လံာ်မၢ်ကူး 13:17 - Sgaw Karen Common Bible

¹⁷ တုၤမုၢ်နံၤမုၢ်သီတဖၣ်ဘၣ်ဝဲဒီးပိာ်မုၣ်လၢအအိၣ်ဒီးအဟုး အသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ်, ကမ့ၢ်တၢ်အကတီၢ်လၢအဖှီၣ်အနးဒိၣ်မးလၢအဝဲသ့ၣ် အဂီၢ်လီၤ.

လံာ်မၢ်ကူး 13:17 Iomraidhean Croise

လံာ်သးသယုၢ်တၢ် 4:10

တၢ်နးတၢ်ဖှီၣ်လၢအဟဲတုၤဘၣ်ဆူယပှၤဂီၢ်မုၢ်အအိၣ်န့ၣ်ဟဲစိာ် တၢ်လီၤပျံၤလီၤဖုးဖးဒိၣ်လီၤ. မိၢ်လၢအအဲၣ်တၢ်ကွံတၢ်တဖၣ်ချီထီၣ်အဖိဒၣ်ဝဲ တဖၣ်လၢတၢ်အီၣ်အဂီၢ်လီၤ.

လံာ်ဟိၤၡ့ 13:16

ၡၤမရံကဘၣ်တၢ်စံၣ်ညီၣ်အီၤလၢအပူထီၣ်ထီဒါယၤအဃိလီၤ. အပှၤဂီၢ်မုၢ်ကသံလၢတၢ်ဒုးတၢ်ယၤအပူၤ, ဖိသၣ်ဆံးတဖၣ် ကဘၣ်တၢ်စူးကွံာ်အီၤဆူဟီၣ်ခိၣ်လိၤဒီးပိာ်မုၣ်လၢအဒၢတဖၣ် အဟၢဖၢကဘၣ်တၢ်ကွဲးသ့ၣ်ဖးအီၤလီၤ.

လံာ်ဟိၤၡ့ 9:14

ယကဘၣ်ဃ့နၤလၢနကဘၣ်မၤပှၤဂီၢ်မုၢ်အံၤဒ်လဲၣ်. မၤတူာ်ဖိအပှၤပိာ်မုၣ်တဖၣ်တက့ၢ်. မၤဒ်သိးအဝဲသ့ၣ်ဒုးအီၣ်အဖိဆံး တဖၣ်အနုၢ်ထံသုတသ့တဂ့ၤန့ၣ်တက့ၢ်.

လံာ်မးသဲ 21:16

ဒီးအဝဲသ့ၣ်စံးဘၣ်ယ့ၣ်ၡူး, “အဝဲသ့ၣ်တဲတၢ်န့ၣ်နနၢ်ဟူဧါ.” ယ့ၣ်ၡူးစံးဆၢအဝဲသ့ၣ်, “ယနၢ်ဟူယဲသၢၣ်. မ့ၢ်သုတဖးဘၣ်တၢ်ကွဲးအသးစီဆှံလၢအစံး, ‘ယွၤကတဲာ်ကတီၤတၢ်စံးထီၣ်ပတြၢၤလၢဖိသၣ်တဖၣ်ဒီးဖိဆံးအီၣ် နုၢ်ထံဖိတဖၣ်အထးခိၣ်’ နီတဘျီဘၣ်ဧါ” (စံး. ၈:၂).

လံာ်မၢ်ကူး 13:16

ပှၤတဂၤလၢအဖံးတၢ်မၤတၢ်လၢစံာ်ပျီပူၤန့ၣ်, မ်အသုတက့ၤကဒါက့ၤဆူအဟံၣ်လၢကဟံးန့ၢ်အဆ့ကၤဖီခိၣ် အဂီၢ်တဂ့ၤ.

လံာ်မၢ်ကူး 13:18

ဃ့ထုကဖၣ်လၢကစၢ်ယွၤဒ်သိးတၢ်သ့ၣ်တဖၣ်အံၤအသု တမၤအသးလၢတၢ်ဂိၢ်တၢ်ခုၣ်အကတီၢ်တဂ့ၤန့ၣ်တက့ၢ်.

လံာ်လူၤကၣ် 21:23

ဖဲမုၢ်နံၤမုၢ်သီတဖၣ်န့ၣ်အဆၢကတီၢ်, ပိာ်မုၣ်လၢအအိၣ်ဒီးအဟုးအသး, ဒီးမိၢ်လၢအအိၣ်ဒီးဖိဆံးအီၣ်နုၢ်ဖိတဖၣ် ကဘၣ်အဖှီၣ်ဆံးဒိၣ်လဲၣ်. တၢ်နးတၢ်ဖှီၣ်အဒိၣ်အမုၢ်ကတုၤအိၣ်ထံကီၢ် တဘ့ၣ်အံၤ, ဒီးကစၢ်ယွၤအတၢ်သးဒိၣ်ကလီၤဘၣ်ထီဒါပှၤဂီၢ်မုၢ်အံၤလီၤ.

လံာ်လူၤကၣ် 23:29

အဂ့ၢ်ဒ်အံၤ, မုၢ်နံၤမုၢ်သီတဖၣ်ကဟဲဝဲဖဲပှၤကစံး, ‘ပိာ်မုၣ်လၢအဖိတအိၣ်နီတစု, လၢအတဒၢထီၣ်နီတစု, ဒီးတဒုးအီၣ်နုၢ်ဘၣ်ဖိသၣ်နီတစုတဖၣ်န့ၣ်, ဘၣ်ဆိၣ်ဂ့ၤဆံးဒိၣ်လဲၣ်’ န့ၣ်လီၤ.