လံာ်မၢ်ကူး 14:41 - Sgaw Karen Common Bible

⁴¹ တုၤအဟဲက့ၤသၢဘျီတဘျီဒီး, အဝဲဒၣ်စံးဘၣ်အဝဲသ့ၣ်, “သုမံဘၣ်ဒံးသုသးဒီးအိၣ်ဘှံးအိၣ်သါဒံးဒၣ်အဖၢမုၢ်လီၤ ဧါ. ထဲန့ၣ်ဘၣ်လံ. တၢ်အကတီၢ်နၣ်ရံၣ်တုၤဃီၤဝဲလံ. ကွၢ်ကွၢ်ခဲအံၤပှၤကညီဖိခွါအံၤဘၣ်တၢ် ဟ့ၣ်လီၤအီၤဆူပှၤတၢ်ဒဲးဘးဖိတဖၣ်အစုပူၤလံ.

လံာ်မၢ်ကူး 14:41 Iomraidhean Croise

လံာ်စီၤပၤအခီၣ်ထံးတဘ့ၣ် 18:27

တုၤလီၤလၢမုၢ်ထူၣ်အကတီၢ်န့ၣ်, စီၤအ့ၤလံယၤစးထီၣ်မၤလီၤ နံၤဘၣ်ဖၣ်လဲအဝဲသ့ၣ်ဒီးစံးဝဲ, “ဘါထုကဖၣ်ဒိၣ်ထီၣ်တက့ၢ်. အဝဲမ့ၢ်ကစၢ်တဂၤလီၤ. ဘၣ်သ့ၣ်သ့ၣ်ကမ့ၢ်အဝဲအိၣ်လၢတၢ်ဆိကမိၣ်ယိာ်ပူၤမ့ၢ်ဂ့ၤ, အတၢ်ဖံးတၢ်မၤအါမ့ၢ်ဂ့ၤလီၤ. မ့တမ့ၢ်ဘၣ်ဒီးဘၣ်သ့ၣ်သ့ၣ်အဝဲ ကအိၣ်ဒီးတၢ်လဲၤတၢ်က့ၤတပူၤပူၤလီၤ. မ့တမ့ၢ်ဘၣ်န့ၣ်ကမ့ၢ်အဝဲမံဘၣ်အသးဒီးသုကဘၣ်ထိၣ်ဂဲၤထီၣ်အီၤ လီၤ.”

လံာ်စီၤပၤအခီၣ်ထံးတဘ့ၣ် 22:15

ဖဲအဝဲဟဲပာ်ဖျါထီၣ်အသးလၢစီၤပၤအၤဃာ်အမဲာ်ညါန့ၣ်စီၤပၤ သံကွၢ်အီၤ, “စီၤမံၤကါယၤဧၢ, မ့ၢ်စီၤပၤယဟိၡၤဖးဒီးယၤပကြၢးလဲၤ ထီၣ်ဒုးဝ့ၢ်ရၤမိးဧါ. မ့တမ့ၢ်ပတကြၢးလဲၤဘၣ်န့ၣ်လဲၣ်.” စီၤမံၤကါယၤစံးဆၢဝဲ, “လဲၤထီၣ်ဒုးတက့ၢ်. သပှၢ်ကတၢၢ်သုကမၤနၢၤတၢ်လီၤ. ယွၤကဟ့ၣ်သုတၢ်မၤနၢၤန့ၣ်လီၤ.”

လံာ်စီၤပၤခံဘ့ၣ်တဘ့ၣ် 3:13

စီၤအလံၤၡါစံးဘၣ်ကီၢ်အံၣ်စရ့လးအစီၤပၤ, “ဘၣ်မနုၤလၢယကဘၣ်မၤစၢၤနၤန့ၣ်လဲၣ်. လဲၤဒီးသံကွၢ်တၢ်လၢ ဝံတဖၣ်လၢနပၢ်မ့ၢ်ဂ့ၤ, နမိၢ်မ့ၢ်ဂ့ၤသံကွၢ်တ့ၢ်အီၤတၢ်တက့ၢ်.” စီၤယဟိရၣ်စံးဆၢအီၤ “တမ့ၢ်ဘၣ်, ပှၤလၢအကိးဖှိၣ်ပဝဲ စီၤပၤသၢဂၤဆူကီၢ်မိၤအးအစီၤပၤအတၢ်သူၣ်ကညီၤသးကညီၤအပူၤ န့ၣ်မ့ၢ်ယွၤလီၤ.”

