လံာ်မၢ်ကူး 13:11 - Sgaw Karen Common Bible

¹¹ ဒီးတဘျီလၢ်လၢ်ဖဲတၢ်ဖီၣ်သုဒီးတၢ်ဆှၢထီၣ်သုလၢတၢ် ကစံၣ်ညီၣ်သုအဂီၢ်န့ၣ်, သုကဘၣ်စံးဘၣ်ကတိၤတၢ်မနုၤလဲၣ်န့ၣ်သုတဘၣ်သူၣ်ကိၢ်သးဂီၤဆိ ပာ်တဂ့ၤ. မ့မ့ၢ်တုၤအဆၢကတီၢ်ဘၣ်ဒီး, ကတိၤတၢ်ကတိၤလၢတၢ်ဟ့ၣ်သုဖဲအကတီၢ်န့ၣ်တက့ၢ်. အဂ့ၢ်ဒ်လဲၣ်န့ၣ်တမ့ၢ်သုကတိၤသုတၢ်ကတိၤဒၣ်ဝဲဘၣ်. သုတၢ်ကတိၤတဖၣ်ဟဲလၢသးစီဆှံတခီလီၤ.

လံာ်မၢ်ကူး 13:11 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 23:2

ယွၤအသးကတိၤတၢ်ခီဖျိယၤ, အဝဲအတၢ်ကစီၣ်အိၣ်ဝဲလၢယထးခိၣ်န့ၣ်လီၤ.

လံာ်ယၡါယၤ 50:4

ယွၤပၢဘၣ်တၢ်ခဲလၢာ်အကစၢ်သိၣ်လိတ့ၢ်ယၤတၢ်လၢယကဘၣ်စံး ကတိၤ ဒ်သိးယဒုးဆူၣ်ထီၣ်ပှၤလၢအလီၤဘှံးလီၤတီၤအဂံၢ်အဘါကသ့ဝဲ အဂီၢ်လီၤ. ကိးဂီၤဒဲးန့ၣ်, အဝဲထိၣ်ဂဲၤယသးလၢယကဆူလၢ်ဟူတၢ်လၢ အဝဲကသိၣ်လိယၤလီၤ.

လံာ်မးသဲ 10:17

ပလီၢ်သုသးတက့ၢ်. အဂ့ၢ်ဒ်အံၤ ပှၤကအိၣ်ဝဲတနီၤလၢကဖီၣ်န့ၢ်သု ဒီးဆှၢထီၣ်သုဆူတၢ်ဘူၣ်တၢ်ဘါခိၣ်နၢ်တဖၣ်အကီၣ်ကးဒီးပှၤတဖၣ် န့ၣ်ကတီၢ်သုလၢဘူၣ်ဘျီၣ်လၢအမ့ၢ်တၢ်ဘါလီၢ်တဖၣ်အပူၤလီၤ.

လံာ်မၢ်ကူး 13:12

ဒီပုၢ်ဝဲၢ်ကဒဲကဒဲကဟ့ၣ်လီၤကွံာ်အဒီပုၢ်ဝဲၢ်လၢတၢ်ကမၤသံ အီၤအဂီၢ်, ဒီးပၢ်တဖၣ်ကဟ့ၣ်လီၤကွံာ်အဖိတဖၣ်လၢတၢ် တမံၤဃီအဂီၢ်လီၤ. ဖိလံၤတဖၣ်ကဂဲၤဆၢထၢၣ်ထီဒါမိၢ်ပၢ် တဖၣ်ဒီးပျဲတၢ်မၤသံကွံာ်အဝဲသ့ၣ်လီၤ.

လံာ်မၢ်ကူး 13:9

ကစၢ်ဒၣ်သုဝဲ, သုဘၣ်ပလီၢ်သုသးလီၤ. တၢ်ကဖီၣ်သုဒီးတၢ် ကဆှၢထီၣ်သုဆူသူၣ်က့သးပှၢ်အခိၣ်အနၢ်တဖၣ်အမဲာ်ညါလီၤ. သုကဘၣ်တၢ်ဒိတၢ်တီၢ်သုလၢဘူၣ်ဘျီၣ်လၢအမ့ၢ်တၢ်ဘါ အလီၢ်တဖၣ်အပူၤလီၤ. လၢယဃိသုကဘၣ်အိၣ်ဆၢထၢၣ်လၢကီၢ် ပဒိၣ်ဖးဒိၣ်ဒီးစီၤပၤတဖၣ်အမဲာ်ညါလၢတၢ်ကစံၣ်ညီၣ်သုအဂီၢ်, ဒီးသုကကဲထီၣ်ပှၤအုၣ်အသးတဖၣ်လၢအဝဲသ့ၣ်အမဲာ်ညါလီၤ.

