လံာ်မၢ်ကူး 14:36 - Sgaw Karen Common Bible

³⁶ ဒီးအဝဲဒၣ်စံးဝဲ, “အးဘၤ, ပၢ်ဧၢ, နမၤတၢ်သ့ခဲလၢာ်လီၤ. တၢ်နးတၢ်ဖှီၣ်အလီခီအံၤဒုးလဲၤပူၤကွံာ်လၢယၤတက့ၢ်. သနာ်က့ဒီး, အသုတမ့ၢ်ဒ်တၢ်ဘၣ်ယသးအသိးတဂ့ၤ. မ်အမ့ၢ်ဒ်တၢ်ဘၣ်နသးအသိးတက့ၢ်.”

လံာ်မၢ်ကူး 14:36 Iomraidhean Croise

လံာ်တၢ်ကဲထီၣ်အခီၣ်ထံး 18:14

မ့ၢ်တၢ်ကီကဲၣ်ဆိးလၢယွၤအဂီၢ်အိၣ်ဝဲတမံၤမံၤန့ၣ်ဧါ. ဒ်ယစံးတ့ၢ်လံအသိးစးထီၣ်ခဲအံၤဒီးဆူညါခွံလါန့ၣ်ယကဟဲ က့ၤဒီးနီၢ်စၤရါကအိၣ်ဒီးအဖိခွါတဂၤန့ၣ်လီၤ.

စံးထီၣ်ပတြၢၤ 40:8

ယကစၢ်ယွၤဧၢ, ယသးခုမၤယဲနတၢ်ဘၣ်နသးန့ၣ်လီၤ. ယပၢၤဃာ်နတၢ်သိၣ်တၢ်သီလၢယသးပူၤလီၤ.’’

လံာ်မးသဲ 26:39

အဝဲလဲၤယံၤထီၣ်ဝဲတစဲး, ထိၣ်လီၤပှီၤအသး, ဒီးကျးလီၤအမဲာ်လၢဟီၣ်ခိၣ်လိၤ, ဒီးဃ့ဘါထုကဖၣ်ယွၤဒီးစံး, “ယပၢ်ဧၢ, မ့ၢ်သ့ဒီးဟံးန့ၢ်ကွံာ်တၢ်နးတၢ်ဖှီၣ်အလီခီအံၤ လၢယအိၣ်တက့ၢ်. ဘၣ်ဆၣ်ဒီး, မ်အသုတမ့ၢ်ဒ်ယသးအတၢ်အဲၣ်ဒိးတဂ့ၤ. မ်အကမ့ၢ်ဒၣ်ဝဲဒ်နသးအတၢ်အဲၣ်ဒိးန့ၣ်တက့ၢ်.”

လံာ်မးသဲ 26:42

ယ့ၣ်ၡူးလဲၤကဒီးဝဲခံဘျီတဘျီဒီးဃ့ဘါထုကဖၣ်ယွၤဒီး စံး, “ယပၢ်ဧၢ, တၢ်နးတၢ်ဖှီၣ်အလီခီအံၤ, တၢ်ထုးကွံာ်အီၤလၢယအိၣ်မ့ၢ်တသ့ဘၣ်ဒီး, ယမ့ၢ်ဘၣ်အီအီၤန့ၣ်, မ်အကမ့ၢ်ဒၣ်ဝဲဒ်တၢ်ဘၣ်နသးအသိးန့ၣ်တက့ၢ်.”

လံာ်မးသဲ 6:9

ဃ့ဘါထုကဖၣ်သုဝဲဒ်အံၤတက့ၢ်. ‘အိၣ်လၢမူခိၣ်ပပၢ်ဧၢ, မ်နမံၤဘၣ်တၢ်ပာ်စီဆှံအီၤတက့ၢ်.

လံာ်မၢ်ကူး 10:27

ယ့ၣ်ၡူးကွၢ်ဃီၤအဝဲသ့ၣ်ဒီးစံးဘၣ်အီၤ, “တၢ်တမံၤအံၤပှၤကညီမၤတသ့လ့ၤတက့ၤဘၣ်. ဘၣ်ဆၣ်လၢကစၢ်ယွၤအဂီၢ်တမ့ၢ်တၢ်ဒ်န့ၣ်ဘၣ်. အဂ့ၢ်ဒ်လဲၣ်န့ၣ်, ယွၤမၤတၢ်သ့ကိးမံၤဒဲးလီၤ.”

လံာ်မၢ်ကူး 10:39

အဝဲသ့ၣ်စံးဆၢက့ၤ, “ပမၤကဲလီၤ.” ယ့ၣ်ၡူးစံးဘၣ်အဝဲသ့ၣ်, “သပှၢ်ကတၢၢ်လီခီလၢယကဘၣ်အီယဲန့ၣ်သုကအီဘၣ်သုဝဲ, ဒီးဒ်ယကဘၣ်ဒိးဘျၢယသးအသိးန့ၣ်သုကဒိးဘျၢဘၣ်သုသးလီၤ.

လံာ်မၢ်ကူး 14:37

အန့ၣ်ဝံၤ အဝဲဒၣ်က့ၤကဒါက့ၤဒီးထံၣ်ဘၣ်အပျဲၢ်အဘီၣ် သၢဂၤန့ၣ်မံဘၣ်အသးလီၤ. အဝဲဒၣ်သံကွၢ်စီၤပ့းတရူး, “စီၤၡံမိၣ်ဧၢ, နမံဘၣ်နသးလံဧါ. နကဆိးသီထဲတနၣ်ရံၣ်ဧိၤတကဲဘၣ်ဧါ.”