လံာ်ပှၤစံၣ်တဲၤတဲလီၤတၢ် 11:9

ပှၤသးစၢ်သ့ၣ်ဧၢ, မုာ်လၤလၢနတၢ်မ့ၢ်ပှၤသးစၢ်အဃိတက့ၢ်. ဖဲနသးစၢ်ဒံးအခါအံၤန့ၣ်, သူၣ်ဖှံသးညီတက့ၢ်. မၤတၢ်လၢနအဲၣ်ဒိးမၤဒီးလူၤထွဲနသးအတၢ်ဆၢန့ၢ်ဘၣ်တက့ၢ်. ဘၣ်ဆၣ်သ့ၣ်နီၣ်ထီၣ်က့ၤလၢကစၢ်ယွၤကစံၣ်ညီၣ်နၤလၢတၢ်လၢနမၤ အီၤတမံၤဂ့ၤတမံၤဂ့ၤအဃိတက့ၢ်.

လံာ်ယဃ့းစက့လး 20:39

ယွၤပၢဘၣ်တၢ်ခဲလၢာ်ကစၢ်, ကစၢ်စံးဝဲ, “ဒီးခဲကနံၣ်အံၤသုဝဲ ပှၤအံၣ်စရ့လးဖိခဲလၢာ်သ့ၣ်သုဧၢ, မၤဖဲသုသးတက့ၢ်. လဲၤဆၣ်ခီ ဒီးမၤသုတၢ်ဂီၤတၢ်ဖီၣ်တဖၣ်အတၢ်မၤတက့ၢ်. ဘၣ်ဆၣ်ယဟ့ၣ်ပလီၢ်သုလၢ, တၢ်အံၤဝံၤအလီၢ်ခံန့ၣ်သုကဘၣ်စူၢ်ယၤ ဒီးသုတၢ်မၤဘၣ်အၢယမံၤစီဆှံအလၤကပီၤခီဖျိတၢ်လုၢ်ထီၣ်တၢ် ဟ့ၣ်တဖၣ်ဆူသုတၢ်ဂီၤတၢ်ဖီၣ်တဖၣ်အအိၣ်န့ၣ်သုကဘၣ်ဆိ ကတီၢ်အီၤန့ၣ်လီၤ.

လံာ်မးသဲ 26:2

“ဒ်သုသ့ၣ်ညါအသိး, လၢခံသီဝံၤအလီၢ်ခံန့ၣ်ဘူၣ်လဲၤကပာ်ကဘၣ်ဝဲ, ဒီးပှၤကညီဖိခွါကဘၣ်တၢ်ဟ့ၣ်လီၤကွံာ်အီၤဒ်သိးအကဘၣ် တၢ်ပျၤထီကွံာ်အီၤအဂီၢ်လီၤ.”

လံာ်မၢ်ကူး 14:10

အန့ၣ်ဝံၤ စီၤယူဒၤအံၣ်စကၤရံၤအိာ်လၢအမ့ၢ်အပျဲၢ်အဘီၣ် တဆံခံဂၤအကျါတဂၤန့ၣ်, လဲၤဝဲဆူပှၤလုၢ်တၢ်အခိၣ်အဒိၣ်တဖၣ်အအိၣ်ဒ်သိးအကဟ့ၣ် လီၤကွံာ်ယ့ၣ်ၡူးဆူအဝဲသ့ၣ်အစုပူၤအဂီၢ်န့ၣ်လီၤ.

