လံာ်မၢ်ကူး 14:16 - Sgaw Karen Common Bible

¹⁶ အပျဲၢ်အဘီၣ်တဖၣ်ဟးထီၣ်ဒီးလဲၤဝဲဆူဝ့ၢ်န့ၣ်အပူၤ, ဒီးထံၣ်ဘၣ်တၢ်ခဲလၢာ်ဒ်ယ့ၣ်ၡူးစံးဘၣ်တ့ၢ်အဝဲသ့ၣ်အသိးလီၤ. ဒီးအဝဲသ့ၣ်ကတဲာ်ကတီၤဝဲတၢ်အီၣ်လၢဘူၣ်လဲၤကပာ်အဂီၢ်န့ၣ်လီၤ.

လံာ်မၢ်ကူး 14:16 Iomraidhean Croise

လံာ်ယဃ့းစက့လး 12:7

ယမၤတၢ်လၢယွၤတဲဘၣ်တ့ၢ်ယၤလၢယကဘၣ်မၤအီၤန့ၣ်လီၤ. မုၢ်နံၤအဝဲန့ၣ်ယဘိၣ်ထီၣ်တၢ်ဘိၣ်တဘိၣ်ဒ်ပှၤဃ့ၢ်ကွံာ်ဆူထံဂၤ ကီၢ်ဂၤတဂၤမၤဝဲအသိး, ဒီးလၢဟါအဝဲန့ၣ်ဖဲတၢ်ခံးလီၤန့ၣ်, ယဘၢၣ်ဖျိတၢ်ပူၤတပူၤလၢဟံၣ်အတၢ်ဒူၣ်လၢယစုဒၣ်ယဲဒီးဟးထီၣ် ကွံာ်ယဲလီၤ. ဖဲပှၤကိးဂၤဒဲးကွၢ်တၢ်အဖၢမုၢ်န့ၣ်, ယဝံထီၣ်တၢ်ဘိၣ်လၢယဖံဘၣ်ခိၣ်အလိၤဒီးဟးထီၣ်ကွံာ်န့ၣ်လီၤ.

လံာ်မၢ်ကူး 14:15

အန့ၣ်ဒီး အဝဲဒၣ်ကဒုးနဲၣ်သုဒၢးဖးလဲၢ်တဖျၢၣ်လၢဟံၣ်ဖီခိၣ် တဆီ, အိၣ်လၢအိၣ်ပှဲၤဒီးတၢ်လၢပလိၣ်ဘၣ်တဖၣ်ဒီးအိၣ်ကတဲာ် ကတီၤပာ်အသးဂ့ၤဂ့ၤဘၣ်ဘၣ်န့ၣ်လီၤ. ကတဲာ်ကတီၤပာ်တၢ်အီၣ်တၢ်အီလၢပဂီၢ်ဖဲဒၢးအဝဲန့ၣ်အပူၤ တက့ၢ်.”

လံာ်မၢ်ကူး 14:17

တုၤမုၢ်ဟါလီၤဒီး, ယ့ၣ်ၡူးဟဲဝဲဒီးအပျဲၢ်အဘီၣ်တဆံခံဂၤန့ၣ်လီၤ.

လံာ်လူၤကၣ် 22:13

အဝဲသ့ၣ်ဟးထီၣ်ဒီးထံၣ်တၢ်ခဲလၢာ်ခဲဆ့ဒ်ယ့ၣ်ၡူးစံးဘၣ်တ့ၢ်အီၤ အသိး, ဒီးကတဲာ်ကတီၤပာ်ဘူၣ်လဲၤကပာ်အတၢ်အီၣ်န့ၣ်လီၤ.

လံာ်လူၤကၣ် 22:35

အန့ၣ်ဝံၤအလီၢ်ခံ, ယ့ၣ်ၡူးစံးဘၣ်အဝဲသ့ၣ်, “တဘျီဖဲယမၢလီၤသု, တအိၣ်ဒီးစ့ထၢၣ်မ့ၢ်ဂ့ၤ, တၢ်အီၣ်အထၢၣ်မ့ၢ်ဂ့ၤ, ခီၣ်ဖံးမ့ၢ်ဂ့ၤန့ၣ်, တၢ်တလၢတပှဲၤလၢသုဂီၢ်အိၣ်ဝဲတမံၤမံၤဒံးဧါ.”

လံာ်ယိၤဟၣ် 16:4

ဘၣ်ဆၣ်ယစံးဘၣ်တဲဘၣ်သုတၢ်တဖၣ်အံၤ, ဒ်သိးဖဲတၢ်ဆၢကတီၢ်တုၤဝဲလၢအဝဲသ့ၣ်မၤတၢ်သ့ၣ်တဖၣ် အံၤဒီး, သုကသ့ၣ်နီၣ်ထီၣ်က့ၤတၢ်လၢယစံးဘၣ်တ့ၢ်သု အဂီၢ်န့ၣ်လီၤ. လၢအခီၣ်ထံးန့ၣ်မ့ၢ်လၢယအိၣ်ဒံးဒီးသုအဃိ, ယတစံးဘၣ်တဲဘၣ်တ့ၢ်သုတၢ်သ့ၣ်တဖၣ်အံၤဘၣ်.