လံာ်မၢ်ကူး 14:6 - Sgaw Karen Common Bible

⁶ မ့မ့ၢ်ယ့ၣ်ၡူးစံးဝဲ, “ကတိၤအီၤနီတမံၤတဂ့ၤ. ဘၣ်မနုၤသုဘၣ်မၤတံာ်တာ်အီၤလဲၣ်. တၢ်လၢအဝဲဒၣ်မၤ ဘၣ်ယၤအံၤမ့ၢ်တၢ်လၢအဃံလၤဂ့ၤမးလီၤ.

လံာ်မၢ်ကူး 14:6 Iomraidhean Croise

လံာ်ယၡါယၤ 54:17

ဘၣ်ဆၣ်ဒီး, စုကဝဲၤမၤဘၣ်ဒိဘၣ်ထံးနၤတသ့ နီတခါခါဘၣ်. နကအိၣ်ဒီးတၢ်စံးဆၢတမံၤလၢပှၤလၢအပာ်တၢ်ကမၣ်လၢနလိၤ ကိးဂၤဒဲးအဂီၢ်လီၤ. ယကကဟုကယာ်ယခ့ယပှၤတဖၣ် ဒီးဟ့ၣ်အဝဲသ့ၣ်တၢ်မၤနၢၤလီၤ.” ယွၤစံးတ့ၢ်လံဝဲလံ.

လံာ်မးသဲ 26:10

ယ့ၣ်ၡူးသ့ၣ်ညါတၢ်လၢအဝဲသ့ၣ်စံးလိာ်အသးဒီးတဲဘၣ်အဝဲသ့ၣ်, “ဘၣ်မနုၤလၢသုမၤတံာ်တာ်ပိာ်မုၣ်အံၤလဲၣ်. တၢ်လၢအဝဲမၤဘၣ်ယၤအံၤ မ့ၢ်တၢ်မၤလၢအဂ့ၤဒီးဃံလၤမးတမံၤလီၤ.

လံာ်မၢ်ကူး 14:5

သိနၢမူဒ်အံၤပှၤမ့ၢ်ဆါလီၤဒီးကန့ၢ်စ့ဒန့ၤရံအဘ့ၣ်သၢကယၤ ဒီးစ့န့ၣ်တၢ်ဟ့ၣ်လီၤပှၤလၢအဖှီၣ်သ့လီၤ. ဒီးအဝဲသ့ၣ်ကတိၤအ့ၣ်လိာ်ပိာ်မုၣ်န့ၣ်ဆါဆါကလဲာ်လီၤ.”

လံာ်မၢ်ကူး 14:7

ပှၤဖှီၣ်ဖိတဖၣ်အိၣ်လၢသုသိးသုကျါထီဘိ, ဒီးတဘျီလၢ်လၢ်ဖဲသုအဲၣ်ဒိးမၤစၢၤအဝဲသ့ၣ်န့ၣ်, သုမၤစၢၤသ့လီၤ. မ့မ့ၢ်ယဲဒၣ်ယတအိၣ်ဒီးသုထီဘိဘၣ်.

မၤတၢ် 9:36

ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

၂ ကရံၣ်သူး 10:18

အဂ့ၢ်ဒ်အံၤ, ပှၤတဂၤဘၣ်တၢ်ဘၣ်သူၣ်ဘၣ်သးအီၤဖဲကစၢ်ဆိ ကမိၣ်ဂ့ၤအီၤဒီးတမ့ၢ်ဖဲအဆိကမိၣ်ဂ့ၤလီၤအသးဒၣ်ဝဲအခါ န့ၣ်ဘၣ်လီၤ.

