လံာ်မၢ်ကူး 13:22 - Sgaw Karen Common Bible

²² အဂ့ၢ်ဒ်လဲၣ်န့ၣ်, ခရံာ်အဘျၣ်ဒီးဝံအဘျၣ်တဖၣ်ကဟဲပၢၢ်ထီၣ်, ဒီးကဒုးနဲၣ်ပှၤလၢတၢ်ပနီၣ်လီၤဆီအါမံၤဒီးကမၤတၢ်လီၤလး တဖၣ်ဒ်သိးမ့ၢ်သ့ဒီးကလီန့ၢ်လွဲန့ၢ်ကစၢ်ယွၤအပှၤဃုထၢဖိ တဖၣ်ဒၣ်လဲာ်န့ၣ်လီၤ.

လံာ်မၢ်ကူး 13:22 Iomraidhean Croise

လံာ်မးသဲ 24:24

အဂ့ၢ်ဒ်အံၤ, ခရံာ်အဘျၣ်ဒီးဝံအဘျၣ်တဖၣ်ကပၢၢ်ထီၣ်, ဒီးကဒုးနဲၣ်တၢ်အပနီၣ် ဒီးတၢ်လီၤလးအဒိၣ်အမုၢ်တဖၣ်ဒ်သိးဒီး, မ့ၢ်သ့မ့ၢ်ဘၣ်န့ၣ်, ကလီန့ၢ်ပၢၢ်တုၤလၢကစၢ်ယွၤအပှၤဃုထၢဖိတဖၣ်ဒၣ်လဲာ်လီၤ.

လံာ်မးသဲ 7:15

ပလီၢ်သုသးလၢဝံအဘျၣ်တဖၣ်တက့ၢ်. အဝဲသ့ၣ်ဟဲဆူသုအိၣ်ဖျါမၤအသးဒ်သိတဖၣ်အသိး, ဘၣ်ဆၣ်နီၢ်နီၢ်တခီလၢအကံၢ်အလဲန့ၣ်အဝဲသ့ၣ်လီၤဂာ် ဒီးထွံၣ်မံၤအအၢအသီတဖၣ်လီၤ.

လံာ်မၢ်ကူး 13:21

အန့ၣ်ဝံၤပှၤတဂၤဂၤမ့ၢ်စံးဘၣ်နၤ, ‘ကွၢ်တက့ၢ်, ခရံာ်ကစၢ်အိၣ်လၢအံၤ’ မ့တမ့ၢ်ဘၣ်ဒီးမ့ၢ်စံးဘၣ်နၤ, ‘ကွၢ်တက့ၢ်, ခရံာ်ကစၢ်အိၣ်လၢန့ၣ်’ ဒီး, နာ်အီၤတဂ့ၤ.

လံာ်မၢ်ကူး 13:23

ပလီၢ်သုသးတက့ၢ်. တချုးတၢ်တဖၣ်အံၤမၤဒံးအသးဘၣ်ဒီး, ယတဲပလီၢ်တ့ၢ်သုတၢ်ကိးမံၤဒဲးလံ.

လံာ်မၢ်ကူး 13:6

ပှၤအါဂၤကဟဲဒီးကမၤအသးဒ်အမ့ၢ်ယၤအသိးဒီးကစံးဝဲလၢအမ့ၢ် ခရံာ်ဒီးကလီန့ၢ်လွဲန့ၢ်ပှၤအါဂၤအသးလီၤ.

လံာ်ယိၤဟၣ် 4:48

ယ့ၣ်ၡူးစံးဘၣ်အီၤ, “သုမ့ၢ်တထံၣ်ဘၣ်တၢ်လီၤလိၢ်လီၤလးဒီးတၢ်ပနီၣ်လီၤလး တဖၣ်ဘၣ်န့ၣ်, သုတစူၢ်က့ၤနာ်က့ၤတၢ်နီတဂၤဘၣ်.”

လံာ်သိၣ်လီၤသီလီၤတၢ် 13:1

ဝံတဂၤမ့တမ့ၢ်ပှၤဖးတၢ်မံမီၢ်တဖၣ်အခီပညီတဂၤ ကအၢၣ်လီၤတၢ်လီၤလိၢ်လီၤလးတမံၤမ့တမ့ၢ်တၢ်လီၤကမၢကမၣ်တမံၤ,

၂ တံၤမသ့း 2:19

ဘၣ်ဆၣ်ဒီးတၢ်အခီၣ်ထံးဂၢၢ်ကျၢၤလၢကစၢ်ယွၤပာ်လီၤ တ့ၢ်ဝဲန့ၣ်, တၢ်မၤဟူးမၤဝးအီၤတန့ၢ်ဘၣ်. လၢအလိၤတၢ်ကတိၤတဖၣ်အံၤအိၣ်ကွဲးအသး, “ကစၢ်သ့ၣ်ညါပှၤလၢအမ့ၢ်အတၢ်လီၤ.” ဒီး “ပှၤလၢအစံးလၢအဝဲဘၣ်ဃးဒီးကစၢ်န့ၣ်ကဘၣ် ဃၣ်ကွံာ်အသးလၢတၢ်မၤကမၣ်တၢ်န့ၣ်လီၤ.”

