လံာ်မၢ်ကူး 14:62 - Sgaw Karen Common Bible

⁶² ယ့ၣ်ၡူးစံးဆၢက့ၤအီၤ, “ယမ့ၢ်အဝဲလီၤ. ဒီးသုကထံၣ်ဘၣ်ပှၤကညီဖိခွါအံၤအိၣ်ဆ့ၣ်နီၤလၢတၢ်သ့တၢ်လၢာ် တဂၤအစုထွဲဒီးသုကထံၣ်အဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မၢ်ကူး 14:62 Iomraidhean Croise

စံးထီၣ်ပတြၢၤ 110:1

ယွၤစံးဘၣ်ယကစၢ်စီၤပၤ, “ဆ့ၣ်နီၤလၢယစုထွဲ တုၤယပာ်နဒုၣ်နဒါတဖၣ်လၢ နခီၣ်ယီၢ်လီၢ်န့ၣ်တက့ၢ်.

လံာ်မးသဲ 24:30

တုၤနုၤတစု, ပှၤကညီဖိခွါအတၢ်ပနီၣ်ကဟဲအိၣ်ဖျါထီၣ်လၢမူ ခိၣ်, ဒီးပှၤကလုာ်ခဲလၢာ်လၢဟီၣ်ခိၣ်ချၢအံၤကဟီၣ်ကယၢၤတၢ်, ဖဲအထံၣ်ဘၣ်ပှၤကညီဖိခွါဟဲဝဲလၢတၢ်အၢၣ်လၢမူကပိာ်လိၤ အိၣ်ဒီးအစိအကမီၤဒီးအလၤအကပီၤဒိၣ်ဒိၣ်မုၢ်မုၢ်လီၤ.

လံာ်မးသဲ 26:64

ယ့ၣ်ၡူးစံးဆၢအီၤ, “နစံးတ့ၢ်လံနဲလံ. မ့မ့ၢ်ယတဲဘၣ်သုခဲလၢာ် လၢစးထီၣ်ခဲအံၤဒီးဆူညါသုကထံၣ်ပှၤကညီဖိခွါဆ့ၣ်နီၤလၢတၢ် သ့တၢ်လၢာ်တဂၤအစုထွဲဒီးဟဲဒိးဝဲမူခိၣ်အတၢ်အၢၣ်တဖၣ်လီၤ.”

လံာ်မးသဲ 27:11

ယ့ၣ်ၡူးအိၣ်ဆၢထၢၣ်လၢပှၤရိမ့ၤဖိအပဒိၣ်ဖးဒိၣ်အမဲာ်ညါ, ဒီးပဒိၣ်ဖးဒိၣ်သမံသမိးအီၤဒီးစံး, “နမ့ၢ်ပှၤယူဒၤဖိ အစီၤပၤဧါ.” ယ့ၣ်ၡူးစံးဆၢအီၤ, “နစံးတ့ၢ်လံနဲလံ.”

လံာ်မၢ်ကူး 13:26

တုၤနုၤတစုပှၤကထံၣ်ဘၣ်ပှၤကညီဖိခွါဟဲလီၤဝဲလၢတၢ် အၢၣ်တဖၣ်အကျါ, အိၣ်ဒီးတၢ်စိဒိၣ်ကမီၤဒိၣ်ဒီးတၢ်လၤ တၢ်ကပီၤန့ၣ်လီၤ.

လံာ်မၢ်ကူး 15:2

စီၤပံၤလးသံကွၢ်ယ့ၣ်ၡူး, “နမ့ၢ်ပှၤယူဒၤဖိအစီၤပၤဧါ.” အဝဲဒၣ်စံးဆၢက့ၤအီၤ, “နစံးတ့ၢ်လံနဲလံ.”

လံာ်မၢ်ကူး 16:19

ကစၢ်ယ့ၣ်ၡူးစံးကတိၤတၢ်ဒီးအဝဲသ့ၣ်ဝံၤအလီၢ်ခံ, အဝဲဒၣ်ဘၣ်တၢ်ဟံးထီၣ်အီၤဆူမူခိၣ်, ဒီးဆ့ၣ်နီၤဝဲလၢကစၢ်ယွၤအစုထွဲတခီလီၤ.

လံာ်လူၤကၣ် 22:69

ဘၣ်ဆၣ်ဒီးစးထီၣ်ခဲကနံၣ်အံၤဒီးဆူညါန့ၣ်, ပှၤကညီဖိခွါအံၤကဘၣ်တၢ်ဒုးဆ့ၣ်နီၤအီၤဖဲ ကစၢ်ယွၤသ့တၢ်လၢာ်တဂၤအစုထွဲတကပၤလီၤ.”

လံာ်လူၤကၣ် 23:3

စီၤပံၤလးသံကွၢ်အီၤ, “နမ့ၢ်နဲပှၤယူဒၤဖိအစီၤပၤတဂၤန့ၣ်ဧါ.” ယ့ၣ်ၡူးစံးဆၢဝဲ, “နစံးတ့ၢ်လံနဲလံ.”

