လံာ်မၢ်ကူး 14:14 - Sgaw Karen Common Bible

¹⁴ ဒီးဖဲအလဲၤနုာ်ဝဲဟံၣ်တဖျၢၣ်န့ၣ်, စံးဘၣ်ဟံၣ်ကစၢ်, ‘သရၣ်စံးဝဲ, ပှၤသမှံၤအဒၢးလၢယဂီၢ်, လၢယၤဒီးယပျဲၢ်ယဘီၣ်တဖၣ်ကအီၣ် တၢ်အီတၢ်လၢဘူၣ်လဲၤကပာ်တဘျီအဂီၢ်န့ၣ်, အိၣ်ဖဲလဲၣ်.’

လံာ်မၢ်ကူး 14:14 Iomraidhean Croise

လံာ်မၢ်ကူး 10:17

ဖဲယ့ၣ်ၡူးဟးထီၣ်ဒီးလဲၤတၢ်အကတီၢ်န့ၣ်, ပှၤတဂၤဟဲဃ့ၢ်ထီၣ်ဒီးချံးခီၣ်တီၤလီၤလၢအမဲာ်ညါဒီးသံ ကွၢ်အီၤ, “သရၣ်လၢအဂ့ၤတဂၤဧၢ, ဒ်သိးယကန့ၢ်ဘၣ်သါတၢ်မူအထူအယိာ်အဂီၢ်ယကဘၣ် မၤတၢ်မနုၤလဲၣ်.”

လံာ်မၢ်ကူး 11:3

ပှၤတဂၤဂၤမ့ၢ်သံကွၢ်သု, ဘၣ်မနုၤသုဘၣ်မၤတၢ်ဒ်န့ၣ်လဲၣ်ဒီး, စံးဘၣ်အီၤလၢကစၢ်လိၣ်ဘၣ်အီၤ, ဒီးသူဝဲဝံၤတဘျီဃီကဆှၢကဒါက့ၤဝဲန့ၣ်လီၤ.”

လံာ်မၢ်ကူး 14:13

အန့ၣ်ဒီးယ့ၣ်ၡူးမၢလီၤအပျဲၢ်အဘီၣ်ခံဂၤဒီးစံးဘၣ်အဝဲသ့ၣ်, “လဲၤနုာ်ဆူဝ့ၢ်ပူၤဒီးသုကထံၣ်ဘၣ်ပှၤတဂၤယိးသပၢၤထံတဖျၢၣ်လီၤ. လဲၤပိာ်အခံ,

လံာ်မၢ်ကူး 14:15

အန့ၣ်ဒီး အဝဲဒၣ်ကဒုးနဲၣ်သုဒၢးဖးလဲၢ်တဖျၢၣ်လၢဟံၣ်ဖီခိၣ် တဆီ, အိၣ်လၢအိၣ်ပှဲၤဒီးတၢ်လၢပလိၣ်ဘၣ်တဖၣ်ဒီးအိၣ်ကတဲာ် ကတီၤပာ်အသးဂ့ၤဂ့ၤဘၣ်ဘၣ်န့ၣ်လီၤ. ကတဲာ်ကတီၤပာ်တၢ်အီၣ်တၢ်အီလၢပဂီၢ်ဖဲဒၢးအဝဲန့ၣ်အပူၤ တက့ၢ်.”

လံာ်လူၤကၣ် 22:11

ဒီးစံးဘၣ်ဟံၣ်ကစၢ်န့ၣ်, ‘သရၣ်စံးဘၣ်နၤ, ဒၢးလၢယပျဲၢ်ယဘီၣ်ဒီးယၤ ပကအီၣ်ဘူၣ်လဲၤကပာ်အတၢ်အီၣ်အဂီၢ်န့ၣ်, အိၣ်ဖဲလဲၣ်.’

လံာ်ယိၤဟၣ် 11:28

နီၢ်မၢ်သၤစံးတၢ်ဒ်အံၤဝံၤဒီး, အဝဲက့ၤကဒါက့ၤဒီးကိး အဒီပုၢ်ဝဲၢ်မုၣ်နီၢ်မၤရံကစုဒုဒီးစံးဘၣ်အီၤ, “သရၣ်ဟဲတုၤဖဲအံၤလံဒီးအဲၣ်ဒိးထံၣ်နၤလီၤ.”

လံာ်ယိၤဟၣ် 13:13

သုကိးယၤလၢသရၣ်ဒီးကစၢ်ဒီးသုကတိၤတၢ်ဒ်အံၤမ့ၢ်တၢ်လၢ အဘၣ်လီၤ. အဂ့ၢ်ဒ်အံၤယမ့ၢ်တၢ်အဝဲန့ၣ်လီၤ.

လံာ်လီၣ်ဖျါ 3:20

ဒိကနၣ်တက့ၢ်. ယအိၣ်ဆၢထၢၣ်ယဲဖဲတြဲၤအခီၣ်ထံးဒီးဒိ တကျိာ်တၢ်လီၤ. ပှၤတဂၤဂၤမ့ၢ်နၢ်ဟူယကလုၢ်ဒီးအိးထီၣ်တြဲၤန့ၣ်, ယကဟဲနုာ်လီၤလၢအဟံၣ်ပူၤဒီးအီၣ်တၢ်အီတၢ်ဒီးအီၤဒီး အဝဲဒၣ်ကအီၣ်တၢ်အီတၢ်ဒီးယၤလီၤ.