လံာ်လူၤကၣ် 21:12

ဘၣ်ဆၣ်ဒီးတချုးလၢတၢ်သ့ၣ်တဖၣ်အံၤခဲလၢာ်မၤအသးဒံးဘၣ်န့ၣ်, သုကဘၣ်တၢ်ဖီၣ်သုဒီးမၤအၢမၤနးသု, သုကဘၣ်တၢ်ဟ့ၣ်လီၤသုဒ်သိးတၢ်ကသမံသမိးသုလၢဘူၣ် ဘျီၣ်လၢအမ့ၢ်တၢ်ဘါလီၢ်အပူၤဒီးတၢ်ကဒၢနုာ်သုလၢဃိာ်ပူၤ, သုကဘၣ်တၢ်ဆှၢထီၣ်သုဆူစီၤပၤတဖၣ်ဒီးပှၤပၢတၢ်တဖၣ် အမဲာ်ညါလၢယမံၤအဃိလီၤ.

လံာ်ယိၤဟၣ် 3:27

စီၤယိၤဟၣ်စံးဆၢတၢ်ဒီးစံး, “ကစၢ်ယွၤမ့ၢ်တဟ့ၣ်လီၤတၢ်လၢအီၤဘၣ်ဒီး ပှၤဒိးန့ၢ်တၢ်တသ့နီတမံၤနီတဂၤဘၣ်.

မၤတၢ် 2:4

အဝဲသ့ၣ်ခဲလၢာ်လၢထီၣ်ပှဲၤထီၣ်ဒီးသးစီဆှံ, ဒီးကတိၤထီၣ်တၢ်လၢကျိာ်ဂၤတဖၣ်ဒ်ယွၤအသးဒုးသ့စံးသ့ ကတိၤအီၤအသိးန့ၣ်လီၤ.

မၤတၢ် 3:13

စီၤအၤဘြၤဟၣ်, စီၤအံၤစဲးဒီးစီၤယၤကိာ်တဖၣ်အကစၢ်ယွၤ, ပမိၢ်ပၢ်ဖံဖုလၢပျၢၤတဖၣ်အကစၢ်ယွၤဟ့ၣ်လီၤအခ့အပှၤယ့ၣ်ၡူး လၢယွၤအလၤကပီၤန့ၣ်လီၤ. မ့မ့ၢ်သုဝဲဒၣ်, သုဟ့ၣ်လီၤကွံာ်အီၤဆူပှၤအခိၣ်အနၢ်တဖၣ်အစုပူၤ, ဒီးဖဲပဒိၣ်စီၤပံၤလးစံၣ်ညီၣ်တ့ၢ်လံဝဲလၢအကပျၢ်ထူၣ်ဖျဲး ကွံာ်အီၤဒၣ်လဲာ်န့ၣ်, သုညိကွံာ်အီၤလၢပဒိၣ်န့ၣ်အမဲာ်ညါလီၤ.

မၤတၢ် 4:31

တုၤအဝဲသ့ၣ်ဃ့ဘါထုကဖၣ်တၢ်ကတၢၢ်ဝဲဒီး, တၢ်လီၢ်ဖဲအဝဲသ့ၣ်အိၣ်ဖှိၣ်သကိးဝဲလၢအပူၤန့ၣ်ဟူးဝးဝဲလီၤ. အဝဲသ့ၣ်ကိးဂၤဒဲးလၢထီၣ်ပှဲၤထီၣ်ဒီးသးစီဆှံ, ဒီးစံၣ်တဲၤတဲလီၤယွၤအတၢ်ကစီၣ်လၢတၢ်သူၣ်ဒူသးဒူအပူၤလီၤ.

