လံာ်မၢ်ကူး 14:44 - Sgaw Karen Common Bible

⁴⁴ ပှၤလၢအဟ့ၣ်လီၤကွံာ်ယ့ၣ်ၡူးဆူဒုၣ်ဒါအစုပူၤတဂၤန့ၣ်, ဟ့ၣ်အဝဲသ့ၣ်တၢ်ပနီၣ်တမံၤဒီးစံး, “ပှၤလၢယနၢမူအီၤတဂၤန့ၣ်မ့ၢ်ပှၤလၢသုအဲၣ်ဒိးအီၤန့ၣ်လီၤ. ဖီၣ်အီၤ, ဒီးက့ၤမိၤအီၤတက့ၢ်.”

လံာ်မၢ်ကူး 14:44 Iomraidhean Croise

လံာ်တၢ်ဟးထီၣ်ကွံာ် 12:13

တၢ်သွံၣ်လၢတြဲၤအထူၣ်တဖၣ်အလိၤန့ၣ်ကမ့ၢ်တၢ်ပနီၣ်တမံၤလၢဟံၣ် လၢသုအိၣ်လၢအပူၤအဂီၢ်န့ၣ်လီၤ. တုၤယထံၣ်တၢ်သွံၣ်န့ၣ်ဒီးယကလဲၤကပာ်ကွံာ်သု, ဒီးတုၤယစံၣ်ညီၣ်ပှၤအဲၤကူပတူးဖိတဖၣ်န့ၣ်ဒီးယတမၤဆါသုဘၣ်န့ၣ်လီၤ.

တၢ်ကတိၤဒိ. 27:6

တံၤသကိးတဂၤမ့ၢ်မၤဘၣ်ဒိဘၣ်ထံးနၤဒၣ်လဲာ်, အတၢ်ပာ်အသးမ့ၢ်တၢ်တီတီလိၤလိၤလီၤ. ဘၣ်ဆၣ်, ဖဲဒုၣ်ဒါတဂၤပာ်ထီၣ်အစုလၢနဖံဘၣ်ခိၣ်ဒီး, ပလီၢ်နသးတက့ၢ်.

လံာ်မးသဲ 26:46

ဂဲၤဆၢထၢၣ်. မ်ပလဲၤသကိးပဝဲတက့ၢ်. ကွၢ်တက့ၢ်. ပှၤလၢအဆါလီၤကွံာ်ယၤန့ၣ် ဟဲတုၤဖဲအံၤလံ.”

လံာ်မၢ်ကူး 14:43

ဖဲယ့ၣ်ၡူးကတိၤဒံးတၢ်အဖၢမုၢ်, စီၤယူဒၤလၢအမ့ၢ်အပျဲၢ်အဘီၣ်တဆံခံဂၤအကျါတဂၤန့ၣ်ဟဲတုၤဃီၤဝဲဒၣ်လီၤ. ပှၤဂီၢ်မုၢ်တဖၣ်ဟဲဃုာ်ဒီးအီၤ, စိာ်ဒီးနးဒီးနီၣ်တီၢ်တဖၣ်လီၤ. အဝဲသ့ၣ်တဖၣ်အံၤဘၣ်တၢ်မၢလီၤအီၤလၢပှၤလုၢ်တၢ်အခိၣ်အဒိၣ် တဖၣ်, ပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်, ဒီးပှၤယူဒၤဖိကရၢအခိၣ်အနၢ်တဖၣ်လီၤ.

လံာ်မၢ်ကူး 14:45

တုၤစီၤယူဒၤဟဲတုၤဒီးလဲၤဝဲဆူယ့ၣ်ၡူးအအိၣ်တဘျီဃီဒီးစံးဝဲ, “သရၣ်ဧၢ,” ဒီးနၢမူအီၤလီၤ.

မၤတၢ် 16:23

တၢ်ဖျ့အီၤတီၢ်အီၤနးမးဝံၤအလီၢ်ခံ, တၢ်တ့ၢ်နုာ်အီၤဆူဃိာ်ပူၤ, ဒီးပှၤဃိာ်ဒိၣ်ဘၣ်တၢ်မၤလိာ်အီၤလၢအကဒုးဃာ်အဝဲသ့ၣ် လီၤတံၢ်လီၤဆဲးန့ၣ်လီၤ.

ဖံလံးပံၤ 1:28

တဘၣ်ပျံၤသုဒုၣ်သုဒါတဖၣ်တဂ့ၤ. အိၣ်ဒီးတၢ်သူၣ်ဒူသးဒူ ထီဘိ, ဒီးတၢ်အံၤကဒုးထံၣ်သ့ၣ်ညါအဝဲသ့ၣ်လၢအဝဲသ့ၣ် ကဃၣ်ကွံာ်, ဒီးသုဝဲသုကမၤနၢၤတၢ်လီၤ. အဂ့ၢ်ဒ်အံၤ, ကစၢ်ယွၤမ့ၢ်ပှၤလၢအဟ့ၣ်သုတၢ်မၤနၢၤန့ၣ်လီၤ.

၂ သ့းစၤလနံ 3:17

လၢယစုလီၢ်ဒၣ်ယဲ, ယကွဲးတၢ်ကတိၤတဖၣ်အံၤလီၤ. တၢ်ဆၢဂ့ၤဆၢဝါလၢယၤ စီၤပီလူးအအိၣ်, ယဆဲးလီၤ ယမံၤဒ်သိးအံၤ, လၢတၢ်ပရၢကိးဘ့ၣ်ဒဲးအကတၢၢ်န့ၣ်လီၤ. ယကွဲးလံာ်လၢကျဲဒ်အံၤလီၤ.

လံာ်စီၤယိၤၡူ 2:12

ဒီးခဲကနံၣ်အံၤဆိၣ်လီၤသုသးလၢယွၤအမဲာ်ညါလၢသုကမၤဂ့ၤ ဘၣ်ယပှၤဟံၣ်ဖိဒ် ယမၤဂ့ၤဘၣ်သုအသိးဒီးဟ့ၣ်ယၤတၢ်ပနီၣ်တမံၤလၢယနာ်န့ၢ်သုကသ့ အဂီၢ်န့ၣ်တက့ၢ်.