လံာ်မၢ်ကူး 14:55 - Sgaw Karen Common Bible

⁵⁵ ပှၤလုၢ်တၢ်အခိၣ်အဒိၣ်တဖၣ်ဒီးကီၣ်ကးဒီဖုညါန့ၣ်, ဃုထံၣ်န့ၢ်တၢ်အုၣ်အသးထီဒါယ့ၣ်ၡူးဒ်သိးစံၣ်ညီၣ်သံဝဲကသ့ အဂီၢ်လီၤ. ဘၣ်ဆၣ်တထံၣ်န့ၢ်ဝဲနီတမံၤဘၣ်.

လံာ်မၢ်ကူး 14:55 Iomraidhean Croise

လံာ်စီၤပၤအခီၣ်ထံးတဘ့ၣ် 21:10

မၤန့ၢ်ပှၤအၢပှၤသီခံဂၤလၢအကအုၣ်အသးထီဒါမဲာ်ပူၤအီၤဒ် အမ့ၢ်ပှၤဆိၣ်အၢကစၢ်ယွၤဒီးစီၤပၤတက့ၢ်. ဝံၤဒီးထုးထီၣ်ကွံာ်အီၤလၢဝ့ၢ်ပူၤဒီးကွံာ်သံအီၤလၢလၢၢ်တ က့ၢ်.”

လံာ်စီၤပၤအခီၣ်ထံးတဘ့ၣ် 21:13

လၢကမျၢၢ်အမဲာ်ညါန့ၣ်ပှၤအၢပှၤသီခံဂၤအုၣ်အသးထီဒါစီၤနၤ ဘိးလၢအဆိၣ်အၢကစၢ်ယွၤဒီးစီၤပၤန့ၣ်လီၤ. ဒီးလၢတၢ်န့ၣ်အဃိအဝဲဘၣ်တၢ်ထုးထီၣ်ကွံာ်အီၤဆူ ဝ့ၢ်အချၢဒီးကွံာ်သံကွံာ်အီၤလၢလၢၢ်န့ၣ်လီၤ.

စံးထီၣ်ပတြၢၤ 27:12

တဘၣ်ဟ့ၣ်လီၤကွံာ်ယၤဆူယဒုၣ်ယဒါသ့ၣ်တဖၣ် အတၢ်ဘၣ်အသးအပူၤတဂ့ၤ, အဂ့ၢ်ဒ်အံၤ, ပှၤလၢအအုၣ်အသးကဘျံးကဘျၣ် တဖၣ် ဂဲၤဆၢထၢၣ်ထီဒါယၤ ဒီးသါတဖှိထီၣ်တၢ်စုဆူၣ်ခီၣ်တကးန့ၣ်လီၤ.

စံးထီၣ်ပတြၢၤ 35:11

ပှၤအုၣ်အသးကဘျံးကဘျၣ်ဂဲၤဆၢထၢၣ်ထီဒါယၤ ဒီးပာ်တၢ်ကမၣ်လၢယလိၤလၢတၢ်လၢ ယတသ့ၣ်ညါအဂ့ၢ်နီတမံၤဘၣ်န့ၣ်လီၤ.

လံာ်ဒၤနံးယ့လး 6:4

တုၤနုၤတစု, ပှၤပၢဆှၢအံးထွဲကွၢ်ထွဲတၢ်အဂၤတဖၣ်ဒီးပဒိၣ်ဖးဒိၣ် တဖၣ်ကျဲးစၢးဝဲဒ်သိးကထံၣ်န့ၢ်တၢ်ကမၣ်လၢစီၤဒၤနံးယ့လးအတၢ်ပၢ ဆှၢဘီမုၢ်အကျိၤအကျဲအပူၤန့ၣ်လီၤ. ဘၣ်ဆၣ်ဒီးတထံၣ်န့ၢ်ဘၣ်ဝဲဘၣ်. အဂ့ၢ်ဒ်အံၤ, စီၤဒၤနံးယ့လးန့ၣ်ဘၣ်တၢ်နာ်န့ၢ်အီၤဒီးတမၤက မၣ်တၢ်နီတမံၤမ့ၢ်ဂ့ၤ, တမၤတၢ်တတီတလိၤဘၣ်မ့ၢ်ဂ့ၤန့ၣ်ဘၣ်.

လံာ်မးသဲ 5:22

မ့မ့ၢ်ခဲအံၤယစံးဘၣ်သုလၢပှၤတဂၤလၢ်လၢ်လၢအသူၣ်ဒိၣ်သး ဖျိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤလၢစံၣ်ညီၣ်ကွီၢ်အတၢ်သမံသမိးအဂီၢ်, ဒီးပှၤတဂၤလၢ်လၢ်လၢအကတိၤဒုၣ်ဒွဲၣ်အဒီပုၢ်ဝဲၢ်ပှၤစူၢ်က့ၤ နာ်က့ၤတၢ်န့ၣ်, ကဘၣ်တၢ်ဆှၢထီၣ်အီၤဆူပှၤယူဒၤဖိအပှၤဒိၣ်ပှၤပှၢ်တဖၣ်အကီၣ် ကးလီၤ. ပှၤတဂၤလၢ်လၢ်လၢအကိးအဒီပုၢ်ဝဲၢ်ပှၤစူၢ်က့ၤနာ်က့ၤတၢ်လၢ ပှၤဟးဂီၤဖိန့ၣ်, ဂ့ၤဘၣ်တၢ်ဆှၢအီၤဆူလရာ်မ့ၣ်အူအပူၤလီၤ.

လံာ်မၢ်ကူး 14:56

ပှၤအါဂၤအုၣ်အသးကဘျံးကဘျၣ်ထီဒါယ့ၣ်ၡူး, ဘၣ်ဆၣ်ဒီးအတၢ်အုၣ်အသးတဖၣ်တဂၤဒီးတဂၤတလီၤပလိာ်လိာ် အသးဘၣ်.

လံာ်ယိၤဟၣ် 18:19

ပှၤလုၢ်တၢ်အခိၣ်အဒိၣ်ကတၢၢ်သံကွၢ်ယ့ၣ်ၡူးဘၣ်ဃးဒီး အပျဲၢ်အဘီၣ်တဖၣ်အဂ့ၢ်ဒီးအတၢ်သိၣ်လိသီလိအဂ့ၢ်န့ၣ်လီၤ.

လံာ်ယိၤဟၣ် 18:21

မ့မ့ၢ်ဒ်န့ၣ်ဒီး, ဘၣ်မနုၤနသံကွၢ်ယၤလဲၣ်. သံကွၢ်ပှၤတဖၣ်လၢအနၢ်ဟူတ့ၢ်ယတၢ်စံးတၢ်ကတိၤတက့ၢ်. သံကွၢ်အဝဲသ့ၣ်တၢ်လၢယစံးတ့ၢ်အဝဲသ့ၣ်န့ၣ်တက့ၢ်. အဝဲသ့ၣ်, သ့ၣ်ညါတၢ်လၢယစံးဘၣ်တဲဘၣ်တ့ၢ်အီၤန့ၣ်လီၤ.”