ဧ့ၤဘြံၤ 1:3

အဝဲလီၣ်ဖျါထီၣ်န့ၢ်ပှၤလၢကစၢ်ယွၤအလၤကပီၤဒီးစိာ်မူ ဝဲကစၢ်ယွၤအက့ၢ်အဂီၤအန့ဆၢၣ်လီၤတံၢ်လီၤဆဲးဒီးဟံး ဃာ်ပၢၤဃာ်ဟီၣ်ခိၣ်မူခိၣ်လၢအကလုၢ်အစိအကမီၤလီၤ. တုၤအမၤကဆှီထီၣ်ပှၤလၢပတၢ်ဒဲးဘးလၢအကစၢ် ဒၣ်ဝဲဝံၤဒီး, ဆ့ၣ်နီၤဝဲလၢတၢ်စိဒိၣ်ကမီၤထီကစၢ်ယွၤ အစုထွဲတခီလီၤ.

ဧ့ၤဘြံၤ 12:2

ပှၤလၢအဒုးအိၣ်ထီၣ်သီဒီးမၤလၢထီၣ်ပှဲၤထီၣ်ပတၢ်စူၢ်တၢ်နာ်, ယ့ၣ်ၡူးတဂၤန့ၣ် မ်ပကွၢ်ဃီၤတၢ်ဆူအအိၣ်တက့ၢ်. မ့ၢ်လၢတၢ်သးခုအိၣ်ပာ်စၢၤလၢအမဲာ်ညါအဃိ, အဝဲဒၣ်ဒိးထူၣ်စုညါဒီးတၢ်ဘၣ်သံလၢထူၣ်စုညါအလိၤ အတၢ်မဲာ်ဆှးန့ၣ်တပာ်ဘၣ်ဝဲလၢတၢ်နီတမံၤဘၣ်, ဒီးဆ့ၣ်နီၤဝဲလၢကစၢ်ယွၤအလီၢ်ပစိာ်အစုထွဲတခီန့ၣ်လီၤ.

ဧ့ၤဘြံၤ 8:1

တၢ်လၢပစံးကတိၤခဲလၢာ်အဂ့ၢ်မိၢ်ပှၢ်မ့ၢ်တၢ်အံၤလီၤ. ပအိၣ်ဒီးပှၤလုၢ်တၢ်အခိၣ်အဒိၣ်ကတၢၢ်ဒ်သိးအံၤလၢအဆ့ၣ်နီၤဝဲ လၢယွၤလၢအလီၤကဟုကညီၢ်တဂၤအလီၢ်ပစိာ်အစုထွဲလၢ မူခိၣ်န့ၣ်လီၤ.

ဧ့ၤဘြံၤ 8:10

အအံၤမ့ၢ်တၢ်အၢၣ်လီၤအီလီၤလၢ ယကမၤဒီးအံၣ်စရ့လးအပှၤဂီၢ်မုၢ် လၢမုၢ်နံၤတဖၣ်န့ၣ်အလီၢ်ခံ, ကစၢ်စံးဝဲဒၣ်, ယကတ့ၢ်နုာ်ယတၢ်သိၣ်တၢ်သီတဖၣ်လၢ အဝဲသ့ၣ်အတၢ်ဆိကမိၣ်အပူၤ ယကကွဲးလီၤအီၤလၢအဝဲသ့ၣ်အသးအလိၤ, ဒီးယကမ့ၢ်အဝဲသ့ၣ်အကစၢ်ယွၤ, ဒီးအဝဲသ့ၣ်ကမ့ၢ်ယပှၤဂီၢ်မုၢ်လီၤ.

၂ ပ့းတရူး 1:16

လၢပတၢ်ဒုးသ့ၣ်ညါသုပကစၢ်ယ့ၣ်ၡူးခရံာ်အတၢ်ဟဲလၢ အလီၤဘီလီၤမုၢ်အဂ့ၢ်အံၤန့ၣ်, တမ့ၢ်ပသန့ၤပသးလၢပူတဖၣ်လၢပှၤကညီဒုးကဲထီၣ်အီၤ န့ၣ်ဘၣ်. မ့မ့ၢ်ပထံၣ်ဘၣ်အတၢ်ဒိၣ်တၢ်မုၢ်လၢပမဲာ်ချံဒၣ်ပဝဲန့ၣ်လီၤ.

လံာ်လီၣ်ဖျါ 1:7

ကွၢ်ကွၢ်အဝဲဒၣ်ဟဲဝဲလၢတၢ်အၢၣ်တဖၣ်အဖီခိၣ်လီၤ. ပှၤကိးဂၤဒဲးဃုာ်ဒီးပှၤလၢအဆဲးဖျိဒီးမၤသံအီၤ တဖၣ်ကထံၣ်ဘၣ်အီၤလီၤ. ပှၤလၢဟီၣ်ခိၣ်ချၢကိးကလုာ်ဒဲး ကဟီၣ်ကယၢၤလၢအဝဲဒၣ်အဃိန့ၣ်လီၤ. မ်တၢ်ကမၤဒၣ်ဝဲအသးဒ်န့ၣ်အသိးတက့ၢ်.

လံာ်လီၣ်ဖျါ 20:11

အန့ၣ်ဝံၤဒီးယထံၣ်လီၢ်ပစိာ်ဝါဖးဒိၣ်တဖျၢၣ်ဒီးပှၤ တဂၤလၢအဆ့ၣ်နီၤလၢအလိၤန့ၣ်လီၤ. မူခိၣ်ဒီးဟီၣ်ခိၣ်ဃ့ၢ်ကွံာ်လၢအဝဲဒၣ်အမဲာ်ညါဒီးတဘၣ် တၢ်ထံၣ်န့ၢ်အီၤနီတစုလၢၤဘၣ်.