လံာ်ယိၤဟၣ် 12:27

ခဲအံၤယသးဘၣ်တံာ်တာ်ဒိၣ်မးဒီးယကဘၣ်စံးဒ်လဲၣ်. မ့ၢ်ယကဘၣ်စံး, ‘ပၢ်ဧၢ, တဘၣ်ပျဲတၢ်ဆၢကတီၢ်နၣ်ရံၣ်အဝဲအံၤဟဲတုၤအိၣ်ယၤတဂ့ၤ’ န့ၣ်ဧါ. ဘၣ်ဆၣ်ယဟဲယဲလၢယကလဲၤခီဖျိတၢ်နးတၢ်ဖှီၣ် အနၣ်ရံၣ်အံၤအဂီၢ်န့ၣ်လီၤ.

လံာ်ယိၤဟၣ် 18:11

ယ့ၣ်ၡူးစံးဘၣ်စီၤပ့းတရူး, “ဖျီၣ်နုာ်က့ၤနနးဆူအတြိးပူၤန့ၣ် တက့ၢ်. မ့ၢ်ယတဘၣ်အီတၢ်နးတၢ်ဖှီၣ်အလီခီလၢယပၢ်ဟ့ၣ်လီၤ ယၤန့ၣ်ဘၣ်ဧါ.”

လံာ်ယိၤဟၣ် 4:34

ယ့ၣ်ၡူးစံးဘၣ်အဝဲသ့ၣ်, “ယတၢ်အီၣ်န့ၣ်မ့ၢ်ယကမၤပှၤလၢ အမၢလီၤယၤတဂၤအတၢ်ဘၣ်အသးဒီးမၤအီၤတုၤအဝံၤ တစုန့ၣ်လီၤ.

လံာ်ယိၤဟၣ် 5:30

ယမၤတၢ်လၢယစိကမီၤဒၣ်ယဲတသ့နီတမံၤဘၣ်. ယစံၣ်ညီၣ်တၢ်ဒ်ယွၤစံးဘၣ်တဲဘၣ်ယၤအသိးအဃိ ယတၢ်စံၣ်ညီၣ်န့ၣ်ဘၣ်ဝဲလီၤ. အဂ့ၢ်ဒ်အံၤ, တမ့ၢ်ယကျဲးစၢးမၤတၢ်လၢအဘၣ်ယသးန့ၣ်ဘၣ်. မ့မ့ၢ်, ယမၤထဲပှၤလၢအမၢလီၤယၤတဂၤအတၢ်ဘၣ်အသး အဃိန့ၣ်လီၤ.

ကလၤတံ 4:6

ဒ်သိးအကအိၣ်ဖျါလၢသုမ့ၢ်အဖိခွါတဖၣ်န့ၣ်, ကစၢ်ယွၤဆှၢလီၤအဖိခွါအသးဆူပသးပူၤ, ယွၤအသးလၢ အကိးထီၣ်ဝဲ, “အးဘၤ, ပၢ်ဧၢ” န့ၣ်လီၤ.

ဖံလံးပံၤ 2:8

အဝဲဒၣ်ဆီၣ်လီၤအသး, ဒီးပိာ်ထွဲတၢ်ဒိကနၣ် ယွၤအကျဲတုၤတၢ်သံ, အတၢ်သံလၢထူၣ်စုညါအလိၤတစုန့ၣ်လီၤ.

၂ တံၤမသ့း 2:13

ပမ့ၢ်တတီဒီးအီၤဘၣ်ဆၣ်, အဝဲဒၣ်အကလုၢ်တီထီဘိ မ့ၢ်လၢအဝဲဒၣ်သမၢလီၤအသး တသ့ဘၣ်အဃိန့ၣ်လီၤ.”

တံတူး 1:2

လၢအသူၣ်လီၤအသးလၢတၢ်မုၢ်လၢ်ဘၣ်ဃးတၢ်မူအထူအယိာ် အဖီခိၣ်န့ၣ်လီၤ. တချုးလၢဟီၣ်ခိၣ်ကဲထီၣ်ဒံးဘၣ်န့ၣ်, ကစၢ်ယွၤလၢအကတိၤတၢ်မ့ၢ်တၢ်တီတဂၤအံၤအၢၣ်လီၤ တ့ၢ်ဝဲလၢအကဟ့ၣ်ပှၤတၢ်မူအံၤ,

ဧ့ၤဘြံၤ 6:18

လၢတၢ်လၢအလဲလိာ်အသးတသ့ဘၣ်, လၢယွၤကတိၤကဘျံးကဘျၣ်လၢအဂ့ၢ်တသ့ဘၣ်, ခံမံၤအံၤအဃိပှၤလၢအဒိးန့ၢ်လံတၢ်ပူၤဖျဲးလၢ အပူၤ, ပဝဲဒၣ်အံၤပသးဆူၣ်ထီၣ်ဒိၣ်ဒိၣ်အါအါလၢ ပကဟံးဃာ်တၢ်မုၢ်လၢ်လၢအအိၣ်ပာ်လီၤအသးလၢ ပမဲာ်ညါန့ၣ်လီၤ.