လံာ်မၢ်ကူး 14:18

ဖဲအဝဲသ့ၣ်ဆ့ၣ်နီၤဒီးအီၣ်တၢ်အဖၢမုၢ်န့ၣ်, ယ့ၣ်ၡူးစံးဝဲ, “ယစံးဘၣ်သုသပှၢ်ကတၢၢ်လီၤ. ပှၤလၢအီၣ်သကိးအီသကိးတၢ်ဒီးယၤလၢသုကျါတဂၤန့ၣ် ကဟ့ၣ်လီၤကွံာ်ယၤလီၤ.”

လံာ်မၢ်ကူး 14:35

အဝဲဒၣ်လဲၤဒံးဝဲဆူညါတစဲး, ထိၣ်လီၤပှီၤအသးလၢဟီၣ်ခိၣ် လိၤ, ဒီးဃ့ထုကဖၣ်ယွၤလၢမ့ၢ်သ့ဒီးအကတီၢ်နၣ်ရံၣ်လၢအဝဲ ကတူၢ်ဘၣ်တၢ်နးတၢ်ဖှီၣ်န့ၣ်ကလဲၤပူၤကွံာ်အီၤအဂီၢ်လီၤ.

လံာ်မၢ်ကူး 14:40

အန့ၣ်ဝံၤအဝဲဒၣ်ဟဲက့ၤကဒီးတဘျီဆူအပျဲၢ်အဘီၣ်တဖၣ်အအိၣ် ဒီးထံၣ်ဘၣ်ဝဲလၢအဝဲသ့ၣ်မံဘၣ်အသးလီၤ. အဝဲသ့ၣ်အမဲာ်ဖံးဃၢဒီးစီၣ်ထီၣ်အမဲာ်တန့ၢ်ဘၣ်ဒီး ကဘၣ်စံးဆၢအီၤလၢတၢ်ကတိၤမနုၤလဲၣ်န့ၣ်တသ့ၣ်ညါလၢၤ ဝဲဘၣ်.

လံာ်မၢ်ကူး 14:42

ဂဲၤဆၢထၢၣ်, ဒီးမ်ပလဲၤသကိးတက့ၢ်. ကွၢ်တက့ၢ်. ပှၤလၢအဟ့ၣ်လီၤကွံာ်ယၤန့ၣ်ဟဲတုၤဝဲလံ.”

လံာ်မၢ်ကူး 7:9

ယ့ၣ်ၡူးစံးကဒီးဝဲ, “ဒ်သိးသုကဟံးဃာ်ဘၣ်သုတၢ်သိၣ်လိသီလိလၢ အဟဲလီၤစၢၤလၢမိၢ်ပၢ်ဖံဖုလၢပျၢၤတဖၣ်အအိၣ်အဂီၢ်န့ၣ်, သုဃုထံၣ်န့ၢ်ကျဲလၢသုကညိကွံာ်ကစၢ်ယွၤအတၢ်မၤလိာ်န့ၣ်သ့ဒိၣ်မးလီၤ.

လံာ်မၢ်ကူး 9:31

အဂ့ၢ်ဒ်အံၤအဝဲဒၣ်သိၣ်လိအပျဲၢ်အဘီၣ်တဖၣ်ဒီးစံးဝဲ, “ပှၤကညီဖိခွါအံၤ, ကဘၣ်တၢ်ဟ့ၣ်လီၤကွံာ်အီၤဆူပှၤကညီတဖၣ်အစုပူၤဒီးအဝဲသ့ၣ် ကမၤသံအီၤလီၤ. သနာ်က့ဒီးသၢသီတသီန့ၣ်, ကဂဲၤဆၢထၢၣ်က့ၤလၢတၢ်သံလီၤ.”

လံာ်ယိၤဟၣ် 12:23

ယ့ၣ်ၡူးစံးဆၢအဝဲသ့ၣ် “တၢ်ဆၢကတီၢ်နၣ်ရံၣ်ဘၣ်လံဝဲလၢ ယွၤကမၤလၤကပီၤပှၤကညီဖိခွါအဂီၢ်လီၤ.

