လံာ်မၢ်ကူး 14:50 - Sgaw Karen Common Bible

⁵⁰ အန့ၣ်ဒီးအပျဲၢ်အဘီၣ်ခဲလၢာ်ဟးသဒၣ်ကွံာ်အီၤဒီးဃ့ၢ်ပူၤဖျဲး ကွံာ်အသးန့ၣ်လီၤ.

လံာ်မၢ်ကူး 14:50 Iomraidhean Croise

စံးထီၣ်ပတြၢၤ 38:11

ယတံၤသကိးတဖၣ်ဒီးပှၤအိၣ်လၢယဃၢၤတဖၣ် အိၣ်ယံၤဒီးယၤ မ့ၢ်လၢယပူၤလီၢ်တဖၣ်အဃိ, ယဟံၣ်ဖိဃီဖိသ့ၣ်တဖၣ်ဒၣ်လဲာ် အိၣ်ယံၤဒီးယၤလီၤ.

စံးထီၣ်ပတြၢၤ 88:18

ယတံၤသကိးတဖၣ်လၢ အဘူးကတၢၢ်ဒီးဒၣ်လဲာ်န့ၣ် နပျဲအညိကွံာ်ယၤလီၤ. ဖဲယလဲၤတပူၤလၢ်လၢ်အလီၢ်န့ၣ် အိၣ်ဒၣ်ထဲတၢ်ခံးတၢ်နၤန့ၣ်လီၤ.

လံာ်ယၡါယၤ 63:3

ယွၤစံးဆၢဝဲဒၣ်, “ယယီၢ်တံၢ်တ့ၢ်ပှၤကလုာ်တဖၣ်ဒ်စပံးသၣ် တဖၣ်အသိး, ဒီးပှၤတဟဲမၤစၢၤယၤနီတဂၤဘၣ်. ယယီၢ်တံၢ်တ့ၢ်အဝဲသ့ၣ်လၢယတၢ်သးထီၣ်အပူၤဒီးအဝဲသ့ၣ် အသွံၣ်မၤဘၣ်အၢတ့ၢ်ယကူယကၤလီၤ.

လံာ်မၢ်ကူး 14:27

ယ့ၣ်ၡူးစံးဘၣ်အဝဲသ့ၣ်, “သုဝဲသ့ၣ်ကိးဂၤဒဲးသုသးကဟး ဂီၤကွံာ်လၢယပူၤ, အဂ့ၢ်ဒ်အံၤတၢ်ကွဲးအသးစံးဝဲ, ‘ယကမၤသံကွံာ်ပှၤကွၢ်သိ, ဒီးသိတဖၣ်ကလီၤပြံလီၤပြါကွံာ်ဝဲလီၤ.’

လံာ်မၢ်ကူး 14:49

တနံၤဘၣ်တနံၤယအိၣ်ယဲလၢသုသိးသုကျါလၢတၢ်လုၢ်ဟံၣ်ပူၤဒီး သိၣ်လီၤသီလီၤတၢ်, ဒီးသုတဖီၣ်ယၤဘၣ်. ဘၣ်ဆၣ်ဒီးတၢ်ကွဲးအသးစီဆှံကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်မၢ်ကူး 14:51

ပိာ်ခွါသးစၢ်တဂၤလူၤပိာ်ထွဲယ့ၣ်ၡူးအခံ, ဒီးမ့တမ့ၢ်ဘၣ်လၢအဘံထီၣ်အသးလၢတၢ်ကံးယာ်အဝါတခီဘၣ်ဒီး, တၢ်ကူတၢ်သိးအဂၤလၢအလိၤတအိၣ်နီတမံၤဘၣ်. ပှၤအိၣ်ဖဲန့ၣ်တနီၤဖီၣ်အီၤ,

လံာ်ယိၤဟၣ် 16:32

တၢ်ဆၢကတီၢ်ဟဲဝဲဒီးဟဲတုၤလံ, ဖဲသုဝဲခဲလၢာ်သုကလီၤပြံလီၤပြါတဂၤဆူအဟံၣ်ဒၣ်ဝဲ, ဒီးယကဘၣ်တၢ်ပာ်တီၢ်ယၤထဲတဂၤဧိၤန့ၣ်လီၤ. ဘၣ်ဆၣ်ဒီးနီၢ်နီၢ်န့ၣ်ယတအိၣ်ထဲတဂၤဧိၤဘၣ်. အဂ့ၢ်မ့ၢ်လၢပၢ်အိၣ်ဒီးယၤအဃိလီၤ.

လံာ်ယိၤဟၣ် 18:8

ယ့ၣ်ၡူးစံးဘၣ်အဝဲသ့ၣ်, “ယစံးဘၣ်တဲဘၣ်တ့ၢ်သုလၢ ယမ့ၢ်ပှၤအဝဲန့ၣ်လံ. သုမ့ၢ်ဃုယၤဒီး, ပျဲက့ၤပှၤအဂၤတဖၣ် အံၤန့ၣ်တက့ၢ်.”

၂ တံၤမသ့း 4:16

ဖဲယကတိၤဒီဒၣ်ယသးအဆိကတၢၢ်တဘျီန့ၣ်, ပှၤတဆၢထၢၣ်ဃုာ်ဒီးယၤနီတဂၤဘၣ်. ပှၤဟးသဒၣ်ကွံာ်ယၤခဲလၢာ်လီၤ. မ်ကစၢ်ယွၤအသုတပာ်တၢ်ကမၣ်လၢအဝဲသ့ၣ်အလိၤတဂ့ၤ.