လံာ်မၢ်ကူး 14:12 - Sgaw Karen Common Bible

¹² ဖဲဘူၣ်ကိၣ်တအိၣ်ဘၣ်ဒီးကိၣ်မံၣ်ဘၣ်ဝဲအခီၣ်ထံးတနံၤ, လၢအမ့ၢ်မုၢ်နံၤလၢတၢ်မၤသံဒီးလုၢ်ထီၣ်ဘူၣ်လဲၤကပာ်အသိဖိ န့ၣ်, ယ့ၣ်ၡူးအပျဲၢ်အဘီၣ်တဖၣ်သံကွၢ်အီၤ, “နအဲၣ်ဒိးလၢပကလဲၤကတဲာ်ကတီၤပာ်ဘူၣ်လဲၤကပာ်အတၢ် အီၣ်လၢနဂီၢ်ဖဲလဲၣ်တပူၤလဲၣ်.”

လံာ်မၢ်ကူး 14:12 Iomraidhean Croise

လံာ်တၢ်ဟးထီၣ်ကွံာ် 12:18

စးထီၣ်လၢလါအခီၣ်ထံးတလါတဆံလွံၢ်သီဟါတုၤဃီၤလၢခံဆံ တသီဟါန့ၣ်သုတဘၣ်အီၣ်ကိၣ်တခါလၢ်လၢ်လၢအဘၣ်တၢ်မၤအီၤဒီးကိၣ် မံၣ်န့ၣ်ဘၣ်.

လံာ်တၢ်ဟးထီၣ်ကွံာ် 12:6

ဒီးလၢလါတလါအံၤတဆံလွံၢ်နံၤတနံၤဟါခီန့ၣ်ကီၢ်အံၣ်စရ့လး အကမျၢၢ်အဟံၣ်ဖိဃီဖိကိးဒူၣ်ဒဲးကဘၣ်မၤသံဆၣ်ဖိကီၢ်ဖိတဖၣ် န့ၣ်လီၤ.

လံာ်တၢ်ဟးထီၣ်ကွံာ် 12:8

ဒီးလၢမုၢ်နၤအဝဲန့ၣ်တၢ်ဖံးတၢ်ညၣ်ကဘၣ်တၢ်ကၣ်မံအီၤဒီးအီၣ် အီၤဃုာ်ဒီးကိၣ်လၢတအိၣ်ဘၣ်ဒီးကိၣ်မံၣ်ဒီးတၢ်ဒီးတၢ်လၣ်အခၣ်န့ၣ်လီၤ.

လံာ်တၢ်ဟးထီၣ်ကွံာ် 13:3

ဒီးစီၤမိၤၡ့စံးဘၣ်ပှၤဂီၢ်မုၢ်, “သ့ၣ်နီၣ်ထီၣ်မုၢ်တနံၤအံၤ, မုၢ်တနံၤလၢသုဟးထီၣ်လၢကီၢ်အဲၤကူပတူး, တၢ်လီၢ်လၢသုကဲတ့ၢ်ကုၢ်န့ၣ်တက့ၢ်. တၢ်အံၤမ့ၢ်မုၢ်တနံၤလၢယွၤထုးထီၣ်ကွံာ်သုလၢအစိကမီၤဖးဒိၣ်န့ၣ်လီၤ. ကိၣ်လၢတၢ်မၤအီၤလၢကိၣ်မံၣ်န့ၣ်အီၣ်အီၤတဂ့ၤ.

လံာ်မးသဲ 3:15

ဘၣ်ဆၣ်ဒီးယ့ၣ်ၡူးစံးဆၢအီၤ, “မ့မ့ၢ်ဘျီအဝဲအံၤ မ်နသုတဂ့ၢ်လိာ်ယၤတဂ့ၤ. အဂ့ၢ်ဒ်အံၤ, ခီဖျိတၢ်အံၤန့ၣ်ပကမၤလၢပှဲၤထီၣ်ကစၢ်ယွၤအတၢ် အဲၣ်ဒိးခဲလၢာ်လီၤ.” ဒီးစီၤယိၤဟၣ်အၢၣ်လီၤထွဲအခံလီၤ.

လံာ်မၢ်ကူး 14:1

အကတီၢ်မ့ၢ်ဖဲဘူၣ်လဲၤကပာ်ဒီးဘူၣ်ကိၣ်တအိၣ်ဒီးကိၣ်မံၣ် တချုးဘၣ်ဒံးဘၣ်ခံသီန့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤသ့တၢ်ဘူၣ်တၢ်ဘါအတၢ် သိၣ်တၢ်သီတဖၣ်ဃုဝဲကျဲလၢတၢ်ခူသူၣ်အပူၤလၢအကဖီၣ် န့ၢ်ယ့ၣ်ၡူးဒီးမၤသံကွံာ်အီၤအဂီၢ်န့ၣ်လီၤ.

လံာ်မၢ်ကူး 14:11

တုၤအဝဲသ့ၣ်နၢ်ဟူဘၣ်အဝဲဟဲလၢမနုၤအဂီၢ်လဲၣ်န့ၣ်ဒီး, သူၣ်ခုသးခုဝဲဒီးအၢၣ်လီၤအီလီၤဝဲလၢအကဟ့ၣ် လီၤအီၤစ့လီၤ. အန့ၣ်ဒီးစီၤယူဒၤစးထီၣ်ဃုကျဲလၢကန့ၢ် ဘၣ်ဆၢဂ့ၤကတီၢ်ဘၣ်လၢကဟ့ၣ်လီၤကွံာ်ယ့ၣ်ၡူးဆူ အဝဲသ့ၣ်အစုပူၤအဂီၢ်လီၤ.

လံာ်မၢ်ကူး 14:13

အန့ၣ်ဒီးယ့ၣ်ၡူးမၢလီၤအပျဲၢ်အဘီၣ်ခံဂၤဒီးစံးဘၣ်အဝဲသ့ၣ်, “လဲၤနုာ်ဆူဝ့ၢ်ပူၤဒီးသုကထံၣ်ဘၣ်ပှၤတဂၤယိးသပၢၤထံတဖျၢၣ်လီၤ. လဲၤပိာ်အခံ,

ကလၤတံ 4:4

ဘၣ်ဆၣ်ဒီး, ဖဲတၢ်ဆၢကတီၢ်အဘၣ်တုၤဃီၤဝဲန့ၣ်, ကစၢ်ယွၤဆှၢလီၤအဖိခွါဒၣ်ဝဲလီၤ. အဝဲဒၣ်ဟဲဒ်မိၢ်လၢအမ့ၢ်ပှၤဟီၣ်ခိၣ်ဖိတဂၤအဖိအသိးဒီးအိၣ် မူလၢယူဒၤဖိအတၢ်သိၣ်တၢ်သီအဖီလာ်,

လံာ်သိၣ်လီၤသီလီၤတၢ် 16:5

မၤသံဘူၣ်လဲၤကပာ်အဆၣ်ဖိကီၢ်ဖိတဖၣ်ဖဲဒၣ်တၢ်ဘူၣ်ထီၣ်ဘါထီၣ် အလီၢ်တတီၤဧိၤဒီးတမ့ၢ်ဘၣ်လၢတၢ်လီၢ်အဂၤ, လၢကီၢ်လၢယွၤ, သုကစၢ်ယွၤဟ့ၣ်လီၤသုန့ၣ်ဘၣ်.