လံာ်မၢ်ကူး 14:33 - Sgaw Karen Common Bible

³³ အဝဲဒၣ်ကိးန့ၢ်ဝဲစီၤပ့းတရူး, စီၤယၤကိာ်, ဒီးစီၤယိၤဟၣ်လၢအကလဲၤသကိးဒီးအီၤလီၤ. အကတီၢ်ဖဲန့ၣ်အသးဘၣ်တံာ်တာ်ဒီးတၢ်သူၣ်ကိၢ်သးဂီၤအိၣ်ဝဲလၢ အပူၤဒိၣ်ဒိၣ်မုၢ်မုၢ်,

လံာ်မၢ်ကူး 14:33 Iomraidhean Croise

စံးထီၣ်ပတြၢၤ 38:11

ယတံၤသကိးတဖၣ်ဒီးပှၤအိၣ်လၢယဃၢၤတဖၣ် အိၣ်ယံၤဒီးယၤ မ့ၢ်လၢယပူၤလီၢ်တဖၣ်အဃိ, ယဟံၣ်ဖိဃီဖိသ့ၣ်တဖၣ်ဒၣ်လဲာ် အိၣ်ယံၤဒီးယၤလီၤ.

လံာ်ယၡါယၤ 53:10

ယွၤစံးဝဲဒၣ်, “မ့ၢ်တၢ်ဘၣ်ယသးလၢအဝဲကဘၣ်တူၢ်တၢ်လီၤ. အတၢ်သံ န့ၣ်မ့ၢ်တၢ်လုၢ်တၢ်ပာ်တမံၤလၢကဟဲစိာ်တၢ်ပျၢ်တၢ်ကမၣ်အဂီၢ်လီၤ. မၤသးဒ်န့ၣ်ဒီး, အဝဲကထံၣ်ဘၣ်အစၢၤအသွဲၣ်တဖၣ်လီၤ. အဝဲကအိၣ်မူတၢ်အိၣ်မူအိၣ်ကၢအိၣ်ခိး ဒီးခီဖျိအီၤန့ၣ်, ယတၢ်တိာ်ကလၢထီၣ်ပှဲၤထီၣ်ဝဲလီၤ.

လံာ်မၢ်ကူး 16:5

တုၤအဝဲသ့ၣ်လဲၤနုာ်ဝဲဆူတၢ်သွၣ်ခိၣ်အပူၤန့ၣ်ဒီး, ထံၣ်ဝဲပိာ်ခွါသးစၢ်တဂၤဆ့ၣ်နီၤလၢအဝဲသ့ၣ်အစုထွဲတကပၤ, သိးဒီးဆ့ကၤဝါဖးထီတဘ့ၣ်, ဒီးအဝဲသ့ၣ်ဖုးဘၣ်အသးဒီးအသးလီၤကတုၤဝဲဒၣ်လီၤ.

လံာ်မၢ်ကူး 16:6

ဒီးအဝဲဒၣ်စံးဘၣ်အဝဲသ့ၣ်, “ပျံၤတၢ်တဂ့ၤ. သုဃုထံၣ်ပှၤနစၤရ့းဖိယ့ၣ်ၡူး, ပှၤလၢအဘၣ်တၢ်ပျၤထီအီၤလၢထူၣ်စုညါအလိၤတဂၤန့ၣ်လီၤ. အဝဲဒၣ်ဂဲၤဆၢထၢၣ်က့ၤလံ. တအိၣ်ဖဲအံၤလၢၤဘၣ်. ကွၢ်တက့ၢ်. အအံၤမ့ၢ်တၢ်လီၢ်လၢတၢ်ပာ်လီၤအီၤန့ၣ်လီၤ.

လံာ်မၢ်ကူး 5:37

အန့ၣ်ဒီးအဝဲဒၣ်တပျဲပှၤအဂၤကလဲၤပိာ်အခံဆူညါနီတဂၤလၢၤဘၣ်. ပျဲဝဲထဲစီၤပ့းတရူးဒီးစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်ဧိၤလီၤ.

လံာ်မၢ်ကူး 9:15

တုၤပှၤဂီၢ်မုၢ်တဖၣ်ထံၣ်ဘၣ်ယ့ၣ်ၡူးဒီး, တၢ်လီၤကမၢကမၣ်ဘၣ်အဝဲသ့ၣ်ဒိၣ်ဒိၣ်ကလဲာ်သတးဒီး, ဃ့ၢ်ဃီၤဝဲဆူအဝဲဒၣ်အအိၣ်ဒီးကတိၤတူၢ်လိာ်ခီၣ်ဆၢအီၤလီၤ.

လံာ်မၢ်ကူး 9:2

လၢခံဃုသီပူၤကွံာ်န့ၣ်, ယ့ၣ်ၡူးကိးထီၣ်စီၤပ့းတရူး, စီၤယၤကိာ် ဒီးစီၤယိၤဟၣ်ဒီးလဲၤထီၣ်ဝဲဆူကစၢၢ်ဖးထီတဖျၢၣ်အလိၤလီၤ. ဒီးဖဲအအိၣ်ဒၣ်ထဲအဝဲသ့ၣ်ဧိၤန့ၣ်, ယ့ၣ်ၡူးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါလီၤ.

လံာ်လူၤကၣ် 22:44

လၢတၢ်သူၣ်ကိၢ်သးဂီၤဖးဒိၣ်အပူၤ, အဝဲဃ့ဘါထုကဖၣ်တၢ်လၢတၢ်ပာ်အသးသပှၢ်ပှၢ်အပူၤ, ဒိၣ်န့ၢ်အလီၢ်လီၤ. အဝဲဒၣ်အကပၢၤယွၤလီၤဒ်တၢ်သွံၣ်အလီၤစီၤ တဖၣ်အသိး, လၢဟီၣ်ခိၣ်လိၤလီၤ.

ဧ့ၤဘြံၤ 5:7

ဖဲယ့ၣ်ၡူးခရံာ်အိၣ်ဒံးလၢဟီၣ်ခိၣ်ချၢအကတီၢ်န့ၣ်အဝဲဒၣ် လုၢ်ထီၣ်အတၢ်ထုကဖၣ်ဒီးအတၢ်သကွံၢ်ကညးတဖၣ်လၢ အကလုၢ်ဖးဒိၣ်အိၣ်ဒီးတၢ်မဲာ်ထံမဲာ်နိဆူကစၢ်ယွၤလၢ အမၤပူၤဖျဲးထီၣ်အီၤလၢတၢ်သံအပူၤသ့ဝဲတဂၤအအိၣ် န့ၣ်လီၤ. ယွၤဒိကနၣ်အီၤမ့ၢ်လၢအတၢ်အဲၣ်ကစၢ်ယွၤပျံၤ ကစၢ်ယွၤအဃိလီၤ.