လံာ်မၢ်ကူး 13:3 - Sgaw Karen Common Bible

³ ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်ဒီးကွၢ်ဃီၤ တၢ်ဆူတၢ်လုၢ်ဟံၣ်အကတီၢ်န့ၣ်, စီၤပ့းတရူး, စီၤယၤကိာ်, စီၤယိၤဟၣ်, ဒီးစီၤအၣ်ဒရ့းတဖၣ်သံကွၢ်အီၤကစုဒု,

လံာ်မၢ်ကူး 13:3 Iomraidhean Croise

လံာ်မးသဲ 13:10

တုၤနုၤတစုအပျဲၢ်အဘီၣ်တဖၣ်ဟဲဆူယ့ၣ်ၡူးအအိၣ်ဒီးသံကွၢ်အီၤ, “နမ့ၢ်ကတိၤတၢ်ဒီးပှၤတဖၣ်န့ၣ်, ဘၣ်မနုၤလၢနသူတၢ်ကတိၤဒိတဖၣ်လဲၣ်.”

လံာ်မးသဲ 13:36

တုၤနုၤတစုယ့ၣ်ၡူးဟးဖးဒီးပှၤဂီၢ်မုၢ်ဒီးက့ၤဝဲဆူဟံၣ်ပူၤန့ၣ်လီၤ. အပျဲၢ်အဘီၣ်တဖၣ်လဲၤဆူအအိၣ် ဒီးစံးဘၣ်အီၤ, “တဲဖျါန့ၢ်ပှၤလၢတၢ်ကတိၤဒိဘၣ်ဃးဒီး နီၣ်စံစၣ်လၢပျီပူၤအခီပညီတက့ၢ်.”

လံာ်မးသဲ 17:1

ဃုသီဝံၤအလီၢ်ခံဒီး, ယ့ၣ်ၡူးကိးန့ၢ်စီၤပ့းတရူး, စီၤယၤကိာ်ဒီးအဒီပုၢ်ဝဲၢ်စီၤယိၤဟၣ်, ဒီးလဲၤဆှၢထီၣ်အဝဲသ့ၣ်ဆူကစၢၢ်ဖးထီတဖျၢၣ်အလိၤ, ဒီးအိၣ်ဝဲဖဲန့ၣ်ထဲအဝဲသ့ၣ်ဧိၤလီၤ.

လံာ်မးသဲ 21:1

ဖဲယ့ၣ်ၡူးဒီးအပျဲၢ်အဘီၣ်တဖၣ်လဲၤဘူးထီၣ်ဒီးဝ့ၢ်ယရူၤၡလ့ၣ်, တုၤဃီၤဝဲလၢသဝီဘ့ၤသဖၤက့လၢကစၢၢ်သ့ၣ်စၤယံးဒီး, ယ့ၣ်ၡူးမၢလီၤဆိအပျဲၢ်အဘီၣ်ခံဂၤ

လံာ်မးသဲ 24:3

ဖဲယ့ၣ်ၡူးဆ့ၣ်နီၤဝဲလၢကစၢၢ်သ့ၣ်စၤယံးအဒီခိၣ်န့ၣ်, အပျဲၢ်အဘီၣ်တဖၣ်ဟဲဆူအအိၣ်ကစုဒုဒီးစံးဘၣ်အီၤ, “တဲဘၣ်ပှၤတက့ၢ်. တၢ်အံၤတဖၣ်ကမၤအသးအခါဖဲလဲၣ်. ဒီးတၢ်မနုၤကမၤအသးလၢအကဒုးနဲၣ်ပှၤလၢနတၢ်ဟဲက့ၤဒီးတၢ် အစိၤအကတၢၢ်န့ၣ်လဲၣ်.”

လံာ်မၢ်ကူး 10:35

စီၤယၤကိာ်ဒီးစီၤယိၤဟၣ်လၢအမ့ၢ်စီၤစ့းဘ့းဒဲအဖိခွါတဖၣ် န့ၣ်ဟဲသုးဘူးဃီၤအသးဆူယ့ၣ်ၡူးအအိၣ်ဒီးစံးဘၣ်အီၤ, “သရၣ်ဧၢ, တၢ်တမံၤလၢပကဃ့သကွံၢ်ကညးနၤန့ၣ်ပအဲၣ်ဒိးလၢနကမၤန့ၢ်လၢပဂီၢ်လီၤ.”

လံာ်မၢ်ကူး 13:4

“တၢ်လၢနစံးနဲတမံၤန့ၣ်ကမၤအသးအကတီၢ်ဖဲလဲၣ်ဒီးတၢ်ပနီၣ်လၢ ကဒုးသ့ၣ်ညါပှၤတၢ်ဆၢကတီၢ်လၢတၢ်ခဲလၢာ်အံၤကမၤအသးန့ၣ် မ့ၢ်မနုၤတဖၣ်လဲၣ်. စံးဘၣ်တဲဘၣ်ပှၤတက့ၢ်.”

လံာ်မၢ်ကူး 14:33

အဝဲဒၣ်ကိးန့ၢ်ဝဲစီၤပ့းတရူး, စီၤယၤကိာ်, ဒီးစီၤယိၤဟၣ်လၢအကလဲၤသကိးဒီးအီၤလီၤ. အကတီၢ်ဖဲန့ၣ်အသးဘၣ်တံာ်တာ်ဒီးတၢ်သူၣ်ကိၢ်သးဂီၤအိၣ်ဝဲလၢ အပူၤဒိၣ်ဒိၣ်မုၢ်မုၢ်,

လံာ်မၢ်ကူး 4:34

မ့တမ့ၢ်ဘၣ်လၢတၢ်ကတိၤဒိတဖၣ်ဘၣ်ဒီး, အဝဲဒၣ်တသိၣ်လီၤသီလီၤအဝဲသ့ၣ်လၢတၢ်နီတမံၤဘၣ်. မ့မ့ၢ်တုၤအအိၣ်ဒၣ်ထဲအဝဲဒၣ်ဒီးအပျဲၢ်အဘီၣ်တဖၣ်န့ၣ်, ကတိၤဖျါထီၣ်တၢ်အခီပညီတဖၣ်ခဲလၢာ်လၢအဝဲသ့ၣ်လီၤ.

လံာ်မၢ်ကူး 5:37

အန့ၣ်ဒီးအဝဲဒၣ်တပျဲပှၤအဂၤကလဲၤပိာ်အခံဆူညါနီတဂၤလၢၤဘၣ်. ပျဲဝဲထဲစီၤပ့းတရူးဒီးစီၤယၤကိာ်, ဒီးအဒီပုၢ်ဝဲၢ်စီၤယိၤဟၣ်ဧိၤလီၤ.

လံာ်မၢ်ကူး 9:2

လၢခံဃုသီပူၤကွံာ်န့ၣ်, ယ့ၣ်ၡူးကိးထီၣ်စီၤပ့းတရူး, စီၤယၤကိာ် ဒီးစီၤယိၤဟၣ်ဒီးလဲၤထီၣ်ဝဲဆူကစၢၢ်ဖးထီတဖျၢၣ်အလိၤလီၤ. ဒီးဖဲအအိၣ်ဒၣ်ထဲအဝဲသ့ၣ်ဧိၤန့ၣ်, ယ့ၣ်ၡူးအက့ၢ်အဂီၤလဲလိာ်အသးလၢအဝဲသ့ၣ်အမဲာ်ညါလီၤ.