၁ ယိၤဟၣ် 2:18

ယဖိယလံၤသ့ၣ်ဧၢ, တၢ်အကတၢၢ်ဘူးထီၣ်လံ. သုဘၣ်တၢ်စံးဘၣ်တဲဘၣ်တ့ၢ်သုလၢခရံာ်အဒုၣ်အဒါ ကဟဲဝဲ, ဒီးခဲအံၤခရံာ်အဒုၣ်အဒါအါဂၤဟဲပၢၢ်ထီၣ်တ့ၢ်လံဝဲ အဃိသတးဒီး, ပသ့ၣ်ညါလၢတၢ်အကတၢၢ်ဘူးထီၣ်လံ န့ၣ်လီၤ.

၁ ယိၤဟၣ် 2:19

ပှၤတဖၣ်အံၤတဘၣ်ဃးဒီးပတၢ်ရ့လိာ်မုာ်လိာ်နီၢ်နီၢ်ဘၣ် အဃိ, ဟးထီၣ်ကွံာ်လၢပကျါန့ၣ်လီၤ. အဝဲသ့ၣ်မ့ၢ်ဘၣ်ဃး တ့ၢ်လံဒီးပှၤနီၢ်နီၢ်ဒီး, ကအိၣ်ကဆိးတ့ၢ်ဒီးပှၤန့ၣ်လီၤ. ဘၣ်ဆၣ်ဒီး, အဝဲသ့ၣ်ဟးထီၣ်ကွံာ်လၢပကျါဒ်သိးအကအိၣ်ဖျါဝဲဒၣ်လၢအဝဲသ့ၣ် တဘၣ်ဃးဒီးပှၤနီၢ်နီၢ်နီတဂၤဘၣ် အဂီၢ်န့ၣ်လီၤ.

၁ ယိၤဟၣ် 2:26

ယကွဲးန့ၢ်သုတၢ်အံၤ, ဘၣ်ဃးဒီးပှၤလၢအကျဲးစၢးလီန့ၢ်သုတဖၣ် အဂ့ၢ်န့ၣ်လီၤ.

လံာ်လီၣ်ဖျါ 13:8

ပှၤကိးဂၤဒဲးလၢအအိၣ်ဝဲဆိးဝဲလၢဟီၣ်ခိၣ်ချၢကဘူၣ် ထီၣ်ဘါထီၣ်အီၤ, ဒီးပှၤလၢအတဘါထီၣ်အီၤန့ၣ်, မ့ၢ်ထဲပှၤလၢအမံၤအိၣ်ကွဲးအသးလၢလံာ်မူအပူၤ, တချုးတၢ်တ့လီၤပာ်လီၤဟီၣ်ခိၣ်ဒံးဘၣ်, လံာ်မူလၢအမ့ၢ်သိဖိလၢအဘၣ်တၢ်မၤသံအီၤတဒုန့ၣ် အတၢ်လီၤ.

လံာ်လီၣ်ဖျါ 17:8

တၢ်ဒူတၢ်ဃိၤတဒုန့ၣ်, အိၣ်မူတ့ၢ်ဝဲတဘျီ, ဘၣ်ဆၣ်ဒီး တမူဝဲလၢၤဘၣ်. ဘူးထီၣ်လံလၢအဝဲဒၣ်ကဟဲထီၣ်လၢ တၢ်ပူၤယိာ်, ဒီးကဟးထီၣ်ဝဲဒ်သိးအကဘၣ်တၢ်မၤဟးဂီၤကွံာ်အီၤ အဂီၢ်လီၤ. ပှၤအိၣ်လၢဟီၣ်ခိၣ်ချၢ, လၢအမံၤတအိၣ်ကွဲးအသးလၢလံာ်မူအပူၤတချုးတၢ်တ့လီၤပာ်လီၤ ဟီၣ်ခိၣ်ဒံးဘၣ်တဖၣ်န့ၣ်, ကကမၢကမၣ်မးဝဲကိးဂၤဒဲး, ဖဲအဝဲသ့ၣ်ကွၢ်တၢ်ဒူတၢ်ဃိၤတဒုန့ၣ်လီၤ. တၢ်ဒူတၢ်ဃိၤအံၤ, တဘျီန့ၣ်အိၣ်မူဝဲ, မ့မ့ၢ်ခဲကနံၣ်အံၤတအိၣ်မူဝဲလၢၤဘၣ်. ဘၣ်ဆၣ်ဒီး, အဝဲဒၣ်ကအိၣ်ဖျါထီၣ်ကဒါက့ၤလီၤ.