လံာ်မၢ်ကူး 14:65 - Sgaw Karen Common Bible

⁶⁵ ထဲန့ၣ်ဒီး, ပှၤတနီၤထူးပှဲာ်ယ့ၣ်ၡူးဒီးမၤဘၢအမဲာ်ဒီးထိအီၤလီၤ. ဒီးစံးဘၣ်အီၤ, “တယာ်ဒီးတဲတဘီ, မ့ၢ်မတၤထိနၤလဲၣ်.” ဒီးပှၤပၢၤတၢ်ဖိတဖၣ်ဒဲအီၤလီၤ.

လံာ်မၢ်ကူး 14:65 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 18:23

အန့ၣ်ဒီးဝံစံးဒကံယၤလဲၤဃီၤဆူစီၤမံၤကါယၤအအိၣ်, ဒဲဝဲအမဲာ်, ဒီးသံကွၢ်ဝဲ, “ယွၤအသးဟးဖးဒီးယၤဒီးကတိၤတၢ်ဒီးနၤ, စးထီၣ်အခါဖဲလဲၣ်.”

လံာ်နီၢ်အ့ၤစတၢ် 7:8

အဝဲထိၣ်လီၤပှီၤဃီၤအသးလၢနီၢ်အ့ၤစတၢ်အလီၢ်မံခးအဖီခိၣ်, ဒ်သိးကဃ့ကညးအီၤလၢတၢ်သးကညီၤအဂီၢ်, ဖဲစီၤပၤဟဲက့ၤကဒါက့ၤဆူဒၢးပူၤလၢတၤသၣ်လီၢ်အခါန့ၣ်လီၤ. တုၤအဝဲထံၣ်တၢ်မၤအသးအံၤဒီး, စီၤပၤထုထီၣ်အကလုၢ်, “မ့ၢ်ပှၤတဂၤအံၤသါကမၤတရီတပါနီၢ်ပၤမုၣ်ဖဲအံၤလၢယမဲာ်ညါ, လၢယနီဒၣ်ယဲအပူၤန့ၣ်ဧါ.” စီၤပၤစံးတၢ်အံၤဝံၤတဘျီဃီ, ပှၤဒ့ဒံၣ်ဖိတဖၣ်ကျၢၢ်ဘၢစီၤဟၤမၣ်အခိၣ်န့ၣ်လီၤ.

လံာ်စီၤယိၤဘး 30:10

အဝဲသ့ၣ်ပာ်ယၤဒ် တၢ်လီၤသးဘၣ်အၢ အလီၢ်န့ၣ်လီၤ. အဝဲသ့ၣ် ဆိကမိၣ်ဝဲလၢ အဂ့ၤကဲာ်ဆိးလၢ ယဂီၢ်, ဒီးဟဲဒီးထူးပှဲာ်ယမဲာ်ဒၣ်လဲာ်န့ၣ်လီၤ.

လံာ်ယၡါယၤ 50:6

ယဒီလီၤန့ၢ်ပှၤလၢအတီၢ်ယၤတဖၣ်လၢယချၢဃံလီၤ. ဖဲအဝဲသ့ၣ်ဒုၣ်ဒွဲၣ်ယၤမ့ၢ်ဂ့ၤ, ထဲးထီၣ်ကွံာ်ယခၣ်ဆူၣ်တဖၣ်မ့ၢ် ဂ့ၤ, ထူးပှဲာ်ယၤလၢယမဲာ်သၣ်ပူၤမ့ၢ်ဂ့ၤန့ၣ်, ယတတြီဘၣ်အဝဲသ့ၣ်ဘၣ်.

လံာ်ယၡါယၤ 52:14

ပှၤအါဂၤကဖုးသံပျီၢ်ဂီၤဖဲအထံၣ်ဘၣ်အီၤအဆၢကတီၢ်န့ၣ်လီၤ. အဝဲဒၣ်အက့ၢ်အဂီၤဘၣ်ဒိဘၣ်ထံးလီၤသဘှံးတုၤဒၣ်လဲာ် နကွၢ်အီၤတလီၤဂာ်ဒီးပှၤကညီတဂၤလၢၤဘၣ်န့ၣ်လီၤ.

