့ၢ်ယဲဒၣ်ယတအိၣ်ဒီးသုထီဘိဘၣ်.

လံာ်မၢ်ကူး 14:7 Iomraidhean Croise

လံာ်မးသဲ 26:11

ပှၤဖှီၣ်ဖိယာ်ဖိတဖၣ်ကအိၣ်လၢသုသိးသုကျါထီဘိလီၤ. မ့မ့ၢ်ယဲဒၣ်အံၤယတအိၣ်ဒီးသုထီဘိဘၣ်.

လံာ်မၢ်ကူး 14:6

မ့မ့ၢ်ယ့ၣ်ၡူးစံးဝဲ, “ကတိၤအီၤနီတမံၤတဂ့ၤ. ဘၣ်မနုၤသုဘၣ်မၤတံာ်တာ်အီၤလဲၣ်. တၢ်လၢအဝဲဒၣ်မၤ ဘၣ်ယၤအံၤမ့ၢ်တၢ်လၢအဃံလၤဂ့ၤမးလီၤ.

လံာ်ယိၤဟၣ် 13:33

ယဖိယလံၤသ့ၣ်ဧၢ, ယတအိၣ်ဒီးသုယံာ်ယံာ်လၢၤဘၣ်. သုကဃုယၤဘၣ်ဆၣ်ဒီးဒ်ယစံးဘၣ်တ့ၢ်ပှၤယူဒၤဖိအခိၣ် အနၢ်တဖၣ်အသိးန့ၣ်, ယစံးဘၣ်တဲဘၣ်သုခဲကနံၣ်အံၤ, ‘တၢ်လီၢ်လၢယလဲၤန့ၣ်သုလဲၤတသ့ဘၣ်.’

လံာ်ယိၤဟၣ် 16:28

ယဟဲတ့ၢ်လၢပၢ်အအိၣ်, ဒီးယဟဲနုာ်လီၤဆူဟီၣ်ခိၣ်ချၢအံၤ လီၤ. ဒီးခဲအံၤယကဟးထီၣ်ကွံာ်လၢဟီၣ်ခိၣ်အံၤဒီးလဲၤ ဆူပၢ်အအိၣ်န့ၣ်လီၤ.”

လံာ်ယိၤဟၣ် 16:5

ဘၣ်ဆၣ်ဒီးခဲအံၤယကလဲၤဆူပှၤလၢအမၢလီၤတ့ၢ်ယၤတဂၤ အအိၣ်လီၤ. သနာ်က့သုတသံကွၢ်ယၤလၢမ့ၢ်ယကလဲၤဆူလဲၣ်, နီတဂၤဒံးဘၣ်.

လံာ်ယိၤဟၣ် 17:11

ဒီးခဲအံၤယကက့ၤဆူနအိၣ်လီၤ. တယံာ်ဘၣ်ဒီးယတအိၣ်လၢဟီၣ်ခိၣ်ချၢအံၤလၢၤဘၣ်. ဘၣ်ဆၣ်ဒီးအဝဲသ့ၣ်အိၣ်ဒံးလၢဟီၣ်ခိၣ်ချၢန့ၣ်လီၤ. ပၢ်စီဆှံဧၢ, ပှၤလၢနဟ့ၣ်လီၤယၤတဖၣ်န့ၣ်, ဒ်သိးအကမ့ၢ်တၢ်တမံၤ ဃီဒ်နၤဒီးယၤပမ့ၢ်တၢ်တမံၤဃီအသိးန့ၣ်ဒီး, အံးကွၢ်ကဟု ကယာ်က့ၤအီၤလၢနမံၤ, မံၤလၢနဟ့ၣ်ယၤအစိကမီၤ အပူၤန့ၣ်တက့ၢ်.

မၤတၢ် 3:21

အဝဲဒၣ်ကဘၣ်အိၣ်ဝဲလၢမူခိၣ်တုၤလီၤလၢအကတီၢ်ဖဲယွၤမၤ က့ၤတၢ်အသီခဲလၢာ်တစု, ဒ်ကစၢ်ယွၤဘိးဘၣ်သ့ၣ်ညါဆိပာ်စၢၤခီဖျိဝံစီဆှံလၢပျၢၤ တဖၣ်န့ၣ်လီၤ.

လံာ်သိၣ်လီၤသီလီၤတၢ် 15:11

ပှၤအံၣ်စရ့လးဖိလၢအဖှီၣ်ဝဲယာ်ဝဲဒီးလိၣ်ဘၣ်တၢ်မၤစၢၤန့ၣ် ကအိၣ်ဒၣ်ထီဘိန့ၣ်လီၤ. ဒီးလၢတၢ်န့ၣ်အဃိယမၤလိာ်သုလၢသုကဟ့ၣ်ညီတၢ်ဆူအဝဲသ့ၣ်န့ၣ်လီၤ.

ဖံၤလ့မိၣ် 1:7

ယဒီပုၢ်ဝဲၢ်သးဘိဧၢ, နတၢ်အဲၣ်ဟဲစိာ်န့ၢ်ယၤတၢ်သးခုဒီးဟ့ၣ်ဆူၣ်ထီၣ်ယသးဒိၣ်ဒိၣ် အါအါလီၤ. အဂ့ၢ်ဒ်အံၤနမၤမုာ်တ့ၢ်လံပှၤစီဆှံခဲလၢာ်အသးလီၤ.