လံာ်မၢ်ကူး 14:49 - Sgaw Karen Common Bible

⁴⁹ တနံၤဘၣ်တနံၤယအိၣ်ယဲလၢသုသိးသုကျါလၢတၢ်လုၢ်ဟံၣ်ပူၤဒီး သိၣ်လီၤသီလီၤတၢ်, ဒီးသုတဖီၣ်ယၤဘၣ်. ဘၣ်ဆၣ်ဒီးတၢ်ကွဲးအသးစီဆှံကဘၣ်လၢထီၣ်ပှဲၤထီၣ်ဝဲဒၣ်လီၤ.”

လံာ်မၢ်ကူး 14:49 Iomraidhean Croise

လံာ်မးသဲ 1:22

တၢ်မၤအသးခဲလၢာ်အံၤမ့ၢ်ဒ်သိးတၢ်ကတိၤတဖၣ်လၢ ကစၢ်စံးတ့ၢ်ဝဲခီဖျိဝံတဂၤန့ၣ်, ကလၢထီၣ်ပှဲၤထီၣ်ဝဲအဂီၢ်လီၤ.

လံာ်မးသဲ 26:54

ဘၣ်ဆၣ် တၢ်မ့ၢ်မၤအသးဒ်န့ၣ်ဒီး, တၢ်ကွဲးအသးစီဆှံလၢအစံးလၢတၢ်ကဘၣ်မၤအသးဒ်အံၤလီၤန့ၣ်, ကလၢထီၣ်ပှဲၤထီၣ်ဝဲလၢကျဲဒ်လဲၣ်.”

လံာ်မးသဲ 26:55

တုၤနုၤတစု, ယ့ၣ်ၡူးကတိၤတၢ်ဒီးပှၤဂီၢ်မုၢ်ဒီးစံး, “မ့ၢ်သုဘၣ်ဟဲစိာ်နးဒီးနီၣ်တီၢ်လၢ သုကဖီၣ်န့ၢ်ယၤအဂီၢ်, ဒ်ပှၤလၢအမၤကမၣ်တၢ်သိၣ်တၢ်သီတဂၤအသိးန့ၣ်ဧါ. ကိးနံၤဒဲးယဆ့ၣ်နီၤဒီးသိၣ်လီၤသီလီၤတၢ်လၢတၢ်လုၢ်ဟံၣ် အပူၤ, ဒီးသုတဖီၣ်ယၤမးလဲၣ်.

လံာ်မးသဲ 26:56

ဘၣ်ဆၣ်ဒီး, တၢ်တဖၣ်အံၤမၤတ့ၢ်အသး, ဒ်သိးဒီးတၢ်လၢဝံတဖၣ်ကွဲးတ့ၢ်ဝဲလၢတၢ်ကွဲးအသးစီဆှံတဖၣ်အပူၤ, ကလၢထီၣ်ပှဲၤထီၣ်ဝဲအဂီၢ်လီၤ.” တုၤနုၤတစု, အပျဲၢ်အဘီၣ်ခဲလၢာ်ပာ်တ့ၢ်ဒီးဃ့ၢ်သဒၣ်ကွံာ်အီၤ လီၤ.

လံာ်မၢ်ကူး 10:1

ဝံၤဒီးယ့ၣ်ၡူးဟးထီၣ်ဖဲတၢ်လီၢ်န့ၣ်ဒီးလဲၤဝဲဆူကီၢ်ယူဒၤ, ဒီးခီဂာ်ဝဲဆူယၢ်ဒ့ၣ်ကျိအဝၢ်ဘးခီလီၤ. ပှၤဂီၢ်မုၢ်တဖၣ်ဟဲပာ်ဖှိၣ်ထီၣ်ကဒီးအသးဝးတရံးအီၤ, ဒီးအဝဲဒၣ်သိၣ်လီၤသီလီၤအဝဲသ့ၣ်, ဒ်အညီနုၢ်မၤတ့ၢ်ဝဲအသိးလီၤ.

လံာ်မၢ်ကူး 11:27

အဝဲသ့ၣ်လဲၤတုၤကဒီးတဘျီလၢဝ့ၢ်ယရူၤၡလ့ၣ်လီၤ. ဖဲယ့ၣ်ၡူးဟးဝဲလၢတၢ်လုၢ်ဟံၣ်အပူၤအခါ, ပှၤလုၢ်တၢ်အခိၣ်အဒိၣ်တဖၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးပှၤယူဒၤဖိကရၢအခိၣ်အနၢ်တဖၣ်ဟဲဃီၤဆူအအိၣ်,

လံာ်မၢ်ကူး 12:35

ဖဲယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ်ပူၤအကတီၢ်န့ၣ်, သံကွၢ်ဝဲတၢ်သံကွၢ်တထံၣ်, “ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်စံးဝဲလၢ ခရံာ်မ့ၢ်စီၤဒၤဝံးအစၢၤအသွဲၣ်လီၤန့ၣ်, မ့ၢ်အစံးဝဲသ့ဒ်လဲၣ်.