လံာ်ယၡါယၤ 53:3

ပသးဘၣ်အၢအီၤဒီးပညိကွံာ်အီၤလီၤ. အဝဲတူၢ်ဘၣ်တၢ်နးတၢ်ဖှီၣ်ဒီးတၢ်ဆူးတၢ်ဆါန့ၣ်လီၤ. ပှၤတကွၢ်ဃီၤအီၤဒၣ်လဲာ်နီတဂၤဘၣ်. ပကွၢ်ကပာ်ကွံာ်အီၤဒ်အဝဲတမ့ၢ်တၢ်နီတမံၤဘၣ်အသိးန့ၣ်လီၤ.

လံာ်မံကၤ 5:1

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, ပာ်ဖှိၣ်ထီၣ်သုသုးမုၢ်သံၣ်ဘိတဖၣ်တက့ၢ်. ဒုၣ်ဒါကဝီၤန့ၢ်ပှၤလံ. အဝဲသ့ၣ်တီၢ်လံကီၢ်အံၣ်စရ့လးအပဒိၣ်တဂၤအဘိးပၤလၢနီၢ်တီၢ်လံ.”

လံာ်တၢ်ဂံၢ် 12:14

ယွၤစံးဆၢအီၤ, “အဝဲအပၢ်မ့ၢ်ထူးပှဲာ်ဆူအမဲာ်သၣ်ပူၤဒီး အဝဲကဘၣ်ဒိးအတၢ်မဲာ်ဆှးအံၤနွံသီန့ၣ်လီၤ. မၤသးဒ်န့ၣ်ဒီး, နီၣ်ထီၣ်ကွံာ်အီၤဆူသူၣ်ဒဲလီၢ်အချၢတနွံတ က့ၢ်. အန့ၣ်ဝံၤဒီး, အဝဲဘၣ်တၢ်ကိးကဒါက့ၤအီၤသ့န့ၣ်လီၤ.”

လံာ်မးသဲ 27:30

အဝဲသ့ၣ်ထူးပှဲာ်ယ့ၣ်ၡူးဒီးဟံးန့ၢ်တပိၢ်တဘိဒီးဒိအခိၣ် လီၤ.

လံာ်မၢ်ကူး 10:34

အန့ၣ်ဒီးပှၤကလုာ်ဂၤတဖၣ်ကကတိၤတရီတပါအီၤ, ကထူးပှဲာ်အီၤ, ကတီၢ်အီၤ, ဒီးကမၤသံကွံာ်အီၤ, ဘၣ်ဆၣ်ဒီးသၢသီတသီန့ၣ်ကဂဲၤဆၢထၢၣ်သမူထီၣ်က့ၤလီၤ.”

လံာ်မၢ်ကူး 15:19

အဝဲသ့ၣ်ဒိအခိၣ်လၢတပိၢ်ဘိ, ထူးပှဲာ်အလိၤ, ဒီးချံးခီၣ်တီၤလီၤလၢအမဲာ်ညါဒ်အယူးယီၣ်ဘၣ်အီၤ အသိးန့ၣ်လီၤ.

လံာ်ယိၤဟၣ် 18:22

တုၤယ့ၣ်ၡူးစံးတၢ်ဒ်အံၤဒီး, ပှၤပၢၤတၢ်လုၢ်ဟံၣ်အကျါတဂၤဒဲယ့ၣ်ၡူးအမဲာ်ဒီးစံးဝဲ, “ဘၣ်မနုၤအဃိနကတိၤဆၢပှၤလုၢ်တၢ်အခိၣ်အဒိၣ် ကတၢၢ်ဒ်အံၤန့ၣ်လဲၣ်.”

လံာ်ယိၤဟၣ် 19:3

ဒီးဟဲဆူအအိၣ်ဒီးစံးဝဲ, “ပှၤယူဒၤဖိတဖၣ်အစီၤပၤဧၢ, မ်နအိၣ်ကၢအိၣ်ခိးတက့ၢ်” ဒီးအဝဲသ့ၣ်ဒဲအမဲာ်လီၤ.

မၤတၢ် 23:2

ပှၤလုၢ်တၢ်အခိၣ်အဒိၣ်ကတၢၢ်စီၤအနၤနံဟ့ၣ်လီၤအကလုၢ် လၢပှၤအိၣ်ဆၢထၢၣ်ဘူးဒီးစီၤပီလူးတဖၣ်ကတီၢ်အကိာ် ပူၤလီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.