လံာ်မၢ်ကူး 13:6 - Sgaw Karen Common Bible

⁶ ပှၤအါဂၤကဟဲဒီးကမၤအသးဒ်အမ့ၢ်ယၤအသိးဒီးကစံးဝဲလၢအမ့ၢ် ခရံာ်ဒီးကလီန့ၢ်လွဲန့ၢ်ပှၤအါဂၤအသးလီၤ.

လံာ်မၢ်ကူး 13:6 Iomraidhean Croise

လံာ်ယံးရမံယၤ 14:14

ဘၣ်ဆၣ်ဒီးယွၤစံးဆၢက့ၤဝဲ, “ဝံတဖၣ်န့ၣ်ကတိၤလီတၢ်လၢယမံၤအပူၤလီၤ. ယတမၢလီၤဘၣ်အဝဲသ့ၣ်မ့ၢ်ဂ့ၤ, ဟ့ၣ်လီၤအဝဲသ့ၣ်လၢယကလုၢ်တမံၤမံၤမ့ၢ်ဂ့ၤ, ကတိၤတၢ်တဘီဒၣ်လဲာ်ဒီးအဝဲသ့ၣ်မ့ၢ်ဂ့ၤန့ၣ်ဘၣ်. တၢ်ထံၣ်လၢညါခီတဖၣ်လၢအဝဲသ့ၣ်စံးကတိၤဝဲလၢ အဂ့ၢ်န့ၣ်တဟဲလၢယအိၣ်ဘၣ်. အဝဲသ့ၣ်အတၢ်ကတိၤဆိ ပာ်တၢ်တဖၣ်န့ၣ်မ့ၢ်တၢ်တဖၣ်လၢအလုၢ်အပှ့ၤတအိၣ် ဘၣ်လၢအဆိကမိၣ်ထီၣ်န့ၢ်ဒၣ်ဝဲန့ၣ်လီၤ.

လံာ်မးသဲ 24:11

ဒီးဝံအဘျၣ်တဖၣ်ကပၢၢ်ထီၣ်အါဂၤဒီးကလီန့ၢ်ပှၤအါဂၤလီၤ.

လံာ်မးသဲ 24:5

ပှၤအါဂၤကဟဲလၢယမံၤဒီးစံး, ‘ယမ့ၢ်ခရံာ်’ လီၤ. ဒီးအဝဲသ့ၣ်ကလီန့ၢ်ပှၤအါဂၤလီၤ.

လံာ်မၢ်ကူး 13:22

အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်မၢ်ကူး 13:5

ယ့ၣ်ၡူးစံးဘၣ်အဝဲသ့ၣ်, “ပလီၢ်သုသးတက့ၢ်. သုတပျဲပှၤလီန့ၢ်သုနီတဂၤတဂ့ၤ.

လံာ်မၢ်ကူး 13:7

ဒီးတုၤသုနၢ်ဟူဘၣ်တၢ်ဒုးတၢ်ယၤသီၣ်ထီၣ်သဲထီၣ်ဖဲတၢ်လီၢ် ဘူးဒီးသု, ဒီးသုမ့ၢ်န့ၢ်ဘၣ်တၢ်ကစီၣ်လၢတၢ်ဒုးတၢ်ယၤအိၣ်ထီၣ် စ့ၢ်ကီးလၢအယံၤန့ၣ်, သုတသူၣ်ကိၢ်သးဂီၤတဂ့ၤ. တၢ်တဖၣ်အံၤကဘၣ်မၤအသး, ဘၣ်ဆၣ်တမ့ၢ်ဒံးတၢ်အစိၤကတၢၢ်ဘၣ်.

လံာ်ယိၤဟၣ် 5:43

ယဟဲယဲလၢယပၢ်အမံၤ, ဘၣ်ဆၣ်ဒီးသုတတူၢ်လိာ်ယၤဘၣ်. ပှၤအဂၤမ့ၢ်ဟဲဆူသုအိၣ်လၢအမံၤဒၣ်ဝဲဒီး, သုကတူၢ်လိာ်အီၤန့ၣ်လီၤ.

လံာ်ယိၤဟၣ် 8:24

လၢတၢ်န့ၣ်အဃိ, ယစံးဘၣ်သုလၢသုကသံလၢသုတၢ်ဒဲးဘးတဖၣ် အပူၤလီၤ. ဒီးသုမ့ၢ်တနာ်လၢ ‘ယမ့ၢ်တၢ်လၢယမ့ၢ်’ ဘၣ်ဒီး သုကသံလၢသုတၢ်ဒဲးဘးတဖၣ်အပူၤလီၤ.”

လံာ်ယိၤဟၣ် 8:28

မၤသးဒ်န့ၣ်ဒီးယ့ၣ်ၡူးစံးဘၣ်အဝဲသ့ၣ်, “တုၤသုယူာ်ထီၣ် ပှၤကညီဖိခွါအံၤဒီး, သုကသ့ၣ်ညါလၢ ‘ယမ့ၢ်တၢ်လၢယမ့ၢ်’ လီၤ. တုၤနုၤတစုသုကသ့ၣ်ညါလၢယတမၤတၢ်လၢယစိ ကမီၤဒၣ်ယဲနီတမံၤဘၣ်. မ့မ့ၢ်တခီ, ယစံးကတိၤထဲတၢ်လၢ ယပၢ်သိၣ်လိယၤလၢယကစံးကတိၤအီၤတဖၣ်ဧိၤန့ၣ်လီၤ.

၁ ယိၤဟၣ် 4:1

ယတံၤသကိးသးဘိသ့ၣ်ဧၢ, ပှၤလၢအစံးလီၤအသးလၢအအိၣ်ဒီးယွၤအသးခဲလၢာ်န့ၣ်, နာ်အီၤတဂ့ၤ. မ့မ့ၢ်, မၤကွၢ်အီၤဒ်သိးသုကထံၣ်သ့ၣ်ညါသးလၢအအိၣ်ဒီးအဝဲသ့ၣ်, မ့ၢ်အဟဲလၢကစၢ်ယွၤအအိၣ်ကစီဒီဧါအဂီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်, ဝံအဘျၣ်အါဂၤအိၣ်ထီၣ်ဝဲလၢဟီၣ်ခိၣ်ချၢလံ.