လံာ်မၢ်ကူး 14:48

ဒီးယ့ၣ်ၡူးသံကွၢ်အဝဲသ့ၣ်, “သုဟဲစိာ်ဃုာ်ဒီးဃဲာ်ဒီးနီၣ် တီၢ်တဖၣ်လၢသုကဖီၣ်ယၤအဂီၢ်အံၤ, မ့ၢ်သုပာ်ယၤဒ်တမျာ်တဂၤအသိးဧါ.

လံာ်မၢ်ကူး 14:50

အန့ၣ်ဒီးအပျဲၢ်အဘီၣ်ခဲလၢာ်ဟးသဒၣ်ကွံာ်အီၤဒီးဃ့ၢ်ပူၤဖျဲး ကွံာ်အသးန့ၣ်လီၤ.

လံာ်လူၤကၣ် 19:47

ယ့ၣ်ၡူးသိၣ်လီၤသီလီၤတၢ်လၢတၢ်လုၢ်ဟံၣ်အပူၤကိးနံၤဒဲးလီၤ. ပှၤလုၢ်တၢ်အခိၣ်အဒိၣ်တဖၣ်, ပှၤသ့တၢ်ဘူၣ်တၢ်ဘါအတၢ်သိၣ် တၢ်သီတဖၣ်, ဒီးပှၤဂီၢ်မုၢ်အခိၣ်အနၢ်တဖၣ်သးအိၣ်မၤသံအီၤလီၤ.

လံာ်လူၤကၣ် 22:37

အဂ့ၢ်ဒ်အံၤ, ယစံးဘၣ်တဲဘၣ်သုတၢ်တမံၤအံၤ, တၢ်ကွဲးအသးလၢအစံးဝဲ, ‘အဝဲဘၣ်တၢ်ဂံၢ်ဃုာ်အီၤလၢပှၤလုၣ်သ့ၣ်ခါပတာ်ထံကီၢ် အတၢ်သိၣ်တၢ်သီတဖၣ်အသိးအကျါ,’ တတီၤန့ၣ်, ကဘၣ်ဟဲလၢထီၣ်ပှဲၤထီၣ်ဝဲလၢယၤလီၤ. အဂ့ၢ်ဒ်အံၤ, တၢ်လၢအဘၣ်တၢ်ကွဲးတ့ၢ်အီၤလၢယဂ့ၢ်န့ၣ် ဟဲလၢထီၣ်ပှဲၤထီၣ်ဝဲဒၣ်လီၤ.”

လံာ်ယိၤဟၣ် 10:23

ယ့ၣ်ၡူးဟးထီၣ်ဟးလီၤလၢစီၤၡလိၤမိၤအတၢ်ဒုးခိၣ် အဖီလာ်လၢတၢ်လုၢ်ဟံၣ်အပူၤန့ၣ်လီၤ.

လံာ်ယိၤဟၣ် 18:20

ယ့ၣ်ၡူးစံးဆၢတၢ်ဒီးစံးဝဲ, “ယကတိၤတၢ်ထီဘိလၢပှၤအါဂၤ အမဲာ်ညါဒီးလၢပှၤကိးဂၤဒဲးန့ၣ်လီၤ. ယတၢ်သိၣ်လိသီလိခဲလၢာ်ဘၣ်တၢ်မၤအီၤလၢဘူၣ်ဘျီၣ် လၢအမ့ၢ်တၢ်ဘါအလီၢ်အပူၤဒီးတၢ်လုၢ်ဟံၣ်အပူၤ, ဖဲပှၤယူဒၤဖိခဲလၢာ်ဟဲပာ်ဖှိၣ်အသးန့ၣ်လီၤ. ယတစံးကတိၤတၢ်လၢတၢ်ခူသူၣ်အပူၤနီတဘျီဘၣ်.

လံာ်ယိၤဟၣ် 7:37

ဒီးလၢဘူၣ်လၢခံကတၢၢ်တနံၤ ဒီးအကါဒိၣ်ကတၢၢ်တနံၤ န့ၣ်, ယ့ၣ်ၡူးဆၢထၢၣ်ဒီးကတိၤတၢ်လၢအကလုၢ်ဖးဒိၣ်ဒီးစံးဝဲ, “ပှၤတဂၤလၢ်လၢ်လၢတၢ်သူအသးလၢထံန့ၣ်မ် အဟဲဆူယအိၣ်ဒီးအီထံတက့ၢ်.”

လံာ်ယိၤဟၣ် 8:12

ယ့ၣ်ၡူးကတိၤကဒီးတၢ်ဒီးပှၤဖၤရံၤၡဲတဖၣ်ဒီးစံးဝဲ, “ယဲဒၣ်အံၤယမ့ၢ်ဟီၣ်ခိၣ်အတၢ်ကပီၤလီၤ. ပှၤလၢအပိာ်ယခံ တဂၤလၢ်လၢ်ကအိၣ်ဒီးတၢ်မူအတၢ်ကပီၤဒီးတဟးဘၣ်ဝဲ လၢတၢ်ခံးကျါနီတဘျီဘၣ်.”

လံာ်ယိၤဟၣ် 8:2

ပှၤဂီၢ်မုၢ်ခဲလၢာ်ဟဲအိၣ်ဝးတရံးအီၤ, ဒီးအဝဲဆ့ၣ်နီၤဒီးသိၣ်လီၤသီလီၤအဝဲသ့ၣ်န့ၣ်လီၤ.