လံာ်ယိၤဟၣ် 12:27

ခဲအံၤယသးဘၣ်တံာ်တာ်ဒိၣ်မးဒီးယကဘၣ်စံးဒ်လဲၣ်. မ့ၢ်ယကဘၣ်စံး, ‘ပၢ်ဧၢ, တဘၣ်ပျဲတၢ်ဆၢကတီၢ်နၣ်ရံၣ်အဝဲအံၤဟဲတုၤအိၣ်ယၤတဂ့ၤ’ န့ၣ်ဧါ. ဘၣ်ဆၣ်ယဟဲယဲလၢယကလဲၤခီဖျိတၢ်နးတၢ်ဖှီၣ် အနၣ်ရံၣ်အံၤအဂီၢ်န့ၣ်လီၤ.

လံာ်ယိၤဟၣ် 17:1

ယ့ၣ်ၡူးကတိၤတၢ်အံၤဝံၤဒီး, အဝဲကွၢ်ထီၣ်တၢ်ဆူမူခိၣ်ဒီးစံးဝဲဒၣ်, “ပၢ်ဧၢ, တၢ်ဆၢကတီၢ်နၣ်ရံၣ်တုၤဃီၤဝဲဒၣ်လံ. မၤလၤကပီၤ နဖိခွါ, ဒ်သိးဖိခွါကမၤလၤကပီၤနၤအဂီၢ်န့ၣ်တက့ၢ်.

လံာ်ယိၤဟၣ် 7:30

ထဲန့ၣ်ဒီးအဝဲသ့ၣ်ဂုာ်ကျဲးစၢးဃုကျဲလၢကဖီၣ်ယ့ၣ်ၡူး ဘၣ်ဆၣ်ပှၤတထိးဘူးအီၤနီတဂၤဘၣ်. မ့ၢ်လၢတၢ်ဆၢကတီၢ်နၣ်ရံၣ်တဘၣ်ဒံးဘၣ်လၢအဂီၢ် အဃိလီၤ.

လံာ်ယိၤဟၣ် 8:20

ယ့ၣ်ၡူးစံးတၢ်တဖၣ်အံၤဖဲအသိၣ်လီၤသီလီၤတၢ်လၢ တၢ်လုၢ်ဟံၣ်ပူၤဖဲတၢ်ပာ်ဖှိၣ်စ့အလီၢ်ဒီးမ့ၢ်လၢအဆၢ ကတီၢ်နၣ်ရံၣ်တဘၣ်ဒံးဘၣ်အဃိ, ပှၤတဟဲဟံးဃာ်အီၤနီ တဂၤန့ၣ်ဘၣ်.

မၤတၢ် 7:52

ဝံလၢသုမိၢ်ပၢ်ဖံဖုလၢပျၢၤတဖၣ်တမၤအၢမၤနးအီၤဘၣ်န့ၣ်, မ့ၢ်အအိၣ်တဂၤဂၤဧါ. အဝဲသ့ၣ်မၤသံတ့ၢ်ကစၢ်ယွၤအပှၤစိာ်တၢ်ကစီၣ်တဖၣ်လၢအကတိၤ ဆိပာ်စၢၤဘၣ်ဃးကစၢ်ယွၤအခ့အပှၤလၢအတီအလိၤတဂၤ အတၢ်ဟဲအဂ့ၢ်, ဒီးခဲကနံၣ်အံၤသုဝဲသ့ၣ်သုဆါလီၤကွံာ်ဒီးမၤသံကွံာ် အဝဲဒၣ်န့ၣ်လီၤ.

လံာ်ပှၤစံၣ်ညီၣ်ကွီၢ် 10:14

လဲၤဒီးကိးထီၣ်တၢ်ဆူကစၢ်အဂၤတဖၣ်လၢသုဃုထၢတ့ၢ်အီၤန့ၣ် တက့ၢ်. မ်အဝဲသ့ၣ်အုၣ်က့ၤခီၣ်က့ၤသုဖဲသုဘၣ်တၢ်ကိၢ်တၢ်ဂီၤန့ၣ် တက့ၢ်.”