လံာ်မၢ်ကူး 13:20 - Sgaw Karen Common Bible

²⁰ ကစၢ်မ့ၢ်တမၤစှၤလီၤမုၢ်နံၤမုၢ်သီတဖၣ်န့ၣ်ဘၣ်ဒီး, တမ့ၢ်လၢပှၤကတုၤဘၣ်က့ၤလၢတၢ်အုၣ်က့ၤခီၣ်က့ၤနီတဂၤ ဘၣ်. ဘၣ်ဆၣ်ဒီးပှၤလၢအဘၣ်တၢ်ဃုထၢပာ်ဝဲတဖၣ် အဂီၢ်န့ၣ်, ကမၤစှၤလီၤမုၢ်နံၤမုၢ်သီတဖၣ်န့ၣ်လီၤ.

လံာ်မၢ်ကူး 13:20 Iomraidhean Croise

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 6:13

လၢပှၤအဂၤတဆံအကျါပှၤမ့ၢ်အိၣ်လီၤတဲာ်တ့ၢ်ထဲတဂၤဧိၤ လၢထံကီၢ်အံၤအပူၤဒၣ်လဲာ်, အဝဲစ့ၢ်ကီးကဘၣ်တၢ်မၤဟးဂီၤ ကွံာ်အီၤလီၤ. အဝဲကလီၤဂာ်ဒ်သ့ထိးဖၣ်အခိၣ် ဆၢၣ်လၢအအိၣ်လီၤတဲာ်ဖဲတၢ်ကူၢ်လီၤအီၤဝံၤအလီၢ်ခံလီၤ.” (သ့ၣ်ခိၣ်ဆၢၣ်မ့ၢ်တၢ်ဒိလီၤတၢ်စးထီၣ်အသီတမံၤလၢယွၤ အပှၤဂီၢ်မုၢ်အဂီၢ်န့ၣ်လီၤ.)

လံာ်မးသဲ 24:22

ဘၣ်ဆၣ်ဒီး ကစၢ်ယွၤမၤစှၤလီၤတ့ၢ်လံမုၢ်နံၤမုၢ်သီတဖၣ်န့ၣ်လီၤ. ဒီးမုၢ်နံၤမုၢ်သီတဖၣ်အံၤ, မ့ၢ်တဘၣ်တၢ်မၤစှၤလီၤတ့ၢ်အီၤဘၣ်ဒီး, ပှၤဟီၣ်ခိၣ်ဖိလၢအကမူတီၢ်တအိၣ်လၢၤနီတဂၤဘၣ်. ဘၣ်ဆၣ်ဒီး, လၢအပှၤဃုထၢဖိတဖၣ်အဃိယွၤကမၤစှၤလီၤမုၢ်နံၤမုၢ်သီတဖၣ်လီၤ.

လံာ်မၢ်ကူး 13:19

အဂ့ၢ်ဒ်လဲၣ်န့ၣ်, တၢ်နးတၢ်ဖှီၣ်တကလုာ်လၢမုၢ်နံၤမုၢ်သီတဖၣ်န့ၣ်ကမ့ၢ်တၢ်လၢ အနးဒိၣ်မးတကလုာ်လၢအတမၤဒံးဘၣ်အသးနီတစုလၢ ယွၤတ့လီၤပာ်လီၤတၢ်လၢထံးလၢသီတုၤလီၤလၢအခါခဲအံၤ န့ၣ်လီၤ. ဒီးတမ့ၢ်လၢတၢ်ကမၤအသးဒ်သိးအံၤနီတစုလၢၤဘၣ်.

လံာ်မၢ်ကူး 13:21

အန့ၣ်ဝံၤပှၤတဂၤဂၤမ့ၢ်စံးဘၣ်နၤ, ‘ကွၢ်တက့ၢ်, ခရံာ်ကစၢ်အိၣ်လၢအံၤ’ မ့တမ့ၢ်ဘၣ်ဒီးမ့ၢ်စံးဘၣ်နၤ, ‘ကွၢ်တက့ၢ်, ခရံာ်ကစၢ်အိၣ်လၢန့ၣ်’ ဒီး, နာ်အီၤတဂ့ၤ.