လံာ်မၢ်ကူး 13:2 - Sgaw Karen Common Bible

² ယ့ၣ်ၡူးစံးဆၢက့ၤအီၤ, “နထံၣ်နဲတၢ်သူၣ်ထီၣ်အဒိၣ်အမုၢ်တဖၣ်အံၤစ့ၢ်ကီးဧါ. လၢၢ်တဖၣ်အံၤတၢ်ကမၤလီၤပှီၢ်ကွံာ်အီၤခဲလၢာ်, ဒီးကအိၣ်စဲဘူးလိာ်အသးခံဖျၢၣ်တပူၤဃီဒၣ်လဲာ်န့ၣ်တအိၣ်လၢၤ နီတပူၤဘၣ်.”

လံာ်မၢ်ကူး 13:2 Iomraidhean Croise

လံာ်ယံးရမံယၤ 26:18

“ဖဲစီၤဃံးစကံယၤမ့ၢ် ကီၢ်ယူဒၤအစီၤပၤအဆၢကတီၢ်န့ၣ်, ပှၤမိရၤၡးဖိဝံ မံကၤတဲဘၣ်တ့ၢ် ပှၤဂီၢ်မုၢ်ခဲလၢာ်လၢယွၤသ့တၢ်လၢာ်စံးတ့ၢ်ဝဲဒ်အံၤ, ‘ဝ့ၢ်စံယိၣ်ကဘၣ်တၢ်ထဲၣ်အီၤဒ် စံာ်ပျီတဘ့ၣ်အသိး, ဝ့ၢ်ယရူၤၡလ့ၣ် ကကဲထီၣ်တၢ်ဟးဂီၤတဖၣ် အတၢ်ပူၣ်ထီၣ်အသး, ဒီးယွၤအတၢ်လုၢ်ဟံၣ် အတၢ်လူၢ်ကကဲထီၣ်ပှၢ်လၢ်ကျါတတီၤ န့ၣ်လီၤ.’

လံာ်ဒၤနံးယ့လး 9:26

ဒီးဖဲတၢ်ဆၢကတီၢ်အံၤအကတၢၢ်န့ၣ်, ပှၤခိၣ်ပှၤနၢ်လၢကစၢ်ယွၤဃုထၢအီၤတဂၤန့ၣ်ကဘၣ်တၢ်မၤသံ ကွံာ်အီၤလၢတၢ်တတီတလိၤအပူၤလီၤ. ဝ့ၢ်ဒီးတၢ်လုၢ်ဟံၣ်န့ၣ်ကဘၣ် တၢ်မၤဟးဂီၤကွံာ်အီၤလၢပှၤပၢတၢ်လၢအစိကမီၤဒိၣ် တဂၤအသုးမုၢ်လၢအဟဲနုာ်လီၤဒုးန့ၢ်အီၤန့ၣ်လီၤ. တၢ်အကတၢၢ်ကဟဲဒ်ထံလုၣ်ဘၢတၢ်, ဟဲစိာ်ဝဲတၢ်ဒုးတၢ်ယၤ ဒီးတၢ်မၤဟးဂီၤ, လၢကစၢ်ယွၤကတဲာ်ကတီၤပာ်စၢၤဝဲန့ၣ်လီၤ.

လံာ်မံကၤ 3:12

မၤသးဒ်န့ၣ်ဒီး, လၢသုဃိန့ၣ်စံယိၣ်ကဘၣ်တၢ်ထဲၣ်အီၤဒ်စံာ်တလီၢ်အသိး, ဝ့ၢ်ယရူၤၡလ့ၣ်ကကဲထီၣ်တၢ်ဟးဂီၤအတၢ်ပာ်ဖှိၣ်အလီၢ်တပူၤဒီးတၢ် လုၢ်ဟံၣ်အတၢ်လူၢ်ခိၣ်ကကဲထီၣ်သ့ၣ်ပှၢ်တပှၢ်လီၤ.

လံာ်မးသဲ 24:2

ဒီးယ့ၣ်ၡူးစံးဘၣ်အဝဲသ့ၣ်, “တၢ်တဖၣ်အံၤသုထံၣ်သုဝဲတမ့ၢ်ဘၣ်ဧါ. ယစံးဘၣ်တဲဘၣ်သုတၢ်မ့ၢ်တၢ်တီ, တၢ်သူၣ်ထီၣ်အလၢၢ်တဖၣ်အံၤကဘၣ်တၢ်မၤလီၤပှီၢ်ကွံာ်အီၤခဲလၢာ်, ဒီးတအိၣ်လၢၤလၢအလီၢ်ဒၣ်ဝဲနီတဖျၢၣ်လၢၤဘၣ်.”

လံာ်လူၤကၣ် 21:6

“တၢ်သ့ၣ်တဖၣ်အံၤခဲလၢာ်န့ၣ်, သုထံၣ်ဘၣ်သုဝဲလီၤ. တၢ်ဆၢကတီၢ်ကဟဲတုၤအိၣ်ဝဲဖဲလၢၢ်ထဲတဖျၢၣ်ဧိၤဒၣ်လဲာ် တဘၣ်တၢ်ပာ်လီၤတဲာ်တ့ၢ်အီၤလၢအလီၢ်လၢၤဘၣ်. လၢၢ်ကိးဖျၢၣ်ဒဲးကဘၣ်တၢ်တ့ၢ်လီၤကွံာ်အီၤလၢအလီၢ်န့ၣ်လီၤ.”

မၤတၢ် 6:14

ပနၢ်ဟူဘၣ်တ့ၢ်လံအဝဲဒၣ်အတၢ်ကတိၤလၢအစံးဝဲလၢပှၤ နစၤရ့းဖိယ့ၣ်ၡူးတဂၤအံၤကမၤလီၤပှီၢ်ကွံာ်တၢ်လုၢ်ဟံၣ်စီဆှံ တဖျၢၣ်အံၤ, ဒီးလဲလိာ်ကွံာ်ပလုၢ်ပလၢ်တဖၣ်လၢစီၤမိၤၡ့ ဟ့ၣ်လီၤတ့ၢ်လံပှၤန့ၣ်လီၤ.”

လံာ်လီၣ်ဖျါ 11:2

မ့မ့ၢ်ဂၢၤလၢအချၢတကပၤန့ၣ်, တဘၣ်ထိၣ်ကွၢ်အီၤတဂ့ၤ, အဂ့ၢ်ဒ်အံၤ, အဝဲသ့ၣ်ဘၣ်တၢ်ဟ့ၣ်လီၤတ့ၢ်အီၤဆူပှၤကလုာ်ဂၤ တဖၣ်လၢအကယီၢ်တံၢ်ဝ့ၢ်စီဆှံတဖျၢၣ်န့ၣ်လၢလွံၢ်ဆံခံလါ အတီၢ်ပူၤလီၤ.