လံာ်မၢ်ကူး 13:32 - Sgaw Karen Common Bible

³² မ့မ့ၢ်တၢ်တဖၣ်အံၤကမၤအသးအမုၢ်နံၤမုၢ်သီအဆၢကတီၢ်နၣ်ရံၣ် န့ၣ်, ပှၤတသ့ၣ်ညါနီတဂၤဘၣ်. ကလူးလၢမူခိၣ်တဖၣ်မ့ၢ်ဂ့ၤ, ဖိခွါမ့ၢ်ဂ့ၤတသ့ၣ်ညါဝဲဘၣ်. ပှၤသ့ၣ်ညါတၢ်အံၤမ့ၢ်ထဲပၢ်တဂၤဧိၤလီၤ.

လံာ်မၢ်ကူး 13:32 Iomraidhean Croise

လံာ်မးသဲ 25:13

ဒီးယ့ၣ်ၡူးမၤကတၢၢ်က့ၤအတၢ်ကတိၤဒီးစံး, “ဆိးသီတက့ၢ်. အဂ့ၢ်ဒ်အံၤ, မုၢ်နံၤမ့ၢ်ဂ့ၤ, နၣ်ရံၣ်မ့ၢ်ဂ့ၤသုတသ့ၣ်ညါဘၣ်.

လံာ်မးသဲ 25:19

ဆၢကတီၢ်ဖးယံာ်ဝံၤအလီၢ်ခံ, တၢ်အခ့အပှၤတဖၣ်အံၤအကစၢ်ဟဲက့ၤ, ဒီးသုးကျဲၤမၤဘၣ်လိာ်ဘၣ်စးက့ၤအစ့စရီလၢအခ့အပှၤတဖၣ် လီၤ.

လံာ်မးသဲ 25:6

ဒီးလၢဖးဖီမုၢ်န့ၣ်, တၢ်ကိးသတြီထီၣ်ဝဲ, ‘တလးမူးပိာ်ခွါဟဲလံ, ဟဲဒီးသဂၢၢ်အီၤတက့ၢ်.’

လံာ်မၢ်ကူး 13:31

မူခိၣ်ဒီးဟီၣ်ခိၣ်အစိၤကကတၢၢ်ကွံာ်ဝဲဒၣ်, ဘၣ်ဆၣ်ဒီးယတၢ်ကတိၤတဖၣ်ကအိၣ်ဂၢၢ်ဆိးကျၢၤလီၤစိၤလီၤထီလီၤ.

မၤတၢ် 1:7

ယ့ၣ်ၡူးစံးဆၢက့ၤအဝဲသ့ၣ်, “တၢ်ဆၢကတီၢ်ဒီးတၢ်ကတီၢ်လီၤဆီတဖၣ်န့ၣ်, အိၣ်ဒၣ်လၢယပၢ်အစုပူၤလၢအကစံၣ်ညီၣ်ပာ်လီၤဝဲလၢအစိကမီၤဒၣ် ဝဲဒီးတၢ်တပျဲသုသ့ၣ်ညါတၢ်ဆၢကတီၢ်အံၤန့ၣ်ဘၣ်.

၂ ပ့းတရူး 3:10

ဘၣ်ဆၣ်ဒီးကစၢ်အမုၢ်တနံၤကဟဲဝဲဒ်တၢ်ဘျၣ်တဂၤအသိး လီၤ. ဒီးလၢမုၢ်နံၤအဝဲန့ၣ်မူခိၣ်ကလီၤမၢ်ကွံာ်လၢတၢ်သီၣ် ဖးဒိၣ်, တၢ်အမိၢ်ပှၢ်လၢမူခိၣ်တဖၣ်ကကဲၤထီၣ်ဒီးဟးဂီၤ ကွံာ်, ဒီးဟီၣ်ခိၣ်ဒီးတၢ်အိၣ်လၢအပူၤခဲလၢာ်မ့ၣ်အူကအီၣ် ကွံာ်အီၤန့ၣ်လီၤ.

လံာ်လီၣ်ဖျါ 1:1

လံာ်တဘ့ၣ်အံၤမ့ၢ်ဝဲဒၣ်တၢ်ကွဲးနီၣ်ဘၣ်ဃးတၢ်ဂ့ၢ်တၢ်ကျိၤ လၢယ့ၣ်ၡူးခရံာ်လီၣ်ဖျါထီၣ်ဝဲတဖၣ်လီၤ. ကစၢ်ယွၤဟ့ၣ်အီၤတၢ်လီၣ်ဖျါအဝဲအံၤဒ်သိးအကဒုးနဲၣ်အခ့အပှၤ တဖၣ်လၢတၢ်လၢအကဘၣ်မၤအသးဘူးတ့ၢ်မးလံ တဖၣ်န့ၣ်လီၤ. ခရံာ်ဒုးသ့ၣ်ညါအခ့အပှၤစီၤယိၤဟၣ်လၢ တၢ်ဂ့ၢ်သ့ၣ်တဖၣ်အံၤခီဖျိအဆှၢလီၤအမူခိၣ်ကလူး ဆူအဝဲဒၣ်အအိၣ်,

လံာ်လီၣ်ဖျါ 3:3

လၢတၢ်န့ၣ်အဃိ, သ့ၣ်နီၣ်ထီၣ်က့ၤတၢ်လၢနဘၣ်တၢ်သိၣ်လိ တ့ၢ်နၤ, ဒီးတၢ်လၢနနၢ်ဟူဘၣ်တ့ၢ်နဲန့ၣ်တက့ၢ်. စူၢ်အီၤဒီးဃၣ်ကွံာ်လၢနတၢ်ဒဲးဘးတဖၣ်န့ၣ်တက့ၢ်. နမ့ၢ်တဖု သံနီၣ်ထီၣ်ဘၣ်ဒီးယကဟဲဆူနအိၣ်ဒ်တၢ်ဘျၣ်တဂၤအသိး, ဒီးယကဟဲဖဲတၢ်ဆၢကတီၢ်နၣ်ရံၣ်မတၤလဲၣ်န့ၣ်တမ့ၢ်လၢ နကသ့ၣ်ညါနဲဒၣ်လဲာ်ဘၣ်.