လံာ်မၢ်ကူး 14:28 - Sgaw Karen Common Bible

²⁸ ဘၣ်ဆၣ်ဒီးလၢတၢ်ဒုးဂဲၤဆၢထၢၣ်က့ၤယၤလၢတၢ်သံဝံၤအလီၢ်ခံန့ၣ်, ယကလဲၤပာ်စၢၤဆူကီၢ်ကၤလံၤလါလၢသုမဲာ်ညါလီၤ.”

လံာ်မၢ်ကူး 14:28 Iomraidhean Croise

လံာ်မးသဲ 16:21

စးထီၣ်ဖဲအကတီၢ်န့ၣ်, ယ့ၣ်ၡူးတဲနၢ်ပၢၢ်အပျဲၢ်အဘီၣ်တဖၣ်, လၢအဝဲကဘၣ်လဲၤဆူဝ့ၢ်ယရူၤၡလ့ၣ်, ဒီးတူၢ်ဘၣ် ပှၤယူဒၤဖိကရၢအခိၣ်အနၢ်တဖၣ်, ဒီးပှၤလုၢ်တၢ်အခိၣ်အဒိၣ်တဖၣ်, ဒီးပှၤသ့တၢ်ဘူၣ်တၢ်ဘါအတၢ်သိၣ်တၢ်သီတဖၣ်အတၢ်မၤနးမၤဖှီၣ် အီၤအါမံၤ, ဒီးလၢအကဘၣ်တၢ်မၤသံအီၤဒီးလၢသၢသီတသီန့ၣ် ယွၤကဒုးဂဲၤဆၢထၢၣ်က့ၤအီၤန့ၣ်လီၤ.

လံာ်မးသဲ 26:32

ဘၣ်ဆၣ်ဒီး, ဖဲတၢ်ဒုးဂဲၤဆၢထၢၣ်ယၤလၢတၢ်သံဝံၤအလီၢ်ခံ, ယကလဲၤဆိပာ်စၢၤဆူကီၢ်ကၤလံၤလါလၢသုမဲာ်ညါလီၤ.”

လံာ်မးသဲ 28:10

ယ့ၣ်ၡူးစံးဘၣ်အဝဲသ့ၣ်, “ပျံၤတၢ်တဂ့ၤ. လဲၤဒီးတဲဘၣ်ယဒီပုၢ်ဝဲၢ်တဖၣ်လၢအကလဲၤဆူကီၢ်ကၤလံၤလါဒီး ဖဲန့ၣ်အဝဲသ့ၣ်ကထံၣ်ဘၣ်ယၤလီၤ.”

လံာ်မးသဲ 28:16

ယ့ၣ်ၡူးအပျဲၢ်အဘီၣ်တဆံတဂၤ, လဲၤဆူတၢ်လူၢ်ခိၣ်လၢကီၢ်ကၤလံၤလါ အပူၤ, ဖဲယ့ၣ်ၡူးစံးဘၣ်တ့ၢ်အဝဲသ့ၣ်လၢအကဘၣ်လဲၤဝဲန့ၣ်လီၤ.

လံာ်မးသဲ 28:7

အခဲအံၤက့ၤက့ၤချ့ချ့ဒီး တဲဘၣ်အပျဲၢ်အဘီၣ်တဖၣ်ဒ်အံၤ, ‘အဝဲဘၣ်တၢ်ဒုးဂဲၤဆၢထၢၣ်သမူထီၣ်က့ၤအီၤလၢတၢ်သံလံ. ဒီးအခဲအံၤကလဲၤဆိပာ်စၢၤဆူကီၢ်ကၤလံၤလါလၢ သုမဲာ်ညါဒီးသုကထံၣ်အီၤဖဲန့ၣ်လီၤ.’ သ့ၣ်နီၣ်ထီၣ်တၢ်လၢယစံးဘၣ်တ့ၢ်လံသုန့ၣ်တက့ၢ်.”

လံာ်မၢ်ကူး 14:29

စီၤပ့းတရူးစံးဘၣ်အီၤ, “ပှၤဂၤခဲလၢာ်မ့ၢ်သးဟးဂီၤကွံာ်လၢနပူၤ သနာ်က့, ယဲဒၣ်ယသးတဟးဂီၤနီတစုဘၣ်.”

လံာ်မၢ်ကူး 16:7

ခဲအံၤလဲၤဒီးစံးဘၣ်တဲဘၣ်အပျဲၢ်အဘီၣ်တဖၣ်ဃုာ်ဒီးစီၤပ့းတရူး လၢအဝဲဒၣ်ကလဲၤဆိပာ်ဆူကီၢ်ကၤလံၤလါလၢအဝဲသ့ၣ်အမဲာ်ညါ, ဒီးဖဲန့ၣ်န့ၣ်သုကထံၣ်ဘၣ်အီၤဒ်အစံးဘၣ်တ့ၢ်သုအသိးန့ၣ်လီၤ.”

လံာ်ယိၤဟၣ် 21:1

တၢ်အံၤဝံၤအလီၢ်ခံ, ယ့ၣ်ၡူးလီၣ်ဖျါထီၣ်ကဒီးအသးတဘျီလၢ အပျဲၢ်အဘီၣ်တဖၣ်ဖဲပီၣ်လဲၣ်တံၤဘ့ၤရံအနံၤန့ၣ်လီၤ. တၢ်မၤအသးမ့ၢ်ဒ်အံၤလီၤ.