၂ ကရံၣ်သူး 9:8

ဒီးကစၢ်ယွၤအိၣ်ဒီးတၢ်သ့တၢ်ဘၣ်လၢအကဟ့ၣ်သုတၢ် အါန့ၢ်တၢ်လၢသုလိၣ်ဘၣ်သုဝဲ, ဒ်သိးထီဘိန့ၣ်သုကအိၣ်ဒီးတၢ်ခဲလၢာ်လၢသုလိၣ်ဘၣ်လၢ သုနီၢ်ကစၢ်ဒၣ်သုဝဲအဂီၢ်ဒီးအါန့ၢ်တၢ်လၢအလိၣ်လၢတၢ်မၤဂ့ၤ တမံၤလၢ်လၢ်အဂီၢ်န့ၣ်လီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၂ သ့းစၤလနံ 2:17

ဟ့ၣ်သုတၢ်သူၣ်ဒူသးဒူဒီးဟ့ၣ်ဂံၢ်ဟ့ၣ်ဘါသုလၢ သုကမၤဒီးစံးကတိၤတၢ်လၢအဂ့ၤအဘၣ်ထီဘိန့ၣ်တက့ၢ်.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

၁ တံၤမသ့း 6:18

မၤလိာ်အဝဲသ့ၣ်လၢကမၤတၢ်ဂ့ၤ, ကထူးထီၣ်တီၤထီၣ်လၢတၢ်မၤဂ့ၤ တဖၣ်, ကဟ့ၣ်ညီတၢ်ဒီးအိၣ်ကတဲာ်ကတီၤအသးလၢကဟ့ၣ်နီၤ တၢ်လၢပှၤဂၤတဖၣ်အဂီၢ်န့ၣ်တက့ၢ်.

၂ တံၤမသ့း 2:21

ပှၤတဂၤဂၤမ့ၢ်မၤကဆှီထီၣ်ကွံာ်အသးလၢတၢ်အၢတၢ်သီ တဖၣ်န့ၣ်ဒီး, အဝဲဒၣ်ကဘၣ်တၢ်သူအီၤလၢတၢ်အကတီၢ် လီၤဆီတဖၣ်အဂီၢ်, မ့ၢ်လၢအပာ်စီဆှံအသးဒီးကဲဘျုးလၢအကစၢ်အဂီၢ်ဒီး ကတဲာ်ကတီၤအသးလၢကယဲၢ်တၢ်မၤအဂ့ၤအဂီၢ်အဃိလီၤ.

၂ တံၤမသ့း 3:17

ဒ်သိးကစၢ်ယွၤအပှၤကညီကလၢထီၣ်ပှဲၤထီၣ်ဒီးကအိၣ် ကတဲာ်ကတီၤအသးလၢကမၤတၢ်အဂ့ၤတမံၤလၢ်လၢ် အဂီၢ်န့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

တံတူး 3:14

ပပှၤတဖၣ်ကဘၣ်မၤလိသူအဆၢကတီၢ်လၢတၢ်မၤဂ့ၤတၢ်အဂီၢ်, ဒ်သိးဒီးကဟ့ၣ်မၤစၢၤဘၣ်တၢ်လၢအလိၣ်နီၢ်နီၢ်တဖၣ် အဂီၢ်လီၤ. အဝဲသ့ၣ်တကြၢးအိၣ်မူတၢ်အိၣ်မူလၢအဘျုး တအိၣ်န့ၣ်ဘၣ်.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

ဧ့ၤဘြံၤ 10:24

မ်ပကွၢ်တၢ်လၢတဂၤဒီးတဂၤအဂီၢ်ဒီးထိၣ်ဂဲၤလိာ်ပသးဒ်သိး ပကအိၣ်ဒီးတၢ်အဲၣ်တၢ်ကွံဒီးတၢ်မၤဂ့ၤတၢ်န့ၣ်တက့ၢ်.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၁ ပ့းတရူး 2:12

သုတၢ်အိၣ်မူသကဲာ်ပဝးလၢပှၤကလုာ်ဂၤတဖၣ်အကျါကြၢးဂ့ၤ ဝဲတုၤဒၣ်လဲာ်ဖဲအဝဲသ့ၣ်စံးအၢသုဒ်ပှၤမၤအၢမၤသီတၢ်တဖၣ် အသိးအခါန့ၣ်, အဝဲသ့ၣ်ကဘၣ်ထံၣ်သ့ၣ်ညါဝဲသုတၢ်မၤအဂ့ၤ တဖၣ်သတးဒီးကစံးထီၣ်ပတြၢၤယွၤလၢအတၢ်ဟဲအမုၢ်တနံၤ န့ၣ်လီၤ.