မၤတၢ် 6:10

ဘၣ်ဆၣ်ဒီးယွၤအသးဒုးကတိၤအီၤတၢ်ကတိၤပှဲၤဒီးတၢ်ကူၣ် သ့သတးဒီး, တုၤအဝဲဒၣ်ကတိၤထီၣ်တၢ်တစုန့ၣ်, အဝဲသ့ၣ်ကတိၤဂ့ၢ်လိာ်ဆၢအီၤတသ့ဘၣ်န့ၣ်လီၤ.

မၤတၢ် 6:15

ကယဲၢ်ပှၤဆ့ၣ်နီၤအိၣ်လၢကီၣ်ကးအလီၢ်န့ၣ်, ကွၢ်စူၣ်စီၤစတ့းဖၣ်ဒီးထံၣ်ဝဲလၢအဝဲဒၣ်အမဲာ်ဖျါလီၤဂာ်ဒ် မူခိၣ်ကလူးတဂၤအမဲာ်အသိးန့ၣ်လီၤ.

မၤတၢ် 7:55

မ့မ့ၢ်စီၤစတ့းဖၣ်လၢထီၣ်ပှဲၤထီၣ်ဒီးသးစီဆှံ, ကွၢ်ထီၣ်တၢ်ဆူမူခိၣ်ဒီးထံၣ်ဘၣ်ကစၢ်ယွၤအလၤကပီၤ, ဒီးထံၣ်ဝဲယ့ၣ်ၡူးအိၣ်ဆၢထၢၣ်လၢကစၢ်ယွၤအစုထွဲတခီ လီၤ.

1 ကရံၣ်သူး 2:13

လၢတၢ်န့ၣ်အဃိ, ပတစံးကတိၤတၢ်လၢတၢ်ကတိၤတဖၣ်လၢအဘၣ်တၢ်သိၣ်လိအီၤ လၢပှၤကညီအတၢ်ကူၣ်ဘၣ်ကူၣ်သ့န့ၣ်ဘၣ်. မ့မ့ၢ်ပစံးကတိၤတၢ်လၢတၢ်ကတိၤတဖၣ်လၢသးစီဆှံသိၣ်လိပှၤမ့ၢ်လၢ ပတဲဖျါဘၣ်ဃးသးအတၢ်မ့ၢ်တၢ်တီတဖၣ်ဆူပှၤတဖၣ်လၢအအိၣ်ဒီး ကစၢ်ယွၤအသးစီဆှံအဃိန့ၣ်လီၤ.

အ့းဖ့းစူး 3:5

လၢအပူၤကွံာ်အကတီၢ်တဖၣ်န့ၣ်, ပှၤဟီၣ်ခိၣ်ဖိတဘၣ်တၢ်စံးဘၣ်တဲဘၣ်အီၤလၢတၢ်ခူသူၣ် အံၤဘၣ်. မ့မ့ၢ်အခဲအံၤ, ကစၢ်ယွၤလီၣ်ဖျါထီၣ်န့ၢ်တၢ်မၢဖိဒီးဝံ စီဆှံတဖၣ်ခီဖျိယွၤအသးန့ၣ်လီၤ.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

၁ ပ့းတရူး 1:12

ကစၢ်ယွၤလီၣ်ဖျါထီၣ်တ့ၢ်တၢ်ဆူဝံတဖၣ်အံၤလၢအဝဲသ့ၣ် အတၢ်မၤအံၤတမ့ၢ်လၢအဘျုးဒၣ်ဝဲအဂီၢ်ဘၣ်, မ့မ့ၢ်, မ့ၢ်လၢသုဂီၢ်တခီန့ၣ်လီၤ. ဒီးခဲအံၤအဝဲသ့ၣ်ကတိၤတၢ်ဘၣ်ဃးဒီးတၢ်သ့ၣ်တဖၣ်လၢ သုနၢ်ဟူခဲအံၤလၢပှၤစိာ်တၢ်ကစီၣ်တဖၣ်အအိၣ်, လၢအစံၣ်တဲၤတဲလီၤတၢ်သးခုကစီၣ်ခီဖျိသးစီဆှံ အစိကမီၤလၢအဟဲလီၤလၢမူခိၣ်န့ၣ်လီၤ. တၢ်သ့ၣ်တဖၣ်အံၤ, မ့ၢ်တၢ်လၢကလူးသ့ၣ်တဖၣ်ဒၣ်လဲာ်အဲၣ်ဒိးသ့ၣ်ညါနၢ်ပၢၢ် ဝဲန့ၣ်လီၤ.